Yeremi 22:22 - NQAARIIT NE ROOG

²² Ɗooɗox we wo fop xan nqeñ ne a maƥ a den, we mbesanoogoonga a ndefik faɗ. Maaga, xan o sed, may fa gaci yaam kañaan of fop.

Yeremi 22:22 Referans Kwoze

Sakari 11:17

Sabab took no kaynaak o caree tus oxe na fesaa paal um a cinj! Yaasam laƥ a god a naax um soo a yul a ngid um a ñamaak! Kaam ee yaasam a naax um a yeroox, a ngid um a ñamaak a cus!

Hoose 13:15

Efrayim a bug oo neep nen ndaxar a ndeer no fog um, ndaa nqeñ ne no batand xan a gar, buuƭ ne no Yaal oxe a yoɗoor na koƥ-a-ƥor ale. Xan a ŋiisin kas ke ten, a weerin a cur ake ten, kalal ke ten fo tig oo tig cegu njiriiñ ke ten fop a mbaltel.

Yeremi 12:10

Gaynaak mayu a nduudna a ƭing taxar biiñ ale mi, a nduut o qol ole mi, o qol o yaawnooxu le mi da mbi’in nen a koƥ-a-ƥor.

Yeremi 10:21

Ɗooɗox we na xeet fee kaa mbanxoy. Mbaaƭee o Yaal oxe. Ten taxu nqenɗee, too we da ƭoxoogna fop a pasare.

Yeremi 20:11

Kaa koy, o Yaal oxe xey fa mi nen a salma-koor a cegu doole. Ten taxu we na ñagadilaxam xan a tolof too mbaagankiraam o sep. Xan a sed ɓot, yaam ne da njegeerna ne da mbugna, a ngaci boo faw, too o leng weeckiran.

Esayi 64:6

Jegatee o leng oxaa na ƴufginooraa gon of mbaat oxaa yokooxna no damoox na wo, yaam kaa o sing a in mukit of soo xaƴ a in i mudaa na saŋkax yaam tooñ in.

Sakari 11:8

Kaa koy, no nqool o leng kut sambraam fo gaynaak daduk we. Cinj kaaga, waag’atiim o muñan paal ke itam, too den oo mbug’atiraam o nga.

Hoose 4:19

Nqeñ ne xan a maƥ a den, too xan a sed ɓot yaam sadax ke den.

Yeremi 2:37

Xan o nomtoortiid me ten itam, roxondoox xa ƥay of, yaam mi o Yaal oxe deɓaam ke hoolooxoona. Xotitkiro ngoora leng na den.»

Yeremi 2:8

Saasadax we laamtee yee: ‹Taa o Yaal oxe?› We na njangnaa kebil ke andiraam, ɗooɗox we na xeet fee a siiknoor fa mi, duleer we a lay no gon Baal. Kaa ngiɓoor fo roog kaa mbaageerna o ndimle.

Esayi 65:13

Ten taxu keeke o Yaal oxe na refkaa boo faw a layu: «Dag es xan a njeg kaa da ñaamna, soo nuun o mat nu ndef no nqeex. Dag es xan a njeg kaa da yerna, soo nuun o mat nu nqonaa fo a koɗom. Dag es xan a ndef no ɗaay, soo nuun o mat nu ndef na gaci.

Yeremi 4:30

Kaa koy, wo Yeerusaleem fee bayteena, xar o fi’kaa? Kaa o rokooxaa tikoorik taalde’u, heloortaa kumooxel wurus, tusngul a kid of. Kaa o mosandooxaa na dara. Xa pes axe wo kaa sibatong, o mbarong doŋ a mbugu.

Yeremi 5:13

Duleer we ten nqeñ doŋ a ndefu, Roog layee fa den. Yaasam ke da yegnitaa a sagoox took den!»

Yeremi 7:19

Kaa koy, mi o Yaal oxe kaam laamtaa: Ndax mi a mbuuxnooraa? A qoox den kañ a mbi’aa, too gaci den a qicaa.»

Yeremi 30:14

Fop we mbesanoogoonga a mbeecaang, mbaaƭatirang muk, yaam xawtaaxoong nen o pañ, fadong ƭomu yaam tooñ mayu ke wo fo pakaad magnu ke wo.

Hoose 12:1

O Yaal oxe kaa tee: «Efrayim kaa widaam fo xa maaƥ, mbind Isra’el a ndeeraam fo naanaxir ƥor, Yudaa a maad o siiknooraa fa mi, mi fee o Tedu xe gore’na.

Yeremi 2:36

Xar o ñofandooxanaa boo suptaa a ƭat of? Xan Misira a sednoorong ne Asuur a sednoorit’oonga.