Yeremi 22:2 - NQAARIIT NE ROOG

² lay ee: Nan-gilooxi fa lay fee no Yaal oxe, wo o maad oxe Yudaa fee moofna no uum-maamaad le Dawid, wo fo dag of fa xeet of, na ndoktaa no tokand kene!

Yeremi 22:2 Referans Kwoze

YEGIL MBAAX NE YEESU ne Lik a bindtuuna 1:32

Xan a ref o kiin o maak, too xan a xoyeel o Ƥeenqe no xe Took-ee-took. Xan o Yaal oxe Roog a ci’in ta ref o maad nen a Dawid fee o taan um.

Yeremi 22:4

Yaam boo nu mbi’na keene no ndigil, yaaga xan a jegahin maad waa na moofkaa no uum-maamaad le Dawid, a ŋaay na sareet-xire fo pis. Xan a mbaag o ndeefaa no tokand ke no mbind nene, den fo dag den fa xeet fee.

Esayi 9:7

O Yaal oxe a lulta o ñuxur na Yakoob, fa lay um a yen na Isra’el.

Esayi 1:10

Nuun kelfa ke Sodoom, nan-gilooxyo fa lay fee no Yaal oxe! Nuun xeet fee Gomoor, mbetyo nof nuun, nan a cangin ale Roog in!

Amos 7:16

Ten taxu, wo Amatsiya fee layna yee ba o jo’it a Isra’el mbaat mbind Isaak, nan-gilooxi ke o Yaal oxe a layoonga:

Heseki’el 34:7

Ten taxu, nuun ɗooɗox we, nan-gilooxyo fa lay fee no Yaal oxe!

Yeremi 36:30

Ten taxu keeke layum, mi o Yaal oxe, na wo Yoyakim fee o maad Yudaa: Jegkiro o ndaan o leng oxaa rondandoonga took uum-maamaad le Dawid, too o dal of xan a luuñaa na sumaan ale no ñaal ne fo na ƥuuɓ ale no yeng ole.

Yeremi 29:20

Nuun koy, nan-gilooxyo fa lay fee no Yaal oxe, nuun fop we ƥiseena took o hup doole, nuun we o Yaal oxe a sutit’ina Yeerusaleem, a ɓis a nuun Babilon.

Yeremi 19:3

Xan o lay ee: Nuun maad we Yudaa fo we ngenna Yeerusaleem, nan-gilooxyo fa lay fee no Yaal oxe! Keeke o Yaal oxe Roog fee Isra’el Hupna fop a layu: Xam atiid no mbiñ onqene taamaala faa na foɗaxinkaa nof no we na nankan.

Yeremi 13:18

«Layi o maad oxe fa ya no maad oxe yee: Moofyo a lanq, yaam fo ndip fo mosaan ne nuun a yenta na qoox nuun.

Yeremi 7:2

«Geenooki na carind ale no Mbind ne no Yaal oxe soo falaloox maaga yee: ‹Nuun Yuuyudaa we fop na ndoktaa na carind akene, ndax nu mbaɗoox o Yaal oxe, nan-gilooxyo ke o Yaal oxe a layna!

Esayi 28:14

Ten taxu, nan-gilooxyo fa lay fee no Yaal oxe, nuun xaaxaadnax we, nuun ɗooɗox we na xeet fene ngenna Yeerusaleem.

1 Maad we 22:19

Mikaya a layaan ee: «Nan-gilooxi kañ ke o Yaal oxe a layna! Kaam ga o Yaal oxe ta moof no uum-maamaad le ten, malaaka ke ten fop a ngeenoox na ñamaak um fo na janoon um.

Yeremi 22:1

O Yaal oxe a hebla a Yeremi yee: «Reti no mbind ne no maad oxe Yudaa too yegnit maaga fa lay fene,

Yeremi 34:2

«Mi o Yaal oxe Roog fee Isra’el mexe heblang o ret lay a Sedekiya fee o maad Yudaa yee: Keeke o Yaal oxe a layu: Ga’angi, xam ɓoxot teeru fene na xa ƥay no maad oxe Babilon, too xan a doxin riw.