Yeremi 20:5 - NQAARIIT NE ROOG

⁵ Xam ɓoxot na xa ƥay no fañ den kalal ke no we ngenna na teeru fene fop, o rim ole no jale den fop, ke da njegna ta moƴ o faax fo a kamba ke no maad we Yudaa fop. Xan a njaɓel, a njangel soo a ƥisel Babilon.

Yeremi 20:5 Referans Kwoze

Heseki’el 22:25

Duleer we ten kaa ngukraa a ndeer um nen njogoy naa na ŋuuraa, a listaa mbuufuɗag um. Kaa da listaa wiin we, a njaɓaa kalal ke fo tig oo tig ke njegna o njiriiñ. A mayƭanda teen ñaaw we.

Yeremi 15:13

Wo Yudaa, xam ci’it o jeg of fa halal of na meere-meere, yaam pakaad ke fi’oona no fiisel ole wo fop.

A ƭomatax ake 1:10

O pañ oxe a doona o ɓay um no kalal ke ta jeg’ina fop. Yeerusaleem a ga’a qeet lakas ke a ndokiidaa no Mbind tedu ne, qeet keene xañit’oona da mbog no mbokatax ne wo.

Yeremi 17:3

fo xa coong axe kam a koƥ ale. Kalal ke nuun fo o jeg nuun fop, xam ci’it a den da njaɓel, den fo a ñaang a sadaxand ake nuun, yaam pakaad ke nu mbi’na kam o fiisel ole nuun fop.

2 Caloori ke 36:10

Farna fo o hiid o xas ole, o maad Nebukadnesaar a ɓisaan Babilon ten fo xa ƥaxañ xa cegu njiriiñ axe no Mbind ne no Yaal oxe soo a dalin a Sedekiya fee faap ndeɓ Yoyakin ta maadooxaa kam Yudaa fa Yeerusaleem.

Dañel 1:2

O Yaal oxe a ɓoxota a Yoyakim fee o maad Yudaa na xa ƥay um, soo a xaƴin ta jang na xa ƥaxañ axe no Mbind Roog ne. Nebukadnesaar a ɓisa a Yoyakim fo wiin um Sine’aar took o hup doole, soo xa ƥaxañ axe, ta ɓek a den kam mbind ne no roog ke ten, a diƈ a den na kamba le.

A ƭomatax ake 4:12

O maad o leng took lanq ke mbaat o leng oxaa genna na adna fee gim’ee yee o pañ o ñaañagadil oxe a waaga rokiid na xa ton-maax axe Yeerusaleem.

A ƭomatax ake 1:7

No ñaal ke na naqad um fo no ñaat um, Yeerusaleem oxe wetandooxaa o neq ole ten sax’ina. Ye xeet fee ten a yenna na xa ƥay no pañ oxe too jegee o leng oxaa ƴufguuna, fañ we ten a nga’aan soo a njalaa njom ne ten.

Yeremi 39:8

Kaakalde we a ndaaɓa mbind no maad ne fo pind mosu ke na xeet fee soo a maaf saŋe ke Yeerusaleem.

Yeremi 39:2

No hiid xarɓaxay fo o hiid o lengandeer ole no maat Sedekiya, no ñaal ɓetuu nahkandeer ne no nqool o nahkandeer onqe, o gur a sexe no saŋe ne na teeru fee.

Yeremi 12:12

Yaayaq a mbadiida took xa coong axe fop naangna halit kam a koƥ-a-ƥor ale. Laƥ ne mi xe saŋkaa saax le, a xotit no cat boo no cat, too waasee o leng.

Yeremi 4:20

O njakad took o njakad na yegniteel, yaam saax le fop a fiitne. Ndak fo ndak, ƭiif ke mi a mbayte, o laqooxand ole mi a gaakel ndeer ñaf fo ƭeet.

Yeremi 3:24

No ke xotitna no ndeƥandoong in, a paɗax a sednooxu le Baal a ruudna ke daan in a onj’ina: cegel teɓ ke fo maak ke den, xa ƥiy xa koor axe fo xa tew axe den.

Esayi 39:6

‹Ga’angi, ñaal key a ngaraa kaa ke refna no mbind of fop fo ke daan of a ngeerna teen fop, a ɓiskeel Babilon. Dara yoqkee teen. Keene o Yaal oxe a layu.

Yeremi 32:24

Ga’angi, a uum lanq a songir a ndaawa teeru fee boo a ƈut. Kaakalde we xan a songin, a njaɓin ndiiki. Teeru fee xan a ɓoxotel na xa ƥay den na pexey xire fo biim fa piste. Ke yegnit’oona a fadnooxa, too ga’aano a paax.

Hoose 13:15

Efrayim a bug oo neep nen ndaxar a ndeer no fog um, ndaa nqeñ ne no batand xan a gar, buuƭ ne no Yaal oxe a yoɗoor na koƥ-a-ƥor ale. Xan a ŋiisin kas ke ten, a weerin a cur ake ten, kalal ke ten fo tig oo tig cegu njiriiñ ke ten fop a mbaltel.