Yeremi 21:9 - NQAARIIT NE ROOG

⁹ Oxuu maadna o genaa kam teeru fene, laƥ mbaat biim mbaat piste na warkan, ndaa oxuu sutooxna soo a ɓoxotoox no Kaakalde we ƥiikilna a nuun, xan a ñoow, a mucil o ñis um tan-tan.

Yeremi 21:9 Referans Kwoze

Yeremi 38:2

«Keeke o Yaal oxe a layu: ‹Oxe na yoqkaa kam teeru fene xan laƥ mbaat biim mbaat piste a ñaamin, ndaa oxe na sutooxkaa, ndax ta ɓoxotoox no Kaakalde we, xan a ñoow, a mucil o ñis um tan-tan!›

Yeremi 45:5

Soo wo o mat, o waaƭanaa a xoox of tig maak! Ba o waaƭ a den! Yaam mi o Yaal oxe, xam ɓisiid taamaala took mbindeef nuu refna. Kaa koy, xam ci’ong a muc o ñis of muu retoona.»

Yeremi 39:18

A woora yee xam muclong, too laƥ ñaamkirang. Xan o mucil o ñis of tan-tan, yaam hoolooxaxamo. Mi o Yaal oxe layun.› »

Yeremi 14:12

A ngoorangaa sax, nan-gilooxkiim a ƈufginax den. A ƥoxotangaam sadax toxel fo sadax tuufe-duufe sax, taxkee da mbelaam, yaam mi xam saŋkit a den laƥ, biim fa piste.»

Yeremi 27:13

Xar taxu wo fa xeet of nu mbar o nqonit na xire, biim mbaat piste, ne o Yaal oxe a laytuuna na xeet fuu ndagooxkeerna o maad oxe Babilon?

Yeremi 21:7

Cinj kaaga, xam ɓoxot a Sedekiya fee o maad Yudaa fo dag um fo we na xeet fee na muckaa na piste fee, no laƥ ne fo no biim le na xa ƥay Nebukadnesaar fee o maad oxe Babilon, na xa ƥay no fañ den fo na xa ƥay no we mbugna njang o ñis den. Xan Nebukadnesaar a xawit a den laƥ too wuuskee a den, yirimkee a den mbaat ta jeg o liir na den. Mi o Yaal oxe layun.

Yeremi 24:10

Xam hebliid took den xire, biim fa piste, boo yaa da moockaa no saax lene ci’uuma a den, den fo daan we den.»

Yeremi 27:11

Kaa koy, xeet fee na njaɓkaa o ngadoox a kadoor ale o maad oxe Babilon a seraa a den soo a ndagooxin, xam xaƴ a den fo njaambuur den no saax den, ndax da nqooxan soo a ngen teen. Mi o Yaal oxe layun.»

Heseki’el 5:12

A qaaj a tadkandeer ale na nuun xan a nqon na piste, mbaat biim a saŋik a nuun a ndeer teeru fee. A qaaj a tadkandeer ale na nuun xan a nqon na xire fee me widna teeru fee, soo a qaaj a tadkandeer ale na nuun um pasar a den, soo daabit a den laƥ ne.

Yeremi 27:12

Daawnaam deŋ a Sedekiya fee o maad Yudaa leng kut ke yee: «Njaɓyo ngadoox a kadoor ale o maad oxe Babilon a seraa a nuun, ndagooxin, ten fa xeet um, too yaaga xan nu ñoow.

Yeremi 38:3

Keeke o Yaal oxe a layahinu: ‹No ndigil, xan teeru fene a ɓoxotel na xa ƥay no xiixire we no maad oxe Babilon na jaɓkan.› »