Yeremi 21:10 - NQAARIIT NE ROOG

¹⁰ Yaam xam geleerooxan teeru feene, refee koy ndax um muclin ndaa ndax um moocandin. Xan a ɓoxotel na xa ƥay no maad oxe Babilon na raaɓitkan fiɗel. Mi o Yaal oxe layun.»

Yeremi 21:10 Referans Kwoze

Yeremi 44:11

Ten taxu keeke o Yaal oxe Roog fee Isra’el Hupna fop a layu: Nga’angyo, hebooxaam o fi a nuun paaxeer, saŋik xeet fee Yudaa fop.

Amos 9:4

A ngooknooxangaa mbaambir no fañ den, a njaɓ o ndefik faɗ ndax mbarkaand, xam hebil fañ we da lakan a den laƥ ke. Boo a kid es a ndoonooxna took den, paax taxiran, ƭomu soom taxun.»

Yeremi 44:27

Nga’angyo, xam fexeyan a nuun, ndax um doon a nuun taamaala ee baneex. Yuuyudaa we fop ndefna no saax le Misira, xan laƥ fo biim a saŋik a den boo da mooc.

Heseki’el 15:7

Xam inooxan a den. A sutoora na fiɗel le, ndaa fiɗel xan a raaɓ a den. Maaga, xan nu and ee mi refu o Yaal oxe, yaa um inooxankaa a den.

Yeremi 52:13

A doxa Mbind ne no Yaal oxe fo mbind no maad ne fo pind ke Yeerusaleem boo no pind ke no wiin maak we fop.

Yeremi 39:8

Kaakalde we a ndaaɓa mbind no maad ne fo pind mosu ke na xeet fee soo a maaf saŋe ke Yeerusaleem.

Yeremi 38:18

Kaa koy, o fañangaa o ɓoxotoox no kelfa ke no maad oxe Babilon, teeru fene xan a ɓoxotel na xa ƥay no Kaakalde we na ndaaɓkan, too wo ɓostooxkiro na xa ƥay den.› »

Yeremi 38:3

Keeke o Yaal oxe a layahinu: ‹No ndigil, xan teeru fene a ɓoxotel na xa ƥay no xiixire we no maad oxe Babilon na jaɓkan.› »

Yeremi 34:2

«Mi o Yaal oxe Roog fee Isra’el mexe heblang o ret lay a Sedekiya fee o maad Yudaa yee: Keeke o Yaal oxe a layu: Ga’angi, xam ɓoxot teeru fene na xa ƥay no maad oxe Babilon, too xan a doxin riw.

2 Caloori ke 36:19

A ndaaɓa Mbind Roog ne, a njiƭit saŋe ne Yeerusaleem, a ndaaɓ pind mosu ke soo a yaq tig cegu njiriiñ ke fop.

Yeremi 38:23

Rew we wo fop fo xa ƥeef xan a ƥisel maa no Kaakalde waa, too wo itam ɓostooxkiro na xa ƥay den. Xan o ɓay no maad oxe Babilon a naagong nuus, too teeru fene xan a raaɓel.»

A kim a tedu ke 34:16

A kid no Yaal oxe kaa ngaan took jofu we, nof um a mbetoox na xa buuq den.

A paɗax ale 26:17

Xam fes a nuun a cinj, too xan fañ nuun a maaf a nuun. We sibna a nuun xan a maadoox took nuun, nu ƈufaa, too o leng raxkee a nuun.

A paɗax ale 17:10

Boo o Ii-isra’el mbaat o gataakoon olaa genna fa nuun a yerna fo’oy kuu ta waagna waag o ref, mi o Yaal oxe, xam fesin a cinj, sutin a ndeer xeet fee.

Sakari 1:6

Ndax fa lay fee fo bargal ke coox’uuma duleer we dag es mbadnooxee took daan we nuun? A nomtooxiida me mi too a lay ee: ‹O Yaal oxe Hupna fop a fesoorta fa in ne ta hebooxit’uuna o fi, ta jagir fo a pesoorooƭ in fo a pi in.› »

Yeremi 34:22

mi o Yaal oxe, xam hebil a den da nomtooxaniid teeru fene, a songin, a njaɓin soo a ndoxin riw. Teeru ke Yudaa o mat, xam fi da ndefat a koƥ-a-ƥor maa o leng a genateerna.»

Yeremi 26:6

Nu nan-gilooxatangiraam koy, xam fi Mbind neeke ne fi’uuma a Silo soo fi teeru fene a ref saloor no qeet ke na adna fee fop.› »

Yeremi 17:27

Kaa koy, nu nan-gilooxangiraam, nu tedlandangee bes fee na ñootnax ale, ndoxondoox toq soo ndokit no tokand ke Yeerusaleem na bes fee na ñootnax ale, maaga xam heƥand fiɗel no tokand ke ten, ta raaɓ pind mosu ke Yeerusaleem, too ñufkee boo muk.»

Yeremi 33:5

We ngenna na teeru fee xan a ñoxorik fo Kaakalde we, ndaa ɗaxkee dara. Kefatin ke no pind ke xan a may muut fo xa tal no wiin. Kam fuux es fo kam o say es, xam xaw we ngenna Yeerusaleem. Xam xuun teeru fene yaam kañaan den.

Yeremi 39:16

«Reti lay a Ebed-Melek, o Kuukuus oxe yee: Keeke o Yaal oxe Roog fee Isra’el Hupna fop a layu: ‹Xam fadin ke yegnituuma took teeru fene: Refee koy jam ndaa taamaala. Keene xan a fadnoox na kid of a koom.

Heseki’el 24:11

Cinj kaaga, deeni a kaleera ƥor ale took a kaagaañ ake, ndax ta sum jip, xanjar fee a yaxig coy, ndoƭ ke ten a nqool qac, nqoy ke a ƥooroox.

Amos 2:5

Xam fudin fiɗel took Yudaa, ta raaɓ pind no maad ke Yeerusaleem.»

Yeremi 38:17

Yeremi a laya a Sedekiya yee: «Keeke o Yaal oxe Roog fee Hupna fop, Roog fee Isra’el, a layu: ‹O sutooxangaa ɓoxotoox no kelfa kaa no maad oxe Babilon, xan o mucil o ñis of, too teeru fene raaɓkaand. Xan o ñoow, wo fo ƥasil of.