Biblia Todo Logo
Bib sou entènèt

- Piblisite -




Yeremi 21:7 - NQAARIIT NE ROOG

7 Cinj kaaga, xam ɓoxot a Sedekiya fee o maad Yudaa fo dag um fo we na xeet fee na muckaa na piste fee, no laƥ ne fo no biim le na xa ƥay Nebukadnesaar fee o maad oxe Babilon, na xa ƥay no fañ den fo na xa ƥay no we mbugna njang o ñis den. Xan Nebukadnesaar a xawit a den laƥ too wuuskee a den, yirimkee a den mbaat ta jeg o liir na den. Mi o Yaal oxe layun.

Gade chapit la Kopi




Yeremi 21:7
37 Referans Kwoze  

Na bes fa leng, o maad Sedekiya a lulta o xotankel a Yeremi too a laamtaan na pet kam mbind no maad ne ten ee: «Ndax jegaa fa lay faa inoorna no Yaal oxe?» Yeremi a doona yee: «Ii, jegaanum.» A ɓaata teen ee: «Xan o ɓoxotel na xa ƥay no maad oxe Babilon.»


A ngid es yirimkirang too wuuskiroong. Xam gadnong a pesorooƭ of, cednooxu ke wo a ngen a ndeer of. Maaga, xan nu and ee mi refu o Yaal oxe, oxe na xawaa.


Xam duguñrand a den, faap oo o ƥiy oo. Wuuskiim, yirimkiim o leng, too o liir o leng yaqankiraam o saŋik a den.» O Yaal oxe layun.


xeet faa a tagid ake a ngiɓooxkaa, too niwkee o nogoy oxe, yirim o njaaƈ ne’aand.


Mi itam, yirimkiim a den too wuuskiim a den. Xam gadin a den a pi den.»


Mi itam xam fesoor fo fuux, a ngid es yirimkee a den too wuuskiim a den. A mbalalooxangaa no nof es, nan-gilooxkiim a den.»


Kaam fuuxan’u xeet es, fudin we jeg’uuma soo ɓoxotong a den. Wo o mat, yirmiro a den, gadnaa o nogoy oxe sax kadoor meɗu ke wo.


Yaa a naaq ake a mbeerkaa, xan a ƥolel, rew we a ngar, a umbik a den. Ii, xeet feene njegee yiif. Ten taxu oxe sakuuna jegee o liir no ten, oxe mooluuna yirmiran.


O Yaal oxe kaa tee: «Ndi an na yirimkang, wo Yeerusaleem, an na ɗomatooxankang? An na ɗapiidkaa, ndax ta laamtong nam fi’o?


Yaay fee rim’ina xa ƥiy xa koor ɓetaa ƭaq a ŋeesooxa, a ososaa. Njeeƈ um a muda njoloor. A seda ɓot soo a seeƈaar. We yoqna na xeet fee koy, xam ɓoxot a den da saŋkitel laƥ na kid no fañ den.» O Yaal oxe layun.


Xam ɓoxotong na xa ƥay no we mbugna njang o ñis of, we saɗaroona, na xa ƥay Nebukadnesaar fee o maad oxe Babilon fo a yaj ake ten.


Ndiiki koy, mexe ɓoxotaa a saax ake nuun fop na xa ƥay Nebukadnesaar fee o maad oxe Babilon, refna o tag es, cooxan muumeen-a-koƥ ke sax, ndax da ndagooxan.


Wo o mat, ɓostooxkino, ndaa xan o naagel nuus, ɓoxotel na xa ƥay um, a kid of a njasnoor fo a kid no maad oxe Babilon, ta lay fa wo jaxrañ, soo o ret Babilon.


Keeke o Yaal oxe na refkaa boo faw a layu: Ga’angi, xam ɓoxotong na xa ƥay no we fuuxanoona, na xa ƥay no we mbatoonga xus.


A ngoorangaa sax, nan-gilooxkiim a ƈufginax den. A ƥoxotangaam sadax toxel fo sadax tuufe-duufe sax, taxkee da mbelaam, yaam mi xam saŋkit a den laƥ, biim fa piste.»


No mbiñ onqene, xam kasaara’in yuuƥ ke no we ngenna Yudaa fa Yeerusaleem. Xam maafit a den laƥ no fañ den fo o ɓay no we mbugna njang o ñis den soo ɓoxot xa tal den da ndefik ñaamel a tud ake fo ƥaaɓaan ke.


Yaam keeke o Yaal oxe a layu: ‹Xam ɓekong no diid, wo fo qaariit of fop. Xan laƥ ne no pañ den a maaf a den, too xan o ga’oodin. Xam ɓoxot xeet fee Yudaa fop na xa ƥay no maad oxe Babilon, too xan a ɓis a den Babilon took o hup doole, a xawit a den laƥ.


Sedekiya fee o maad Yudaa ɓostooxkee Kaakalde we, ndaa xan a ɓoxotel a paax a paax na xa ƥay no maad oxe Babilon, a naag fo ten jak soo a lay fo ten.


Xan o lay a Yoyakim fee o maad Yudaa yee: Keeke o Yaal oxe a layu: Wo o mat doxu o laxas safe lene, lay a Yeremi yee: ‹Xar taxu o bind teen ee a woora yee xan o maad oxe Babilon a gar, a gef saax lene soo a moocand wiin we fo cegel ke?›


Isra’el kaa reeƭu mbaal mo’u, cogoy ke a ndaxan. O maad oxe Asuur eetun o lisit, soo oxe falakna o duguñaa xa kiiƈ um a ref Nebukadnesaar fee o maad oxe Babilon.


O Yaal oxe, ɗeetangi too ga oxe o fesoortaa neene. Rew a ndeta boo a ñaam xa ƥiy axe ngatna no laaw den, xa caaƈ axaa da njeg’ina o liir na den. Saasadax fo duleer a mbarte kam Mbind tedu ne no Yaal oxe.


Xoyaa me mi fop we saɗarooguuma, ndax da mbumbaay. Na bes fee no fuux le wo, wo o Yaal oxe, jegee oxaa mucna mbaat oxaa ɓostooxna. We waadin’uuma soo yar a den, o pañ oxe mi a saŋka a den.


Swiv nou:

Piblisite


Piblisite