Yeremi 21:12 - NQAARIIT NE ROOG

¹² nuun mbind Dawid! «Nqes nuu nu ngate’aa, ngate’ityo o cofel, suqit oxe na toroxandeel na xa ƥay no ñaañagadil oxe, ndik fuux es a biltoox nen fiɗel, a doxaa too waagkaand o ñuf, yaam a pi a paaxeer ake nuun! Mi o Yaal oxe layun.

Yeremi 21:12 Referans Kwoze

Esayi 1:17

Aqatooxyo a pi a paax, naaɓ o cofel, ci a caf oxe na ñagadileel, ƥoxot o waan ole ke refna wargal um, soo o ñaaw oxe, nu mbartin.»

Yeremi 4:4

Nqucooxanyo o Yaal oxe, nqucoox na qeeñ nuun, nuun wiin we Yudaa fo nuun we ngenna Yeerusaleem, ndik fuux es a biltoox nen fiɗel, a doxaa too waagkaand o ñuf yaam a pi a paaxeer ake nuun.»

Esayi 1:31

O yaal doole xe xan a nandat fo sirtatin xa pasaak, soo a pi um a nand fo o meldaand. Den ɗik fop xan a ndoxandoor, too jegkee o leng oxaa ñufuuna.

Sofoni 3:5

Yaag oo toox de, o Yaal oxe xey kam teeru fee den, a jof bo too fi’kee njofaƭar leng. Nqes nuu refna kaa ɗegaa hate um, too mosiran o ñak o fi. Yaqanee koy o soxodu xe naagee sedaa.

Nahum 1:6

Ndi an waagu geenoox, yaa ta fuuxna? An waagu waag o foñ fuux ɗomu le ten? Ngañak ne ten kaa biltooxaa nen fiɗel, soo a ƥil ake a qaacooxaa mbaambir um.

Yeremi 36:7

Xeƈa xan a tax da nqeɗoox o Yaal oxe, oxuu refna a fes a cinj a ƭat a paaxeer um, yaam fuux le fo say ole o Yaal oxe a regdinooxna xeet fene a magna.»

Yeremi 17:4

Xan nu ñak lam ne ci’’uuma a nuun. Xam fi a nuun faɗ no fañ nuun no saax laa nu andeerna. Yaam nu ngeƥanda fuux le mi, too xan a kaƥaa boo kili.»

Yeremi 7:20

Ten taxu keeke o Yaal oxe na refkaa boo faw a layu: «Fuux es fo say es owe mbiltooxaa no mbiñ onqene, took no wiin we fo muumeen ke, took taxar ke na koƥ ale fo ke lanq ke a mbatna. Xan a kaƥaa too ñufkee.»

Yeremi 5:28

a magin, a naag naluƈ. Kaa ngupal na pi a paaxeer. Naangee o ƥoxottaa ɓur, ɓur le no waan ole, too kaa texeyaa. A ƭat den yongee na wargal no ndool onqe.

O leetar ole Pool a bindna GIMU WE NGENNA ROM 13:4

Roog o mat doxnu a den calel keene yaam jam of. Boo andoona yee paaxeer o fi’aa, fat o saɗar, yaam refee yee o ƥor o ƥor taxu da ndeegoox laƥ ne. Roog o mat dalnu a den, ndax da laltaa fuux um took no we na mbi’aa paaxeer.

YEGIL MBAAX NE YEESU ne Lik a bindtuuna 1:69

A ci’a a in o Muumucil o mayu katil kam mbind Dawid fee o paɗ um,

Heseki’el 22:31

Maaga, ɓaxaam fuux es took den, saŋkit a den fiɗel le no ngañak es. Xam nomit a den a pi den. Mi o Yaal oxe na refkaa boo faw layun.»

A ƭomatax ake 4:11

O Yaal oxe a ɗaxda fuux um, a bilit fuux ɗomu le ten. A heƥanda fiɗel kam Siyoŋ, ta raaɓ boo na per ake ten.

Yeremi 23:19

A und ale no Yaal oxe xey! Fuux le a biltooxa, too a qeñ a maak alaa na wirlooxaa a dala took no soxodu we!

Yeremi 5:14

Ten taxu keeke o Yaal oxe Roog fee Hupna fop a layu: «Feek keene nu layaa, fa lay es fee um ɓekaa no don of, wo Yeremi, xan a refat fiɗel, soo xeet fene a ndef xa cuuƭ axaa fiɗel leene a raaɓkaa.

Esayi 7:13

Maaga, Esayi a layaan ee: «Nuun mbind Dawid, nan-gilooxyo boog. Ndax ke nu mboosɗandaa wiin we deyee dey a nuun boo nu mbug o mboosɗandahin a Roog es?

Esayi 7:2

Ye mbind Dawid a yegneena yee Aa-araam we owaa ndala no jegel ole Efrayim, o maad oxe fa xeet um a senda, ne taxar ke na koƥ ale naagna firiis a yo’nooraa na qeñ ale.

A kim a tedu ke 101:8

Nqes nuu refna xam saŋik soxodu we no saax le fop, moocand kam teeru fee no Yaal oxe fop we na mbi’aa njofaƭar.

Sofoni 1:18

Xaaliis den mbaat wurus den mbaagkee mucil a den, na bes fee no fuux le no Yaal oxe. Xan fiɗel le no naal ne ten a raaɓ adna fa muum, a saŋik a den ndak fo ndak.

Yeremi 23:5

O Yaal oxe kaa tee: «Nga’yo, ñaal key a ngaraa, kaa um sutitkaa no kurcala le Dawid dugatin jofu. Xan a maadoox fo o xool yiif, a ñaaƴnaa a ƭat fo o cofel kam saax le.

Yeremi 21:5

Mi fa xoox es, xam ñoxorit fa nuun o ɓay o daawu fo a naax a cegu doole, kam fuux, o say fo ngañak.

Ke bindeena no xe ne’eena YOB 29:17

Kaam gefoogu a kaaɓaaɓ no soxodu xe, suqtitaa no don um ke ta logna.

2 Sami’el 8:15

Dawid a maadooxanooga a Isra’el fop. A ƭat fo o cofel rek a ɗoxtoogu xeet um.

A cangatin ale 32:22

Fiɗel le no fuux le mi a kaƥa, too kaa raaɓaa boo kam ee kam jaaniif, a sooynaa lanq ke fo ke da mbatna, a doxaa a per ake na xa coong axe.

A paɗax ale 26:28

mi itam oo, xam siiknoor fa nuun kam fuux es, too xam xawrandahin boo a caf ɓetaa ƭaq a qaw ale no pakaad ke nuun.

A sutax ale 18:13

No feet olaa, Moyiis a moofa, ndax ta hate we ndaawir’ina na xeet fee, too xeet fee a ngeenooxa mbaambir um no ke xotitna no nqes naa boo no kirand naa.

Yeremi 7:5

Nu ñaaƴtangaa tigi too mbi ne warna, ngate’it o cofel ndeer o kiin fo o kend um,

Yeremi 23:2

Ten taxu keeke o Yaal oxe Roog fee Isra’el a layu no gaynaak we na ngayaa xeet es: «Kaa nu pasar paal ke mi, ndax a den too nu topatooxee a den. Mi koy, xam ɓek a nuun o ɓay yaam a pi a paaxeer ake nuun. Mi o Yaal oxe layun.

Yeremi 44:22

O Yaal oxe waagatee o muñ kañaan ne na pi nuun fo cednooxu ke nu mbi’na. Ten taxu saax le nuun a fes a pec, a wootat, a saloorteel, too genataand, ne ta refitna xaye.