Yeremi 22:3 - NQAARIIT NE ROOG

³ Keeke o Yaal oxe a layu: Ñaaƴinyo a ƭat fo o cofel, suqit oxe na toroxandeel na xa ƥay no ñaañagadil oxe! Ba nu toroxand o gataakoon ole mbaat o waan ole mbaat o ñaaw oxe, ba nu ñagadil a den too ba nu ƥax no mbiñ onqene fo’oy jaambuur.

Yeremi 22:3 Referans Kwoze

Yeremi 21:12

nuun mbind Dawid! «Nqes nuu nu ngate’aa, ngate’ityo o cofel, suqit oxe na toroxandeel na xa ƥay no ñaañagadil oxe, ndik fuux es a biltoox nen fiɗel, a doxaa too waagkaand o ñuf, yaam a pi a paaxeer ake nuun! Mi o Yaal oxe layun.

Mise 6:8

Ha’aa! Woxe kiin, andnooree ke faaxna. Ke o Yaal oxe a bugna na wo refu yee o ñaaƴin a ƭat, fadin o mbeq soo ñaaƴaa fa Roog of kam a neewandax.

Yeremi 22:17

Kaa koy, a kid of fo xeeñ of o njiriiñ of rek a ƭeetaa fo fo’oy jaambuur, ndax o ɓaxin, ñagadil fo a ƭom-yedar, ndax o fadin a den.

Saak 1:27

Roog Faap fee kaa lay ee o reefin ndigil refu: O topatooxaa xa baan axe fo ñaaw we ndefna na coono, wootoox a xoox of itam, ndik paaxeer ke na adna fee a naxong, a mbi’noorong paaxeer.

Heseki’el 22:7

Faap fa yaay kaa nqeefel me wo, o gataakoon ole a ñagadileel a ndeer of, o waan ole fo o ñaaw oxe a mbalteel.

Malaki 3:5

O Yaal oxe Hupna fop kaa tee: Mexey garaa, ndax um hate a nuun, too xam ñof o jamb we saɗareeraxama, a ñango’aa mbaat da seeqaa mbaat da ngaañtaa cegeer mbaat da naxaa jaajal we no ndabid den mbaat da toroxandaa ñaaw we fo xa baan axe mbaat da tooñaa xa kataakoon axe.

Yeremi 9:24

O Yaal oxe kaa tee: «Ñaal key a ngaraa kaa um dalkaa took we nqucooxna no cer,

Yeremi 5:28

a magin, a naag naluƈ. Kaa ngupal na pi a paaxeer. Naangee o ƥoxottaa ɓur, ɓur le no waan ole, too kaa texeyaa. A ƭat den yongee na wargal no ndool onqe.

Esayi 1:23

Kelfa ke wo andatee a ƭat, a ngiɓaa o ngir fo guuɗ we, a mbex o ngereel, a ƈufanaa neexil. Ƥoxotkee o waan ole ke refna wargal um too mbaritkee o ñaaw oxe.

Xa peƭit axe 23:10

Ba o riñ a tet ake mbiiseena yaaga, ndax o rok kam o qol no waan ole,

A kim a tedu ke 68:5

Ngimanyo a Roog, nqaanin. Njagandanyo oxe ŋaayna a eel ake a ƭat. Gon um refu o Yaal oxe. Mbeƈekooxyo mbaambir um.

2 Maad we 24:4

fo itam fo’oy no caambuur ke ta ɓaxna boo Yeerusaleem fop a may fo fo’oy no caambuur taxu o Yaal oxe bug’ee o waasanit.

A cangatin ale 24:7

«Boo o Ii-isra’el a guuɗna o leng no fog um soo a fi’kin o paɗ mbaat ta jikookin, fat a warel. Neene, xan nu mbatin paaxeer ke a ndeer nuun.»

Yeremi 26:16

Kelfa ke fa xeet fee fop a laya saasadax we fo duleer we yee: «O koor oxene waree o maalel fa nqon, yaam no gon no Yaal oxe Roog in a layu fa in.»

Xa peƭit axe 6:17

a kid nga’yaamoo ke, ɗelem naanax le, xa ƥay axe na ƥaxaa fo’oy jaambuur,

A kim a tedu ke 94:21

Kaa mbokatooranaa o cofu xe, a ndamnooraa a jaambuur fee,

A kim a tedu ke 94:6

Kaa mbaraa o ñaaw oxe fo o gataakon ole, a njangaa o ñis no waan ole

Ke bindeena no xe ne’eena YOB 24:9

Oxe jegateerna faap kaa suqtiteel no ƭeen ya um, o ƥiy onqe no ndool onqe a xotel, a rabditikel o lad.

Ke bindeena no xe ne’eena YOB 22:9

Kaa o raxoogu ñaaw we o ƥor, o waan ole, o yirif xa ƥay um.

