Yeremi 22:15 - NQAARIIT NE ROOG

¹⁵ Ndax kaa o bug o lalit ee o maad tigi refo yaam ne o yuxmaa a patax ndaxar seedar? Ndax faap of ñaamoogee, a yeraa nen a wo? Yaag oo toox de a ƭat fo o cofel a ñaaƴnoogu, too fop a faax’a no ten.

Yeremi 22:15 Referans Kwoze

2 Maad we 23:25

Jeg’ee o maad o leng no we eet’ina a Yosiya mbaat no we mbalakan’uuna, oxaa nomtooxiid’ina no Yaal oxe no xeeñ um fop fo no laaw um fop fo na doole um fop nen o ten, ne kebil ke Moyiis a simtituuna.

Esayi 3:10

Layyo o cofu xe yee a ɗaaya, yaam xan calel um a ndef muud um.

O baawaare xe 10:17

Saax le o maad um a refna o ƥiy garmi, soo kelfa ke a ñaamaa na waxtu um ndax da njeg doole, too refee ndax da mbay nep, a ɗaaya.

Xa peƭit axe 25:5

Watni o soxodu xe paam o maad oxe, too xan maat um a saƭik yaam o cofel.

Xa peƭit axe 29:4

O maad oxe kaa saƭkandtaa saax le o cofel, oxe na laacaa a bateer a maamu mat a yaqan.

2 Maad we 22:2

Yosiya a fi’a kaa faaxna na kid no Yaal oxe, a reef deŋ o jaf Dawid fee o taan um, too ɗapee na ñamaak mbaat na janoon.

Yeremi 42:6

Ta ref paax mbaat paaxeer, xan i nanan o ñuxur no Yaal oxe Roog in, me no xe i luloonga in fa qoox in. Neene, xan i sawar, yaam ne i nananna o ñuxur no Yaal oxe Roog in.»

Yeremi 21:12

nuun mbind Dawid! «Nqes nuu nu ngate’aa, ngate’ityo o cofel, suqit oxe na toroxandeel na xa ƥay no ñaañagadil oxe, ndik fuux es a biltoox nen fiɗel, a doxaa too waagkaand o ñuf, yaam a pi a paaxeer ake nuun! Mi o Yaal oxe layun.

Xa peƭit axe 21:3

Fi’aa a pi a cofu fo a ƭat moƴanu o Yaal oxe sadax ke.

1 Maad we 10:9

O Yaal oxe Roog of a hela o simatel, ten fee feloona boo ta fi’ong o maad Isra’el. Ne o Yaal oxe a fexna a Isra’el boo faw, taxu ta dalnong o maad, ndax o lalit a ƭat fo o cofel.»

2 Sami’el 8:15

Dawid a maadooxanooga a Isra’el fop. A ƭat fo o cofel rek a ɗoxtoogu xeet um.

1 Korint 10:31

Ta ref na ñaam mbaat na yer mbaat no lakas, mbi’yo fop na tedaanga Roog.

A pi ake 2:46

Bes fuu refna, kaa mbokatooroogu no Mbind Roog ne, a mbogaa mbuuru ne kam pind ke, a ñaamaa fo o mbeq fo xeeñ yelefu,

YEGIL MBAAX NE YEESU ne Lik a bindtuuna 11:41

Kaa nu mbar o sadax rool we kañ ke refna kam fee, too yaaga xan fop a xool na nuun.

Yeremi 23:5

O Yaal oxe kaa tee: «Nga’yo, ñaal key a ngaraa, kaa um sutitkaa no kurcala le Dawid dugatin jofu. Xan a maadoox fo o xool yiif, a ñaaƴnaa a ƭat fo o cofel kam saax le.

Yeremi 22:18

Ten taxu keeke o Yaal oxe a layu na Yoyakim fee o ƥiy Yosiya, too a ref o maad Yudaa: «Foygooxkaand ee: ‹Ndaw sabab, o koor es! Ndaw sabab, o cigeen es!› Foygooxkaand ee: ‹Ndaw sabab, o yaal es! Ndaw sabab, daali maad!›

Yeremi 22:3

Keeke o Yaal oxe a layu: Ñaaƴinyo a ƭat fo o cofel, suqit oxe na toroxandeel na xa ƥay no ñaañagadil oxe! Ba nu toroxand o gataakoon ole mbaat o waan ole mbaat o ñaaw oxe, ba nu ñagadil a den too ba nu ƥax no mbiñ onqene fo’oy jaambuur.

Esayi 33:16

Oxeene xan a gen no fo mbiñ ne took-ee-took, a ƥil a saƭku koŋ xan a ndef njaɓnooxand um. Xan a cooxel ñaamel boo ta dey sik, too foofi um daŋkee.»

Esayi 9:7

O Yaal oxe a lulta o ñuxur na Yakoob, fa lay um a yen na Isra’el.

O baawaare xe 2:24

Ke moƴna no kiin refu soom ta ñaamaa, a yeraa, soo a muudoor ke ta ŋus-ŋusinna, ndaa ga’aam ee keene itam no ɓay Roog a hataa.

Xa peƭit axe 31:9

Yaƥati o don of, hate fo o cofel, too xoxit wargal no toroxu xe fa fee no ndool onqe.

Xa peƭit axe 20:28

O paaxel fo ngor na ngeekaa o maad no maat um, a saƭkandan no uum le ten.

2 Caloori ke 34:2

A fi’a kaa faaxna na kid no Yaal oxe, a reef deŋ o jaf Dawid fee o taan um, too ɗapee na ñamaak mbaat na janoon.

1 Caloori ke 3:15

Weeke ndefu xa ƥiy axe Yosiya: Taaw fee refu Yohanan, o ƭikandeer oxe a ref Yoyakim, o tadkandeer oxe a ref Sedekiya, soo o nahkandeer oxe a ref Saalum.

A cangatin ale 4:40

Fat nu ngay bargal um fo kebil um ke um cooxaa a nuun xaye, ndax nu ƭaay, nuun fo xa taan nuun too nquuɗ no saax le o Yaal oxe Roog nuun a ci’na a nuun boo kili.»

Yeremi 7:5

Nu ñaaƴtangaa tigi too mbi ne warna, ngate’it o cofel ndeer o kiin fo o kend um,

2 Caloori ke 35:22

Kaa koy, Yosiya waas’iran, a fapooxa ndax ta songin. A faña o nan-giloox fa lay fee Neko hat’ina no don Roog. A gariida na yulanq alaa Megido ndax ta songin.

2 Caloori ke 35:26

Ke xotitna no mberaandoong ne na pi ake Yosiya boo no muukandoong ne fo ngor ne ten mengoorna fo ke bindeena no kebil ke no Yaal oxe, kaa mbindel no «Safe le no maad we Isra’el fo we Yudaa».