Yeremi 22:26 - NQAARIIT NE ROOG

²⁶ Cinj kaaga, xam deɓ a nuun, wo fa ya of fee rimoonga, kam saax lakas laa nu ndimaandeena, too maaga nu nqonitkaa.

Yeremi 22:26 Referans Kwoze

2 Maad we 24:15

A damta o maad Yoyakin Yeerusaleem, a ɓisin took o hup doole kam Babilon, ten fa ya um fo rew we ten fo cawdiin ke ten fo wiin maak we Yudaa fop

Esayi 22:17

O koor oxe, o Yaal oxe xan a deɓong, a niipong,

2 Maad we 24:8

Yoyakin a jeg’a xa kiid xarɓaxay fo xa kiid ɓetaa tadaq, ye ta sogna refaa o maad. A maadooxa a qool a tadak kam Yeerusaleem. Ya um Nehusta a ne’’e, a ref o ƥiy Elnatan fee gen’ina Yeerusaleem.

Yeremi 10:18

yaam keeke o Yaal oxe a layu: «Jaf leeke, xam suusaand we ngenna no saax le. Xam fiiqil a den ƭomu, ndax da naagel nuus.»

Yeremi 13:18

«Layi o maad oxe fa ya no maad oxe yee: Moofyo a lanq, yaam fo ndip fo mosaan ne nuun a yenta na qoox nuun.

Yeremi 16:13

Ten taxu xam deɓ a nuun maa goƭna saax lene, no saax lakas laa nu andeerna, nuun fo daan nuun. Xan nu mbaɗooxaa maaga roog lakas, ñaal fo o yeng, yaam yirimkiim a nuun.› »

Yeremi 22:27

Kam saax lene nu yuxumna o nomtooxiid nu nomtooxiidkee teen.»

Yeremi 28:4

Xam nomtiid no mbiñ onqene itam a Yoyakin fee o ƥiy Yoyakim, too a ref o maad Yudaa, fo fop we Yudaa ƥis’eena took o hup doole kam Babilon, yaam xam ɓol a kadoor ale o maad oxe Babilon a seraa a nuun.› »

Yeremi 29:2

A lulta o leetar ole cinj ye o maad Yoyakin, ya no maad oxe, cawdiin ke, kelfa ke Yudaa fo ke Yeerusaleem, daadaaƴ we fo faal tafax we a mbar’ina o sutoox Yeerusaleem.

Yeremi 44:14

O leng no we yoqna na Yudaa too a laqooxiid mene, no saax le Misira, ɓostooxkee mbaat ta daɗ. O leng na den nomtooxkee no saax le Yudaa, da ndiilooxaa o ngenatinik, a refangee leng-leng waa na ƥostooxkaa.»

2 Maad we 25:27

No hiid qarɓeen tadik fo hiid o ɓetuu ɗikandeer ole no mbaƭ ne Yoyakin fee o maad Yudaa, no ñaal qarɓeen ƭik fo ñaal ɓetuu ƭikandeer naa no nqool xarɓaxay fo nqool o ƭikandeer onqaa, Ewil-Merodak fee o maad oxe Babilon, no hiid o feraand ole no maat um, a yirma a Yoyakin fee o maad Yudaa soo a sutnin na kaso faa.

2 Maad we 25:29

A suptanaan toki kaso ke ten, soo Yoyakin a fogataa fo ten o roon kili no ñoow o ñis um fop.

2 Maad we 25:30

Mbeet oo mbeet, Yoyakin a daawtooga no maad oxe Babilon ñoowir um no ñoow o ñis um fop.