Yeremi 20:2 - NQAARIIT NE ROOG

² Pasehuur a ranja o tuleer Yeremi mbaƭ soo a jengin na toɓand ale refna no Ndokand took ne Bensame na rokteel no Mbind ne no Yaal oxe.

Yeremi 20:2 Referans Kwoze

Yeremi 37:13

Ye ta fadiidna no Ndokand ne Bensame, a xeta maaga fo o aa-adax oxe no yeeyetax we ne’eena Yiriya, a ref o ƥiy Selemiya fo o ndaan Hananiya. A dama o tuleer Yeremi, a lay ee: «Maa no Kaakalde waa o jofaa!»

Sakari 14:10

Ke widna a Yeerusaleem fop xan a refat o mbelaac, a xotit Geba no ɓemb-roog o janoon boo Rimon no ɓemb-roog o ñamaak. Kaa koy, Yeerusaleem xan a yoɗel, a ref me ta mosna mos o refaa, a xotit no Ndokand ne Bensame boo no Ndokand ngiid naa, a damik Ndokand ne no kooñ ne, a dalit no Taax-took ne Hananel boo na xa nirir axe no maad oxe.

Yeremi 1:19

Xan a ñoxor fa wo, ndaa mbaagankirang o sep, yaam mexey fa wo, ndax um watong.» O Yaal oxe layun.

2 Caloori ke 16:10

Aasa a dalfooxa o sayan o ƭeet oxe soo a wegnoorin kaso yaam fa lay fee no xeene kaa fuuxnoor’un lool. Na jamaane fa leng kut faaga, Aasa a refa no toroxandaa itam leng-leng na xeet um.

Yeremi 36:26

O maad oxe a hebla a Yerahmel fee o ƥiy no maad oxe, Seraya fee o ƥiy Asri’el fa Selemiya fee o ƥiy Abdel da ndam a Baruk fee o piibind oxe fo o tuleer Yeremi. Kaa koy, o Yaal oxe a ɗasna a den.

Yeremi 29:26

O Yaal oxe a dalnaang, wo Sefaniya, o saasadax na seek Yehoyada fee o saasadax, ndax o yetooxaa kam Mbind ne no Yaal oxe o koor oxuu na jiitaa, too a ne’ooxaa o tuleer, o jengin na toɓand fo a ƈang.

2 Caloori ke 24:21

Maaga, a ngiɓanaan o ngir, a mbartin a kac took kebil no maad oxe kam o maax ole no Mbind ne no Yaal oxe.

1 Maad we 22:27

Fat o layanaam a den, da ƥek o mbindeef onqene kaso, too baa cooxeel ñaamel mbaat foofi fo deyu boo yaa um gatkaa na jam.»

Mbeeñil 17:6

Ga’aam ee o tew oxe kaa way’u na fo’oy le no we mbogna na Roog fo na fo’oy le no we seede’anoogna a Yeesu. Kaaga a bet’axam lool ye ga’anuuma.

Mbeeñil 2:10

Ba o diid no ke o ñagadilkeel. Nan-gilooxi: Xan o ƈiƴ oxe a ɗeetloox a nuun. Xan a ɓek leng-leng na nuun kam kaso, too xan nu toroxandel boo ñaal xarɓaxay. Fat o gore boog boo na fa nqon, too xam cooxong o ñoow ole, ta ref o ndip of.

A pi ake 7:52

An no duleer we daan nuun a ñagadileeru sax? Yaam daan nuun a mbara we yegnitoogna yaaga yee xan o Cofu xe a gar, ndiiki koy nu ngodaan, mbarnoorin.

A pi ake 5:40

A nqoyahina apootar waa, a nqaw a den xa cap, a mbañit a den da layit gon le Yeesu. Cinj kaaga, a mbokta a den da ndet.

A pi ake 5:18

Naaga, a mbaara a caf o mbap den na den, soo a ƥek a den na kaso faa na teeru faa.

A pi ake 4:3

A mbaara a caf o mbap den na den, a ƥek a den kaso boo no feet olaa, yaam tige kaa yaariidoogu.

Mace 21:35

Kaa koy, xooxoox waa a ndama dag waaga, a nqaw o leng oxe, a mboom o lakas oxe, o tadkandeer oxe da mbartin a kac.

Yeremi 26:8

Yaa Yeremi a layna boo a ƴut fop ke o Yaal oxe a hebil’uuna, ndax ta layin xeet fee fop, saasadax we, duleer we fo faan le ndeeƭna maaga fop a ndamaan, a layin ee: «Fa nqon jagto!

Ke bindeena no xe ne’eena YOB 13:27

Kaa o saarnaam, gayaa fop ke um fi’aa, hapan xa caf es me da mbarna o nday,

2 Caloori ke 18:23

Ndak fo ndak, Sedekiya fee o ƥiy Kenaana a matiida a Mikaya, a faɗin soo a layin ee: «Nam Yiif le no Yaal oxe a sutoortu na mi soo a gar a lay fa wo?»

Ke bindeena no xe ne’eena YOB 33:11

Kaa saarnaam, a gayaa fop ke um fi’aa.»

1 Maad we 13:4

Ye Yerobowam a nanna fa lay fee o kiin Roog oxe a falaloox’ina o sadaxand ole Betel, a letnita o ɓay um took o sadaxand ole ta reeƭna, a lay ee: «Ndameenoo!» Maaga, o ɓay ole Yerobowam a letin’ina farna fo ten a dalfooxa o xar boo waagatiran o nomtiid.

Yeremi 26:10

Yaa kelfa ke Yudaa a yegna ke xew’ina, a inoora no mbind ne no maad oxe, a ndet no Mbind ne no Yaal oxe soo a moof mbaambir Ndokand nqas ne no Mbind ne no Yaal oxe.

Yeremi 37:21

O maad Sedekiya a heblita yee Yeremi a sektel no maax ole no yeeyetax we, a cooxeel bes fuu refna mbuuru muum no mbed ne no Juujuɗ Puuru we feek puuru ke njegaa na teeru fee. Naaga, Yeremi a yoqa no maax ole no yeeyetax we.