Yeremi 22:21 - NQAARIIT NE ROOG

²¹ Lay’aam fa wo yaaga dara jaaxɗandirang, ndaa o doonaam ee: ‹Nan-gilooxkiim.› Keene refu a pesoorooƭ of no kaa xotitna no ndeƥandoong of, yaam nan-gilooxiro o ñuxur es.

Yeremi 22:21 Referans Kwoze

Yeremi 32:30

Yaam Ii-isra’el we fo Yuuyudaa we paaxeer doŋ a mbi’u na kid es no kaa xotitna no mberaandoong naa na cosaan den. Ii-isra’el we mbi’ee dara a refangeerna a mbuuxnoortaam jale den. Mi o Yaal oxe layun.

Yeremi 3:25

Fat i mbondoor gaci in, o niwaƭarel a hul a in, yaam kaa i tooñ o Yaal oxe Roog in, in fo daan in, no kaa xotitna no ndeƥandoong in boo no ñaal nene. I nan-giloox’ee o ñuxur no Yaal oxe Roog in!»

Esayi 48:8

Kaa sax nu mosiran o nan, nu mosiran o and, too mosee o rok no yul nof nuun, yaam and’aam ee hoohod nu ndefu. Naa nu ndime, kaa nu nqoyeel gore’aƭaru we.

Xa peƭit axe 30:9

yaam ndik um neq soo xañong, lay ee: «An refu o Yaal oxe?» mbaat kam ndool ne um guuɗ, ŋañnoor a Roog es.

Heseki’el 20:8

A siiknoora fa mi, a mbañ o nan-gilooxaam. O leng na den deɓee cakalaaru ke yul’ina a ngid um, too mbaasee pangool ke Misira. Maaga, xalaataam o sayan a den, fagiɗ fuux es tak took den a ndeer saax le Misira.

Yeremi 35:15

Lultiidaam a nuun duleer we dag es fop, roog fuu feedna um luliid a den, ndax da lay a nuun ee: ‹Mbesyo a cinj a ƭat a paaxeer ale nuun, supit a pesoorooƭ nuun too ba nu ndeef roog lakas ke, ndax nu mbaɗoox a den.› Yaaga, xan nu ngen no saax le ci’uuma a nuun, nuun fo daan nuun. Kaa koy, nu ndungee nof nuun, nu nan-gilooxiraam.

Yeremi 6:16

Keeke o Yaal oxe a layu: «Ngeenooxyo ƭeet me nu nqotaa, laamit a qal ake yaaga. Mbaaƭyo a ƭat a paax ale soo ñaaƴ teen. too xan o laaw nuun a ñootnoox. Kaa koy, nu ndoona yee: ‹I ñaaƴkee teen.›

Heseki’el 20:28

Ɗoxaam a den boo no saax le daaɓoox’uuma fo o ɓay es took ee xam ci’in a den. Den o mat, muu da ƈookna ñaang sadaxand mbaat ndaxar niɓu, a ƥoxot maaga sadax den, a mbuuxnoortaam maaga sadax tuufe-duufe ke den, a ƥoxot maaga sadax pelu tuñ ke den soo a njuur maaga biiñ fee den.

Heseki’el 20:21

Kaa koy, xa taan axe a siiknoora fa mi. Ndeefee bargal es, ngayee too mbadnee kebil es ke o kiin oxe a warna o fadin ndax ta ñoowit na den. A maasanda pes a ñootnax ke mi. Xalaataam o sayan a den, fagiɗ fuux es tak took den kam a koƥ-a-ƥor ale.

Heseki’el 20:13

Kaa koy, mbind Isra’el a siiknoora fa mi kam a koƥ-a-ƥor ale. Ndeefee bargal es, too a ndeɓa kebil es ke o kiin oxe a warna o fadin, ndax ta ñoowit na den. A maasanda pes a ñootnax ke mi, a mbañ o mbaas. Xalaataam o sayan a den kam a koƥ-a-ƥor ale, ndax um saŋik a den.

Yeremi 2:31

Nuun wiin we no suk nene, nan-gilooxyo a paax ke o Yaal oxe a layna: Ndax a koƥ-a-ƥor reeƭum na Isra’el mbaat saax o niɓaan? Xar taxu xeet es a lay ee: ‹In njegu a qoox in, i mbugee o nomtooxiid me wo?›

2 Caloori ke 33:10

O Yaal oxe a laya fa Manaase fa xeet um ndaa o leng nan-gilooxiran.

A cangatin ale 31:27

Andaam o ɓoow nuun fo o saƭik xoox nuun. Nu siiknoorangaa fo o Yaal oxe kañ, ye maaduuma o ñoowaa a ndeer nuun, nam nu moƴkeerun o mbi’it, yaa xonuuma!

A cangatin ale 9:24

Naa andum a nuun, nu nananee o ñuxur no Yaal oxe.

A cangatin ale 9:7

«Mbetandooxyo too ba nu mbeecit muk ne nu mbuuxnoortoogna o Yaal oxe Roog nuun kam a koƥ-a-ƥor alaa. No kaa xotitna no ñaal naa nu sutooxna saax laa Misira boo neen nu mbadiidu o mbiñ onqene kaa nu siiknooraa fo ten.

A kim a tedu ke 129:1

A kim no ñaañaaƴ we yoo. Ñagadileem ƭomu no kaa xotitna no ndeƥandoong es – fat Isra’el a lay neene –

Yeremi 3:24

No ke xotitna no ndeƥandoong in, a paɗax a sednooxu le Baal a ruudna ke daan in a onj’ina: cegel teɓ ke fo maak ke den, xa ƥiy xa koor axe fo xa tew axe den.

Yeremi 13:10

Xeet fa soxodu feene kaa mbañ o nan-giloox fa lay es. Kaa nqox no saƭik xoox ole den, a ngiɓoor fo roog lakas, ndax da mbaɗoox a den soo a ngungaa mbaambir den. Xan a nand nen o kumnoor olene jiriiñateerna tus.

Yeremi 19:15

«Keeke o Yaal oxe Roog fee Isra’el Hupna fop a layu: ‹Xam atiid took teeru fene fo took teeru ke ta waxooxna fop taamaala ke regdinooxanuuma fop, yaam we ngenna teen kaa saƭik a qoox, a mbañ o nan-giloox fa lay es.› »

Yeremi 48:11

O Yaal oxe kaa tee: «Mowaab kaa ñoowoogu na jam no kaa xotitna no ndeƥandoong um, mosaand o ɓis gilaa saax took o hup doole. Kaa yaadoox’u nen biiñ faa wendna boo a diƈoox no nqiim um. Mosaand o yiƥadoox ndeer o ƥaxañ fo o gend um, a maada fo a safaan um, too a qeeñaan um suptooxee.

Sakari 7:7

Ndax keene refee fa lay fee o Yaal oxe a layna a reefandin no duleer we yaaga, ye Yeerusaleem a geneena too a ref no yaadax, ten fo teeru ke mbiduuna, soo o jegel ole no ɓemb-roog o ñamaak fo ole na yulanq ake a ngenel itam?

Yeremi 2:25

Wo Isra’el, wootooxi ndik o ñaaƴ a caf a ƥor, wootoox a peep of a weer kaŋ! Kaa koy, kaa o doon ee: ‹Ha’aa, waasaam! Fexaam roog can ke too faw um reef a den.›

Yeremi 25:3

«No kaa xotitna no hiid xarɓaxay fo o hiid o dadkandeer ole no maat Yosiya fee o ƥiy Amon too a ref o maad Yudaa, a gar fa xaye, xa kiid qarɓeen ƭik fo xa kiid xa tadaq axey axaa um daawaa fa lay fee no Yaal oxe, yegnan a nuun roog fuu feedna, ndaa nu nan-gilooxee.

Yeremi 25:4

O Yaal oxe a lultiida a nuun duleer we dag um fop, roog fuu feedna ta luliid a den, ndaa nu nan-gilooxee, nu ndungee nof nuun, ndax nu nan.

Yeremi 25:7

Kaa koy, nu nan-gilooxiraam, ndaa kaa nu mbuuxnoortaam nitaal roog ke nu njaloodna, ndax nu or taamaala took nuun. Mi o Yaal oxe layun.›

Yeremi 25:8

Ten taxu keeke o Yaal oxe Hupna fop a layu: ‹Feek nu nan-gilooxee fa lay es,

Sofoni 3:2

Nan-gilooxee o ñuxur o leng, a ƭat um yongee no soqanqol, doonee a koolax um no Yaal oxe, matiidee a Roog um.