Yeremi 20:6 - NQAARIIT NE ROOG

⁶ Wo Pasehuur itam fo we ngenna no mbind of fop, xan nu ƥisel took o hup doole. Xan o ret Babilon too maaga o xonitkaa, gasel maaga, wo fo qaariit of fop ke yegnoona tefee ndigil.› »

Yeremi 20:6 Referans Kwoze

A ƭomatax ake 2:14

Duleer we wo peeñil naanaxir fo tefee ndigil a njegu na wo. Ngultee njofaƭar of, ndax da mbinqanong muj fa mbaaxeer of. Ke da yegnoonga xa maaƥ fo naanaxir ƥor oo.

Heseki’el 22:28

Duleer we ten kaa ƭuumaa fop fa laso, a njeg peeñil naanaxir soo a njo’taa na xa maaƥ. Kaa layaa yee: ‹Keeke o Yaal oxe na refkaa boo faw a layu.› Yaaga fop oo, o Yaal oxe layee dara.

Yeremi 20:4

Yaam keeke o Yaal oxe a layu: ‹Xam ɓekong no diid, wo fo qaariit of fop. Xan laƥ ne no pañ den a maaf a den, too xan o ga’oodin. Xam ɓoxot xeet fee Yudaa fop na xa ƥay no maad oxe Babilon, too xan a ɓis a den Babilon took o hup doole, a xawit a den laƥ.

Sakari 13:3

Boo o kiin a inooxna, a yegnitaa padafuleer, xan faap um fa ya um we ndimuuna a layin ee: ‹Wo kañ kaa o lafooxel, yaam kaa o geenoox maaɓtaa gon le no Yaal oxe!› Xan faap um fa ya um a mbarin, yaam o coojo’it Roog oxe ta fi’ooxaa.

Mise 2:11

A jeg’angaa oxaa na yegnitaa xa koɓong, a maaɓaa a nuun ee: «Biiñ fo a yer a qaaɗu xan a naang gañ», oxeene waagkoogu refan xeet fene o tuleer.

Yeremi 29:32

Ten taxu, mi o Yaal oxe, xam xaw a Semaya fee genna Nehelam fo xa taan um. O leng na den genkee a ndeer xeet fene too ga’kee paax ke um fi’ankaa xeet es, yaam Semaya kaa riñ xeet es da siiknoor fa mi. Mi o Yaal oxe layun.› »

Yeremi 23:32

Yooniim fo we na yegnitaa xa ƭaaɗ-a-qaamiit, a mbetandooxaa a den soo a mo’andtaa xeet es xa maaƥ den fo a magnandax den. Mi koy, luliim a den, hebliim a den dara, too njeganee xeet fene o njiriiñ o leng. Mi o Yaal oxe layun.»

Yeremi 5:31

Duleer we kaa yegnitaa xa maaƥ xa ƥor, saasadax we a ƈufanaa ke faaxna na den soom, soo xeet es a yoon no keene. Ndi xar nu mbi’kaa, yaa keene a faafkaa?»

Esayi 9:15

Ɗooɗox we na xeet fene kaa mo’and’un, soo a nduuxnoor a den a koƥ.

A cangatin ale 28:25

Xan o Yaal oxe a ci fañ nuun o ndam took nuun. A yaj a leng nu mbi’kaa, yaa nu songkaa a den, soo pictoor a yaj ɓetaa ƭaq, ngod o joor. Xan maat ke no lanq ke fop a njaaxiɗ yaa da nga’kaa ke dalna a nuun.

A paɗax ale 26:17

Xam fes a nuun a cinj, too xan fañ nuun a maaf a nuun. We sibna a nuun xan a maadoox took nuun, nu ƈufaa, too o leng raxkee a nuun.

Yeremi 20:1

Pasehuur fee o ƥiy Imer, too a ref o saasadax oxe kelfa’na a yetax ale no Mbind Roog ne a nana Yeremi a yegnitaa fa lay faaga.

Yeremi 14:13

Doonaam ee: «Ey, o Yaal oxe na refkaa boo faw, duleer we we layaa a den ee: ‹Xire dalkee a nuun, too biim jegkee me nuun, yaam jam fa miñu Roog a ci’kaa a nuun mene sax sax.› »

Yeremi 14:16

Xeet fee da ndaawinna yegnit padafuleer den o mat xan a ndeɓel no ped ke Yeerusaleem yaam o ngar fo biim le fa xire fee. Jegkee o leng oxaa gasna a den na mboy, den oo rew den oo, xa ƥiy xa koor den fo xa ƥiy xa tew den. Neene, xam fudin took den paaxeer ke da mbi’na.