Yeremi 20:9 - NQAARIIT NE ROOG

⁹ Maaga layaam ee: «Xalaatkatinum too laykatiim no gon um.» Kaa koy, kaa nand’u kam es nen fiɗel laa na kaƥaa, a wegoox na xa kiiƈ es. Jeemaanum o gadoox boo xij, ndaa waagatinum.

Yeremi 20:9 Referans Kwoze

A kim a tedu ke 39:3

Maaraam o don es boog, naag cel, fañ o lay, a refangaa paax sax oo, ndaa yaqanee coono es a ɓaatoox.

A pi ake 4:20

Yaam in o mat, i mbaagee o ñak o layit ke i nga’na fo ke i nanna.»

Heseki’el 3:14

Maaga, Yiif le a gifaxam, a ɓisaam. Retaam, kam es a fag tak, um fuux boo buɓaa, ndaa o ɓay ole no Yaal oxe a pokaxam fa katil.

A pi ake 17:16

Ye Pool a cungaa a Timote fa Silaas Aten, xeeñ um a feƭar’a lool, yaam ne ta ga’’ina teeru faa a may fo nitaal kaa da mbi’na Roog.

Yeremi 6:11

Kaam may muut fo fuux le no Yaal oxe, hatlatinum muk. O Yaal oxe a laya yee: «Ɓaxi fuux le mi boog took xa caaƈ xa tutuuñ axe no ped ke fo took teɓandoong ke fop. Goor fo rew, nogoy fo we ñaamna jamaane den, den fop xan a ƥisel.

YEGIL MBAAX NE YEESU ne Lik a bindtuuna 9:62

Yeesu a doonaan ee: «Oxuu damna no masiin nqooxir soo a wiƈaqiloox, Maat ne Roog a jombaan.»

A pi ake 18:5

Kaa koy, ye Silaas fa Timote a inooriidna Makedoni, Pool a pay’ata no waare’aa fa lay fee Roog, a feednaa Yaawuur we yee Yeesu refu Kiristaa fee, refna o Muumucil oxe regteena.

Yeremi 4:19

Cey, o fud es, o fud es! Kaam lañtooxaa yaam o ɗomeel, xeeñ es a jaq! Waagiim o tiim muk, yaam nanoodaam a luuƥ, nan xa buuq xire.

Yeremi 23:9

Ke layeena no duleer we. Xeeñ es kaa gooy taa kam es, um sendaa ne fodeema fop. Kaam nandtaa o kiin o bayu, nen oxaa biiñ a adinna yaam o Yaal oxe fo fa lay fa tedu fee ten.

Yeremi 23:29

Ndax fa lay es nandee nen fiɗel, nen o leede jegu doole laa na duguñaa ɓil le?»

Heseki’el 3:3

A layaxam ee: «Wo fee o ƥiy no kiin, mayƭandti o fud of soo ñoowdandit cer of o laxas a pind oleene cooxoonga!» Ñaamaanum too a safa nen suum no don es.

Amos 3:8

Njogoy naa na bumbaa, an a diidlandeeru? Layangaamoo! Neene mat a reftu, o Yaal oxe na refkaa boo faw a layangaa, a feeñlin duleer um, an na den yegnitkeeru ke fosooxeena?»

Yoona 1:2

«Inooxi, ret Niniif, na teeru fa maak faa, too maƭooxin, yaam kañaan um a fadiida boo me mi.»

Yoona 1:3

Kaa koy, Yoona a inooxa ndax ta ƴuf Tarsis maa goƭna o Yaal oxe. A reta Yope, too a soƥa maaga a kaal alaa retoogna Tarsis. A rabda njootin ne, a rok na kaal ale, ndax ta yoon fo we ndetoogna Tarsis, maa goƭna o Yaal oxe.