2 Sami’el 23:3

Roog fee Isra’el a laya, ɓil le Isra’el a layaxam ee: «Oxe kelfa’na wiin we fo o cofel soo a maadoortaa o saɗar a Roog

A cangatin ale 27:19

‹Oxuu ɗapna hate took a bug o maaf o gataakoon mbaat o waan mbaat o ñaaw a halakooxa!› Fat xeet fee fop a ndoon ee: ‹Amiini!›

A cangatin ale 25:1

«A soƥangaa yee goor ɗik kaa ndaawir boo a ngar ndax da ngate’el, fat oxe tooñeerna a ɓoxotel ɓur, soo oxe tooñna a maalel.

A cangatin ale 10:18

O waan ole fo o ñaaw oxe kaa ta ɓoxotaa a den ɓur den, a fex o gataakoon ole soo a ci’an ñaamel fo ñirax.

A paɗax ale 19:15

Ba nu ngate’it njofaƭar, mbarit o neewu doole xe mbaat o yaal doole xe, ndaa ngate’ityo o cofel.

Mise 3:11

Haahate we den kaa ngate’aa took nger, saasadax we den a njangnaa took ndabid, duleer we den a yegnitaa padafuleer, ndax da njeg xaaliis too a saɗa o ngeƈnoox no Yaal oxe, a lay ee: «O Yaal oxe xey a ndeer in! Paaxeer leng dalkee a in!»

A sutax ale 22:22

Nu ñagadilangaa a den, xan a ƈufginooxaam, mi o Yaal oxe, too fat nu and ee xam nan-giloox a den.

Mace 23:23

Ndaw sabab took nuun, nuun jaajangin we no kebil ke fo Farisiya we, nuun we ndefna yememaar! Kaa nu cooxtaa a seek xarɓaxayandeer ale na naana fee fo na fasaaƥ fee fo na kaane fee, soo koy nqaƴ ke moƴna jeg o njiriiñ no kebil ke, ta ref o cofel fa yirmande fo o ngim. Keene kaa jareena o fi oo, ndaa waree o tax nu yapatil tig lakas ke itam.

A sutax ale 22:21

Ba nu toroxandaa ñaaw we mbaat xa baan axe.

Esayi 58:6

Keeke refu koor ne buguuma: Ten refu yee o wokit we ngumteena ceen took o hup doole, ɗeg ŋaƭir ke no kadoor ke da ireena, we na toroxandeel, o fi da njeg a qoox den, ɓol kadoor ke fop.

Esayi 58:7

Ten refu itam o xaajir fo xe xeexeena ñaamel of, rool we njegeerna maa njaɓnooxna, o wetan a den mbind of, oxe ɓangdeena, o cooxin ñirax, soo fañ o fes a cinj o pog of.

Yeremi 7:23

Kaa kañ keeke heblum a den: Nan-gilooxyo o ñuxur es, too xam ref Roog nuun, nu ndef xeet es. Ñaaƴyo na ƭat ake simuuma a nuun fop, ndax nu ƭaay.

Yeremi 19:4

Yaam we Yudaa a mbaasaxam. A maasanda o mbiñ onqene, a ƥoxot teen cuuraay roog can kaa andoona yee den fa qoox den, daan den fo maad we Yudaa and’ee a den, too a mayƭandta o mbiñ onqene fo’oy no caambuur.

A ƭomatax ake 3:36

a ƭat a ñakel o reef yaa fo layoor, ndax o Yaal oxe naagiran o ga’aa?

Heseki’el 18:12

a ñoowtaa onj no ndool onqe fo o gataakoon ole, a guuɗaa, dakinkee ke ta tayle’eena, a ɗeetaa farna fo nitaal roog cakalaaru ke, a fi’aa cednooxu,

Heseki’el 45:9

Keeke o Yaal oxe na refkaa boo faw a layu: «Nuun gelwaar we Isra’el, tige nuun a ɓeka a sak! Mbaasyo ñagadil ke fo a ƭom-yedar ake, ndeef a ƭat fo o cofel, nqaƴ xeet es fee nu toroxandaa. Mi o Yaal oxe na refkaa boo faw layun.

Amos 5:24

Ke buguuma refu a ƭat ale na xayaa nen a ƈufnand, o cofel ole na ɓunaa nen xur fa ŋiiskeer.

A cangatin ale 24:17

«Ba nu ƭap yaa fa hate took o mbug o maaf o gataakoon mbaat o waan. Ba nu njang ñirax no ñaaw nen ngaasnit.

A kim a tedu ke 82:4

Mbatyo o neewu doole xe fo o ndool onqe, suqtin na xa ƥay no soxodu we.

Heseki’el 18:7

Ñoowitkee onj no kiin, a daknaa ke ta tayle’eena no lad, guuɗkee, a ci’aa o qeexe xe ta ñaam soo a ñiraa o ƥangde xe.

Amos 5:15

Kaam ee, nu sib paaxeer, mbex paax, ñaaƴin o cofel no xeloorand ole. Yaaga o Yaal oxe Roog fee Hupna fop a waaga yirimkaa a nuun, nuun yoqatin we no mbind Yoseef.»