Yeremi 21:6 - NQAARIIT NE ROOG

⁶ Xam xaw fop ke na ñoowaa na teeru fene, wiin we fo cegel ke, da nqonit na piste.

Yeremi 21:6 Referans Kwoze

Sofoni 1:3

Xam moocand wiin we fo muumeen ke, tiiƭ ke fo liƥ ke, luƈit soxodu we. Kaam ee xam moocand wiin we took lanq ke. Mi o Yaal oxe layun.

Hoose 4:3

Ten taxu saax le xan a wootat, fop we ngenna teen a ŋeesoox, den fo muumeen-a-koƥ ke fo tiiƭ ke. Liƥ ke no maag ole sax xan a sooƴ.

Heseki’el 14:21

Keeke o Yaal oxe na refkaa boo faw a layu: «Ke ɓisiiduuma taamaala nahik maak ke mi fop oo ndefna: Xire, biim, ƥaaɓaan soxodu fa piste took Yeerusaleem, ndax um saŋik teen wiin we fo cegel ke,

Heseki’el 14:19

Mbaat toox um hebliid’angaa piste kam saax leene soo bilit fuux ɗomu le mi took um na pexey fa nqon fee, ndax um suud teen wiin we fo cegel ke,

Heseki’el 14:17

Mbaat toox um ɓisiid’angaa xire took saax leene soo hebil’u laƥ ne ta wid saax le, um suud’angaa teen wiin we fo cegel ke,

Heseki’el 14:13

«Wo fee o ƥiy no kiin, saax a tooñangaam yaa ta soobooxna no ngore’aƭar, xan o ɓay es a dal took um, um yaq ñoowir um, hebliid took um biim soo war wiin we fo cegel ke.

Yeremi 33:12

Keeke o Yaal oxe Hupna fop a layu: «Xan a jegahin no saax lene fesna a pec boo jegatee wiin mbaat muumeen sax fo kam teeru ke ten fop xa suufand axaa gaynaak we a koornaa xa siir den.

Yeremi 32:24

Ga’angi, a uum lanq a songir a ndaawa teeru fee boo a ƈut. Kaakalde we xan a songin, a njaɓin ndiiki. Teeru fee xan a ɓoxotel na xa ƥay den na pexey xire fo biim fa piste. Ke yegnit’oona a fadnooxa, too ga’aano a paax.

Esayi 6:11

Maaga, laamtaam ee: «O Yaal oxe, boo a mban neene?» A doonaxam ee: «Boo yaa teeru ke a ngefkeel tuƈ, a mbes a pec, pind ke a yoq o ƥor, soo xa saawit axe yee halit nen a koƥ-a-ƥor,

YEGIL MBAAX NE YEESU ne Lik a bindtuuna 21:24

Xan a mbartel laƥ, a ƥisel no mbaƭ ndeer qeet ke fop. Xan qeet ke ndefeerna Yaawuur a nduutaa a Yeerusaleem boo yaa waxtu den a fadkaa.»

Mise 3:12

Ten taxu xan Siyoŋ a guurel, a refat o qol yaam nuun, Yeerusaleem a refat juum kefatin, soo o joong ole no Mbind Roog ne a refat ñaang laa muurooxna fo suungaan.

Heseki’el 33:29

Xan da and ee mi refu o Yaal oxe, yaa um fi’kaa saax le juum kefatin fo o mbiñ o mbootu, yaam cednooxu ke da mbi’na teen.

Heseki’el 33:27

Fat o lay a den ee: Keeke o Yaal oxe na refkaa boo faw a layu: Ne ta wooritna yee mexe ñoowaa, mi o Yaal oxe, neene a woortu yee we ndefna kam kefatin ke, xan laƥ a ñaam a den, oxe refna na koƥ o njende, um ɓoxotin ƥaaɓaan ke da muudoorin, soo we ndefna na ƥil ake fo no luf ke a nqonit na piste.

Heseki’el 12:16

Xam fi boo a ndeer den wiin jaakeer a ndaɗ xire fee, biim le fa piste fee, ndax da mbetandoox a ndeer qeet ke da ndetkaa cednooxu ke da mbi’’ina. Neene, xan weene a and ee mi refu o Yaal oxe.»

Heseki’el 7:15

«Laƥ ne xe tafil, soo piste fo biim a ndef kam. Oxe na refkaa na koƥ ale, xan laƥ a ñaamin, oxe na refkaa kam teeru fee, xan biim fa piste a saŋkin.

Yeremi 42:22

Andeenoo a paax ndiiki: Xan laƥ mbaat biim mbaat piste a saŋkit a nuun me nu mbugna o ndet, ndax nu laqook maaga.»

Yeremi 36:29

Xan o lay a Yoyakim fee o maad Yudaa yee: Keeke o Yaal oxe a layu: Wo o mat doxu o laxas safe lene, lay a Yeremi yee: ‹Xar taxu o bind teen ee a woora yee xan o maad oxe Babilon a gar, a gef saax lene soo a moocand wiin we fo cegel ke?›

Yeremi 34:17

Ten taxu, mi o Yaal oxe um lay a nuun ee: Nu nan-gilooxiraam, ndax oxuu refna na nuun a yegnit a bat ale no pog um fo no kend um. Yaaga koy, mi o Yaal oxe, mexe yegnitaa yee xam waas xire fee, piste fee fo biim le, da yen took nuun, ndax maat ke na adna fee fop a ndiid, yaa da nga’kaa a nuun.

Yeremi 14:12

A ngoorangaa sax, nan-gilooxkiim a ƈufginax den. A ƥoxotangaam sadax toxel fo sadax tuufe-duufe sax, taxkee da mbelaam, yaam mi xam saŋkit a den laƥ, biim fa piste.»

Yeremi 7:20

Ten taxu keeke o Yaal oxe na refkaa boo faw a layu: «Fuux es fo say es owe mbiltooxaa no mbiñ onqene, took no wiin we fo muumeen ke, took taxar ke na koƥ ale fo ke lanq ke a mbatna. Xan a kaƥaa too ñufkee.»

Mberaand 6:7

O Yaal oxe a laya yee: «Xam moocand took lanq ke o kiin oxe sakuuma, ke xotitna no wiin we boo no cegel ke fo ƥood ke fo tiiƭ ke na asamaan, yaam ricooxaam tigi ke taxna um fi a den!»

Yeremi 16:4

Xan a nqonit no jir waawar. Nqaaraandkaand too ngaskaand. Xan a ndefik tosir lanq ke. Xan a pattel laƥ fo biim, soo xa tal den a ndef ñaamel a tud ake fo ƥaaɓaan ke.»

Yeremi 20:4

Yaam keeke o Yaal oxe a layu: ‹Xam ɓekong no diid, wo fo qaariit of fop. Xan laƥ ne no pañ den a maaf a den, too xan o ga’oodin. Xam ɓoxot xeet fee Yudaa fop na xa ƥay no maad oxe Babilon, too xan a ɓis a den Babilon took o hup doole, a xawit a den laƥ.