Yeremi 22:11 - NQAARIIT NE ROOG

¹¹ Keeke o Yaal oxe a layu na Saalum fee o maad Yudaa rondandna a faap um Yosiya too a suttel no saax lene: «Nomtooxiidkatee teen muk,

Yeremi 22:11 Referans Kwoze

1 Caloori ke 3:15

Weeke ndefu xa ƥiy axe Yosiya: Taaw fee refu Yohanan, o ƭikandeer oxe a ref Yoyakim, o tadkandeer oxe a ref Sedekiya, soo o nahkandeer oxe a ref Saalum.

2 Maad we 23:34

Cinj kaaga, Neko a dalna a Eliyakim fee o ƥiy Yosiya o maad, ta rondand a faap um no maat naa, soo a supit gon le Eliyakim, ta refat Yoyakim. Yowahas koy, a ɓisaan Misira, soo ta xonit maaga.

2 Caloori ke 34:22

Hilkiya fo lakas we o maad oxe a lul’ina a ndeta maa Hulda fee o tuleer o tew oxe gen’ina no sinjaan qas ke Yeerusaleem. O kor um Saalum a ne’’e, a ref o ƥiy Tokehat fo o ndaan Hasra, too a topatooxoogu toki tedu ke no Mbind Roog ne. Goor weene a njangtooxa o tew oxe ke xew’ina.

2 Caloori ke 28:12

Maaga, leng-leng weeke no kelfa ke no Ee-efrayim we: Asariya fee o ƥiy Yohanan, Berekiya fee o ƥiy Mesilemot, Hiskiya fee o ƥiy Saalum fa Amasa fee o ƥiy Hadlay a inooxana xiixire waa ngatoogna.

2 Maad we 23:31

Yowahas a jeg’a xa kiid qarɓeen ƭik fo xa kiid xa tadaq, ye ta sogna refaa o maad. A maadooxa a qool a tadak kam Yeerusaleem. Ya um Hamutal a ne’’e, a ref o ƥiy Yeremi fee gen’ina Libna.

2 Maad we 23:30

Dag we ten a ƥistiida o dal ole ten Megido boo Yeerusaleem na sareet-xire soo a ngasin maaga na mboy um. Cinj kaaga, wiin we Yudaa a nqota a Yowahas fee o ƥiy Yosiya, a ƭuumin soo a ndodin o maad, ta rondand a faap um.

Sofoni 1:1

Keeke refu fa lay fee o Yaal oxe a daawinna a Sofoni na jamaane faa Yosiya fee o ƥiy Amon a refaa o maad Yudaa. Sofoni, o ƥiy Kuusi a reeƭu, Kuusi a ref o ƥiy Gedaliya, Gedaliya a ref o ƥiy Amariya, soo Amariya a ref o ƥiy Hiskiya.

2 Maad we 23:29

No maat Yosiya, Neko, a ref Firawon fee o maad Misira a adooxana xiixire we ten, da njagin no xuluɓ olaa Ofrat, ndax da ƈufgik o maad oxe Asuur. O maad Yosiya a jeema o xañit Miimisira we da suur, ndaa ye Firawon fee a ga’uuna rek, a waraan. Keene xe xewit’a Megido.

Yeremi 22:27

Kam saax lene nu yuxumna o nomtooxiid nu nomtooxiidkee teen.»