Yeremi 22:16 - NQAARIIT NE ROOG

¹⁶ Kaa ɓoxotoogu o ndool onqe fo o toroxu xe wargal den, too fop a faax’a. Ndax keene refee o andaam? Mi o Yaal oxe layun.

Yeremi 22:16 Referans Kwoze

Yeremi 9:24

O Yaal oxe kaa tee: «Ñaal key a ngaraa kaa um dalkaa took we nqucooxna no cer,

Esayi 1:17

Aqatooxyo a pi a paax, naaɓ o cofel, ci a caf oxe na ñagadileel, ƥoxot o waan ole ke refna wargal um, soo o ñaaw oxe, nu mbartin.»

Tiit 1:16

Kaa ne’ooxaa andu a Roog, too yaaga fop oo a pi den a ñufaa gon Roog. Wiin faaxaƭaru a ndefu, a nanaƭar, a pi a paax a xox a den sup.

YEGIL MBAAX NE YEESU ne Saŋ a bindtuuna 17:3

O ñoow o fagkeer ole koy refu yee da andong, wo fee refna Roog fa leng fa ndigil fee, a and itam oxe luliidoona, ta ref Yeesu Kiristaa.

Yeremi 9:16

Keeke o Yaal oxe Hupna fop a layu: «Nqalaatyo a paax ke layuuma! Nqoyyo rew we na ƭomatooxaa, da ngar! Nqoyniidyo rew waane’u we!»

A kim a tedu ke 109:31

yaam kaa fod o ndool onqe na ñamaak, ndax ta muclin no we na sertaa a bar um.

A kim a tedu ke 9:10

O Yaal oxe refu njaɓnooxand no xe na ñaatlandeel, a ref laqooxand no naqad ke.

Yeremi 5:28

a magin, a naag naluƈ. Kaa ngupal na pi a paaxeer. Naangee o ƥoxottaa ɓur, ɓur le no waan ole, too kaa texeyaa. A ƭat den yongee na wargal no ndool onqe.

1 Caloori ke 28:9

Wo Salomo fee o ƥees koy, andi a Roog fee na faap of too dagoortin xeeñ letu fo yiif jagandooxu, yaam o Yaal oxe kaa ɓaalaa a qeeñ ake fop, soo a jaqtaa a qalaat ake fop. O waaƭangaan, xan a ga’nooxong, ndaa o xaƴangaan xan a deɓong boo kili.

YEGIL MBAAX NE YEESU ne Saŋ a bindtuuna 17:6

Andnooraam gon of a ndeer no wiin we lasaxamoona na adna fee. Na xa ƥay of a ndeeƭu, o ɓoxotaam a den, da ngeek fa lay of.

YEGIL MBAAX NE YEESU ne Saŋ a bindtuuna 16:3

O nanangaa da mbi’an koy, kaa andee a Faap fee, andiraam.

Yeremi 9:3

Fat oxuu refna na nuun a wootoox a xaariit um, too ba nu ngooloox o pog nuun o leng, yaam o pog oxuu refna kaa ƴiƴtaa, soo xaariit fuu refna a yaqaa ƭool.

YEGIL MBAAX NE YEESU ne Saŋ a bindtuuna 8:19

A laamtaan ee: «Taa faap of?» Yeesu a doona yee: «Nu andiraam, nu andee a Faap es. E, yaam nu and’angaam, nu andkooga a Faap es.»

1 Sami’el 2:2

O leng fodee fo o Yaal oxe o tedel. Ten doŋ refu ndaɗand in, too fa lakas jegee a refangee ten.

A kim a tedu ke 36:10

Me wo o mat, a cur foofi le na ñoownaa a refu, na qoolaand of i nga’taa a qoolaand.

Xa peƭit axe 31:9

Yaƥati o don of, hate fo o cofel, too xoxit wargal no toroxu xe fa fee no ndool onqe.

Mise 6:8

Ha’aa! Woxe kiin, andnooree ke faaxna. Ke o Yaal oxe a bugna na wo refu yee o ñaaƴin a ƭat, fadin o mbeq soo ñaaƴaa fa Roog of kam a neewandax.