Yeremi 22:13 - NQAARIIT NE ROOG

¹³ Sabab took no xe na maxtaa mbind um njofaƭar, a yoɗaa teen taax-took na ƭat a qeleer, a jalnooraa o kend um too rabidkiran!

Yeremi 22:13 Referans Kwoze

Saak 5:4

Kaa nu naxoogu wiin we njalna na xa qol nuun, mbañ o ndabid a den. Den koy, owe loolooxaa a Roog ne nu mbi’itna fa den. Wiin weene njalanna a nuun owe mbuuqaa, too Roog o Yaal oxe Hupna fop a nana a den.

Mise 3:10

Kaa nu maxtaa a Siyoŋ po’oy, tabaxit a Yeerusaleem njofaƭar.

A paɗax ale 19:13

Ba nu ñoowit onj no kiin o lakas, too ba nu njaɓ tig um. Ba nu mbe muk fo ndabid no saasaadnax nuun.

Malaki 3:5

O Yaal oxe Hupna fop kaa tee: Mexey garaa, ndax um hate a nuun, too xam ñof o jamb we saɗareeraxama, a ñango’aa mbaat da seeqaa mbaat da ngaañtaa cegeer mbaat da naxaa jaajal we no ndabid den mbaat da toroxandaa ñaaw we fo xa baan axe mbaat da tooñaa xa kataakoon axe.

Yeremi 22:18

Ten taxu keeke o Yaal oxe a layu na Yoyakim fee o ƥiy Yosiya, too a ref o maad Yudaa: «Foygooxkaand ee: ‹Ndaw sabab, o koor es! Ndaw sabab, o cigeen es!› Foygooxkaand ee: ‹Ndaw sabab, o yaal es! Ndaw sabab, daali maad!›

2 Caloori ke 36:4

Cinj kaaga, a dalna a Eliyakim fee o ndeɓ Yowahas ta ref o maad kam Yudaa fo kam Yeerusaleem soo a supit gon um ta ne’atel Yoyakim. Yowahas fee o maag um o mat a ɓisaan Misira.

2 Caloori ke 36:5

Yoyakim a jeg’a xa kiid qarɓeen ƭik fo xa kiid xa ƥetaq, ye ta sogna refaa o maad. A maadooxa xa kiid xarɓaxay fo o hiid o leng kam Yeerusaleem. A fi’a kaa faaxeerna na kid no Yaal oxe Roog um.

Esayi 5:8

Sabab took no we na siiseeraa pind soo a saltirandaa o qol fo o gend um boo yaa o lakas a jegkateerna maa ta genna, a refangee den soom.

Yeremi 17:11

Nen a ceɓel alaa ɓopna ke ta ɓoofeerna neene oxe na fokatanooxaa halal fa leweer a nandu. Ndeer ee ndeer xa yeng um, xan a ñak o jeg um soo na muj um ta refat yoqit.»

A cangatin ale 15:13

Maaga, boo o xaƴan ta jeg a xoox um, xaƴkino ta ret xa ƥay xa ƥor.

Ke bindeena no xe ne’eena YOB 31:39

Ndax kaam saxadan o ƥor o ƥor too doskinum?

Habakuk 2:12

Sabab took no xe na maxtaa teeru fo’oy, a sinjit dik fee njofaƭar!