Yeremi 20:4 - NQAARIIT NE ROOG

⁴ Yaam keeke o Yaal oxe a layu: ‹Xam ɓekong no diid, wo fo qaariit of fop. Xan laƥ ne no pañ den a maaf a den, too xan o ga’oodin. Xam ɓoxot xeet fee Yudaa fop na xa ƥay no maad oxe Babilon, too xan a ɓis a den Babilon took o hup doole, a xawit a den laƥ.

Yeremi 20:4 Referans Kwoze

Yeremi 29:21

Keeke o Yaal oxe Roog fee Isra’el Hupna fop a layu na Ahab fee o ƥiy Kolaya fo na Sedekiya fee o ƥiy Maseya, na yegnaa a nuun xa maaƥ xa ƥor no gon es: ‹Xam ɓoxot a den na xa ƥay Nebukadnesaar fee o maad oxe Babilon, too xan a war a den mbaambir nuun.

Yeremi 25:9

xam lulit o xoyankel qeet ke no ɓemb-roog o janoon fop fa Nebukadnesaar fee o maad oxe Babilon, refna o tag es. Mi o Yaal oxe layun. Xam ɓisiid a den took saax lene fo we ngenna teen fo took qeet ke mbiduuna fop, ndax um saŋik a den, tas a den soo fi a den buuƴel, gef a den tuƈ boo faw.

Yeremi 52:27

O maad oxe Babilon a xawnoora a den soo a warnoorit a den Ribla no saax laa Hamat. Neene, xeet fee Yudaa a ƥise gilaa saax took o hup doole maa goƭna mbaafaap den.

Yeremi 19:15

«Keeke o Yaal oxe Roog fee Isra’el Hupna fop a layu: ‹Xam atiid took teeru fene fo took teeru ke ta waxooxna fop taamaala ke regdinooxanuuma fop, yaam we ngenna teen kaa saƭik a qoox, a mbañ o nan-giloox fa lay es.› »

Yeremi 6:25

Ba nu sutoox na koƥ ale, too ba nu ndet na ƭat ake, yaam o pañ oxe xaay maaga, a pokoox laƥ, diid le xey muu refna.

A kim a tedu ke 73:19

Ey! Ndak fo ndak, xan a maƥel, a mbagiɗ tak, diid a pat a den.

2 Maad we 25:7

Xa ƥiy axe Sedekiya a nqirse na kid faap den. Cinj kaaga, Nebukadnesaar a yulna a kid ake Sedekiya, a feñtin ceen xanjar, soo ta ɓisel Babilon.

1 Sami’el 2:33

Kaa koy, saŋikkiim wiin of fop we na mbadnaa o far den no sadaxand ole mi, ndax fuulinkiroong soo wañ doole of, ndaa a woora yee o moƴ-o-jaak ole na den xan a mbartel laƥ.

Yeremi 13:10

Xeet fa soxodu feene kaa mbañ o nan-giloox fa lay es. Kaa nqox no saƭik xoox ole den, a ngiɓoor fo roog lakas, ndax da mbaɗoox a den soo a ngungaa mbaambir den. Xan a nand nen o kumnoor olene jiriiñateerna tus.

Yeremi 13:19

Teeru ke no ɓemb-roog o ñamaak kaa mbegel, o leng wetatee tokand ke den, yaam xeet fee Yudaa fop a ƥise took o hup doole, a ƥise took o hup doole ne da mbodeena fop.»

Yeremi 20:6

Wo Pasehuur itam fo we ngenna no mbind of fop, xan nu ƥisel took o hup doole. Xan o ret Babilon too maaga o xonitkaa, gasel maaga, wo fo qaariit of fop ke yegnoona tefee ndigil.› »

Yeremi 46:5

Ndi xar um ga’aa? Owe ndiida boo a sendaa, a ndakooxaa o jiijiŋ. A Salma-koor ake den a nduguñe, a ngod o joor, too nomtooxiidatee, diid le xey muu refna. Mi o Yaal oxe a layun.

Yeremi 52:24

O aa-adax oxe no yeeyetax we a dama a Seraya fee o saasadax o maak oxe fa Sefaniya fee o saasadax oxe reefanuuna fo yeeyetax daduk we no ndokand ne no Mbind ne no Yaal oxe.