Yeremi 20:7 - NQAARIIT NE ROOG

⁷ O Yaal oxe, naxaxamo too yenaam me ɗaapanaxamoona. Naagaxamo nuus fa doole soo maafaam. Kaam gen no jaleel bes fuu refna, fop a nqaadnooxaxam.

Yeremi 20:7 Referans Kwoze

Hoose 9:7

Ñaal ke na qaw ale a mbaambnooxa, kaam ee ñaal ke no ndabid ne owe ngaraa. Fat Isra’el a andin! Kaa nu layaa yee: ‹O tuleer Roog oxe kaa ɗofat, o kiin oxe feeñooxeena a gulmaa.› O magnel ole no tooñ nuun fo ne nu sibaxama taxu nu layan.

A ƭomatax ake 3:14

Kaam refat calat no xeet es fop, da naxoortaxam na kim den bes fuu refna.

Heseki’el 3:14

Maaga, Yiif le a gifaxam, a ɓisaam. Retaam, kam es a fag tak, um fuux boo buɓaa, ndaa o ɓay ole no Yaal oxe a pokaxam fa katil.

Yeremi 20:9

Maaga layaam ee: «Xalaatkatinum too laykatiim no gon um.» Kaa koy, kaa nand’u kam es nen fiɗel laa na kaƥaa, a wegoox na xa kiiƈ es. Jeemaanum o gadoox boo xij, ndaa waagatinum.

Hebre 11:36

Lakas o mat a njaɓa o ñawle’eel, a nqawel xa cap, boo leng-leng a njengel, soo a ƥekel kam kaso.

1 Korint 9:6

Ndi boog mi fa Barnabaas rek mbaru o njalaa, ndax i njeg ñoowir?

A pi ake 17:32

Ye da nanna Pool a layaa kaa farna na qontax ale no xon we, leng-leng kaa nqaadnooxoogun, soo lakas we a layaa yee: «Jaf lakas, xan i nan-gilooxong no kaa farna no keene.»

A pi ake 17:18

Yaal-o-and waa mbog’ina na cang a ƭak a maak ake ne’eena Epikuriya fa Estoysan a njeetaayooga fo ten. Leng we kaa laamtoogu yee: «Ndi xar o wayoom olene a bugu lay?» Lakas we koy, a laya yee: «Kaa nandtaa oxaa na waare’aa roog kaa i andeerna.» Kaa layoogu keene, yaam kaa nanoogu Pool a waare’aa Yegil mbaax ne no kaa farna na Yeesu fo na qontax ale.

YEGIL MBAAX NE YEESU ne Lik a bindtuuna 23:11

Herood fo xiixire we ten kaa njeeroogu a Yeesu, a nqaadnooxan, a ndokanin ndoki mosu, soo a nomtin maa Pilaat.

YEGIL MBAAX NE YEESU ne Lik a bindtuuna 16:14

Farisiya we a nan-gilooxa fa lay fee Yeesu fop, too kaa nqaadnooxoogun, yaam ne da mbex’ina xaaliis.

Mise 3:8

Mi o mat, kaam may fa doole, may fo Yiif le no Yaal oxe, may fo o cofel fo njambaar, ndax um andnoor a Yakoob tooñ um, feedin a Isra’el pakaad um.

Yeremi 29:26

O Yaal oxe a dalnaang, wo Sefaniya, o saasadax na seek Yehoyada fee o saasadax, ndax o yetooxaa kam Mbind ne no Yaal oxe o koor oxuu na jiitaa, too a ne’ooxaa o tuleer, o jengin na toɓand fo a ƈang.

Yeremi 17:16

Refee yee mi riñong o fi taamaala fee, saliim ñaal naqad ne a gar. Wo, andaa ke hatna no don es, mbaambir of layum.

Yeremi 15:18

Xar taxu coono es a gen kili? Xar taxu boo uut le mi waagee o wod, a fañ faƥit ee fi’kee aak? No ndigil kaa o ref na mi nen a ƈufnand alaa na ŋiisaa, nen poofi kaa na naxaa oxe hoɗomeena.

Yeremi 15:10

Sabab took es! Xar taxu o rimaam, wo ya es? Kaam ref o kiin o cofooraand fo o baagraand no saax le fop. Luɓiim too ɓandtiim, ndaa yaqanee fop kaa salooxaxam.

2 Maad we 2:23

Eliise a inoora Yeriko, a retaa Betel. Ye ta refna na ƭat, xa koor xa teɓ axaa na teeru faa a nqaadnooxoogaan ee: «Aca de, o meelu xe! Aca de, o meelu xe!»

Ke bindeena no xe ne’eena YOB 12:4

Kaam ref no qaariit es qaadnooxel, mi fee ƴufginooxoogna a Roog, ta jaaɓaam! Ke jofuuma fop oo, ñak soqel, yaqanee um ref calat!

A kim a tedu ke 119:51

Ke ga’atinooxu we a nqaadnooxaxam fop oo, taxee um ɗap a cangin of.

Yeremi 38:19

O maad Sedekiya a laya a Yeremi yee: «Kaam jaaxiɗ yaam Yuuyudaa we ƥoxotooxna no Kaakalde we. Kaam saɗaraa o ɓoxotel na xa ƥay den, da ñagadilaam.»

Yoona 4:2

Keeke refu ke ta xeɗ’ina o Yaal oxe: «O Yaal oxe, keene o mat saɗaroogum, ye maad’uuma o refaa no saax es, too ten taxu um ñof’u o ƴufaa farna fa Tarsis. Andaam koy ee Roog fa laabiiru fa mayu yirmande refo. Kaa o muñ, may fo o paaxel, too kaa o ricooxaa paaxeer ke yuuɓoona.

Ke bindeena no xe ne’eena YOB 30:9

Ndiiki koy, mi xa ƥiy den a naxoortataa a kim, um refat calat den.

Esayi 8:11

O Yaal oxe a pokaxam, a maƭooxaam, ndax xotkiim a ƭat ale na xeet feene. Keeke refu ke ta layaxama: