Yeremi 20:16 - NQAARIIT NE ROOG

¹⁶ Yaasam o koor oxeene a nand fo teeru ke o Yaal oxe a jaxasna too jegee teen o ndicax. Yaasam ta nan xa poygax no nqes ne fo xa buuq xire njoloor o mbuc.

Yeremi 20:16 Referans Kwoze

Yeremi 18:22

Yaasam xa paɗax a njibit no pind ke den, yaa o hebliidkaa took den ndak fo ndak saasaay. Yaam a mbaqanaxam gamb, ndax da naangaam nuus, a ƭaapanaam mbog na caf es.

A cangatin ale 29:23

Maaga, xan qeet ke fop a lay ee: ‹Xar taxu o Yaal oxe a fi neeke saax lene? Xar gartu fuux maak ɗomu lene?›

Yudaa 1:7

Mbetandooxyo itam a Sodoom fa Gomoor fo teeru lakas ke mbidna a den, andoona yee kaa ndeɓoox’u no caasaay, a seeqaa nen malaaka keene. A qaw ale no fiɗel le na refkaa boo faw a dala took den. Neene a ndefata a lalgand ale cooxeena wiin we fop.

2 Piyeer 2:6

Roog a hate’a teeru ke Sodoom fa Gomoor, soo a tasit a den fiɗel. Neene, a cooxa we ndeefeeruuna a lalgand ee neene a refitkaa na den itam.

YEGIL MBAAX NE YEESU ne Lik a bindtuuna 17:29

Kaa koy, na bes faa Lot a sutooxna Sodoom, a teƥ fiɗel fo kaa saxitna nen nqeen a yentiida na asamaan, a saŋik a den, den fop.

Sofoni 2:9

Ten taxu mi o Yaal oxe Hupna fop, ref Roog fee Isra’el kaam ee: Ne ta wooritna yee mexe ñoowaa, neene a woortu yee xan Mowaab a nand fa Sodoom, soo saax le no Aa-amon we a nand fa Gomoor, a ndefat o mbiñ onqaa saxna o ndoxom, o tan fo jem, o mbiñ o mbootu boo kili. We na muckaa na xeet es xan a njangal a den, yoqatin we na xeet es a njegat saax den.»

Sofoni 1:16

bes faa a tuluɓ ake fo xa buuq xire a njibankaa teeru cegu saŋe ke fo taax-took koƭu took ke.

Yoona 4:2

Keeke refu ke ta xeɗ’ina o Yaal oxe: «O Yaal oxe, keene o mat saɗaroogum, ye maad’uuma o refaa no saax es, too ten taxu um ñof’u o ƴufaa farna fa Tarsis. Andaam koy ee Roog fa laabiiru fa mayu yirmande refo. Kaa o muñ, may fo o paaxel, too kaa o ricooxaa paaxeer ke yuuɓoona.

Yoona 3:4

Yoona a ñaaƴa ñaal leng kam teeru faa, a yegnitaa yee: «Ndeer mene fo ñaal qarɓeen nahik, xan Niniif a gefel tuƈ.»

Amos 4:11

Gal’andaam a nuun nen a Sodoom fa Gomoor we gef’uuma tuƈ, nu mucit nen o rukit o suudte na fiɗel, ndaa dara teen taxee nu naang cook nomtooxiid me mi. Mi o Yaal oxe layun.

Amos 2:2

Xam fudin fiɗel took Mowaab, ta raaɓ pind no maad ke Keriyot, Mowaab a duutel kam combol, a mooc ndeer xa buuq xire, yaa a luuƥ ale a jibkaa.

Amos 1:14

Xam fudin fiɗel took saŋe ke mbidna Raba, ta raaɓ pind no maad ke ten, ndeer xa buuq na bes xire, nen kam a und na bes o ufang,

Hoose 11:8

«Wo Efrayim, nam waagoong o xaƴit? Kaam ee wo Isra’el, ndax xam ɓoxotong moos? Nam waagoong o doonit ke doonuuma a Adma, fi’ong ke fi’uuma a Seboyiim? Kam es neegiran, um may muut fa yirmande.

Hoose 10:14

Ten taxu xan combol a jeg a ndeer xeet nuun, soo saŋe ke nuun fop a yaqel, ne Salmaan a gefit’ina a Bet-Arbel a koom alaa fa xire fee, maa yaay a duguñit’eena fo xa ƥeem.

Heseki’el 21:22

Mi o mat, xam foxaa, too xan fuux es a jeg ne ta bugna. Mi o Yaal oxe layun.»

Yeremi 26:13

Ndiiki koy, supityo a pesoorooƭ nuun fo a pi nuun, nan-giloox o ñuxur no Yaal oxe Roog nuun. Yaaga xan o Yaal oxe a ricoox paaxeer ke ta waajan’ina a nuun.

Yeremi 18:8

Kaa koy, boo xeet feene a fesna a cinj ke taxna um fuuxanin, xam ricoox paaxeer ke yuuɓan’anuuma.

Yeremi 4:19

Cey, o fud es, o fud es! Kaam lañtooxaa yaam o ɗomeel, xeeñ es a jaq! Waagiim o tiim muk, yaam nanoodaam a luuƥ, nan xa buuq xire.

Yeremi 23:14

Ke ga’uuma no duleer we Yeerusaleem koy moƴu o sednoox. Kaa seeqaa, a ngen na xa maaƥ, a saƭakinaa we na mbi’aa paaxeer, ndax o leng feskee kañaan um a cinj. Den fop kaa nandaam nen wiin we Sodoom, we ngenna Yeerusaleem a nandaam nen we Gomoor.»

A ƭomatax ake 4:6

Tooñ ne na xeet es moƴu magin ne Sodoom, gef’eena ndeer ñaf fo ƭeet, too o ɓay no leng niinee teen.

Hoose 13:14

Ndax xam suqit a den na katil fee jaaniif, wat a den na fa nqon fee? Cey fa nqon, taa taamaala of? Wo jaaniif, taa yaq fee wo? Kaam koon yirmande fee.

A cangatin ale 29:22

a nga suufur fo fo jem ole fo fiɗel le raaɓna saax le fop. Dara waagaand o duuf teen, o saxin teen tig ne’aand, daaƭ leng sax waagaand o ga teen. Xan a muukoor nen a Sodoom fa Gomoor fa Adma fa Seboyiim ndefna teeru ke o Yaal oxe a gef’ina tuƈ kam fuux um fo ngañak um.