Yeremi 20:8 - NQAARIIT NE ROOG

⁸ A mbanuu haƥatuuma o don es, waraam o wuuq, yegnit a ƭom-yedar fo ñagadil. Fa lay fee no Yaal oxe na taxaxam o xaadnooxeel soo weneel bes fuu refna.

Yeremi 20:8 Referans Kwoze

Yeremi 6:10

An um layitkaa? Ndi an um raagooxkaa, ndax um nan-gilooxel? Nof ke den kaa sux, mbaagee o nan-giloox muk. Fa lay fee no Yaal oxe kaa ref na den calat, mbugiran.

2 Caloori ke 36:16

Kaa koy, Ii-isra’el we kaa nqaadnooxoogu duleer we Roog, a nqeefaa fa lay um, a njalaa a den boo neen fuux ɗomu le no Yaal oxe a biltooxanu xeet um too mbaag’atiran o ndaɗ.

1 Piyeer 4:14

Boo nu mbeneena yaam gon le Kiristaa, nu ƭaaya. Yiif le saqna o ndam onqe, refna ref Yiif le Roog, oxey took nuun.

Hebre 13:13

Fat i njagin farna fo ten boog, ndet kaltaa saŋe ne, ndax i ndoxondoox toroxand leng kut ke ndaaw’uuna.

Hebre 11:26

Jeerel nen a Kiristaa fee o Muumucil oxe regteena, hupu no ten o njiriiñ ee kalal ke ndefna kam Misira fop, yaam kaa doon’u a kid um took tabid ke na ngaraa.

YEGIL MBAAX NE YEESU ne Lik a bindtuuna 11:45

O leng no jaajangin maak waa no kebil kaa a layaan ee: «O Caajangin oxe, o naagangaa o laytaa neene, kaa o wenaa a in itam.»

Yeremi 28:8

Duleer we adooxna a in, mi fa wo, yaaga boo fa ndiik a yegna a saax a mayu fo maat maak xire, taamaala fa piste.

Yeremi 20:7

O Yaal oxe, naxaxamo too yenaam me ɗaapanaxamoona. Naagaxamo nuus fa doole soo maafaam. Kaam gen no jaleel bes fuu refna, fop a nqaadnooxaxam.

Yeremi 17:27

Kaa koy, nu nan-gilooxangiraam, nu tedlandangee bes fee na ñootnax ale, ndoxondoox toq soo ndokit no tokand ke Yeerusaleem na bes fee na ñootnax ale, maaga xam heƥand fiɗel no tokand ke ten, ta raaɓ pind mosu ke Yeerusaleem, too ñufkee boo muk.»

Yeremi 7:9

Mee ndax kaa nu nguuɗaa, mbaraa, seeqaa, ndaaɓooxaa na xa maaƥ, ndoxanaa a Baal cuuraay, ngiɓoor fo roog can kaa nu andeerna ñaal o yeng a jalan.

Yeremi 5:6

Ten taxu xan njogoy a suqtoor no suungaan le, a song a den, a teeteem ale no tan ole a fand a den, o ƴaxal ole a ɓeedaa paam teeru ke den soo a listaa fop we na sutooraa teen, yaam siiknoor ke den kaa moƴaa moƴ o may, too ngore’aƭar den o leng andee ne ta fodna.

Yeremi 5:1

O Yaal oxe kaa tee: «Mbidyo ped ke Yeerusaleem, ƭeet a paax, ngoroox, mbaaƭ no paayo ke ten. Nu nga’angaa teen o leng kut oxaa na fi’aa cofu, a jeemaa o gore, xam waasan a Yeerusaleem.»

Yeremi 15:10

Sabab took es! Xar taxu o rimaam, wo ya es? Kaam ref o kiin o cofooraand fo o baagraand no saax le fop. Luɓiim too ɓandtiim, ndaa yaqanee fop kaa salooxaxam.

Yeremi 15:15

Kaa koy, wo o Yaal oxe andaa fop. Wetandooxaam, saytooxaam soo rabdinooxanaam no ñaañagadil we mi. Ba o xaƴaam um loroox no muñ ole wo took no fañ es, wo fee niidna o fuux. Andi yee wo taxaxam o weneel.

Habakuk 1:3

Xar taxu o ga’nooraxam paaxeer ke soo fuudaa njofaƭar ne? Toroxand fo a ƭom-yedar soom um ga’aa, qasir ƥor fo ñimatir a ndef me widaxama.

2 Maad we 2:23

Eliise a inoora Yeriko, a retaa Betel. Ye ta refna na ƭat, xa koor xa teɓ axaa na teeru faa a nqaadnooxoogaan ee: «Aca de, o meelu xe! Aca de, o meelu xe!»

Esayi 57:4

An nu nqaadnooxaa? An nu njeeraa soo laaƈan ɗelem? Xa ƥiy bakaad nu ndefu tigi, xeet fa maamaaɓ.