Yeremi 2:8 - NQAARIIT NE ROOG

⁸ Saasadax we laamtee yee: ‹Taa o Yaal oxe?› We na njangnaa kebil ke andiraam, ɗooɗox we na xeet fee a siiknoor fa mi, duleer we a lay no gon Baal. Kaa ngiɓoor fo roog kaa mbaageerna o ndimle.

Yeremi 2:8 Referans Kwoze

Habakuk 2:18

Xar nitaal roog sexe a ɗaxu? O seesex doŋ sexun. Xar nitaal njawne a ɗaxu? Xa toonanqol um xa maaƥ oo. Nam o seesex a waagu boog o gaɗit a xoox um no ke ta sexna, na roog faa ta fi’oodna, too waagee fa lay?

Yeremi 10:21

Ɗooɗox we na xeet fee kaa mbanxoy. Mbaaƭee o Yaal oxe. Ten taxu nqenɗee, too we da ƭoxoogna fop a pasare.

Yeremi 5:31

Duleer we kaa yegnitaa xa maaƥ xa ƥor, saasadax we a ƈufanaa ke faaxna na den soom, soo xeet es a yoon no keene. Ndi xar nu mbi’kaa, yaa keene a faafkaa?»

2 Korint 4:2

Kaa i njoor maana a pi a yememaar a sednooxu ke, too naanaxir leng refatee na in. I sufaalee fa lay fee Roog muk, ndaa kaa i yegnitaa ndigil ne, too mbaaƭaa naa wiin we fop a ngoolooritna a in mbaambir Roog.

YEGIL MBAAX NE YEESU ne Saŋ a bindtuuna 16:3

O nanangaa da mbi’an koy, kaa andee a Faap fee, andiraam.

Hoose 4:6

Xeet es owe saŋkooxaa took o ñak-o-and. Feek kaa o deɓ o and ole, xam raxong no calel no saasadax es. Ne weectoona a cangin es, mi Roog of, mi itam neene um weecitkaa xa ƥeef.

YEGIL MBAAX NE YEESU ne Saŋ a bindtuuna 8:55

Mi koy, andaanum, too um layangaa yee andinum oo, xam nandat fa nuun, ref o maamaaɓ. Andaanum tigi, too mexe gayaa fa lay um.

YEGIL MBAAX NE YEESU ne Lik a bindtuuna 11:52

Ndaw sabab took nuun, nuun jaajangin maak we no kebil ke, yaam nu njanga o jaafu le, mbegtin o and ole. Nuun fa qoox nuun, nu ndokee, soo yaqanaa we mbugna o ndok da ndokiid.»

Mace 16:26

Xar a jiriiñkaa o kiin ta jeg adna fee fop yaa ta ñakna o laaw um? Ndi xar o kiin a sofitkaa o laaw um?

Yeremi 16:19

O Yaal oxe, wo refu doole es, o saasaytax es fo njaɓnooxand es yaa fa naqad. Me wo qeet ke no cat adna a ngarkaa too xan a lay ee: «Daan we in caaxaan a lamu, xa koɓong axaa ƭaxeerna dara.

Yeremi 12:10

Gaynaak mayu a nduudna a ƭing taxar biiñ ale mi, a nduut o qol ole mi, o qol o yaawnooxu le mi da mbi’in nen a koƥ-a-ƥor.

Yeremi 7:8

Kaa koy, kaa nu ngooloox fa lay fa maamaaɓ faa ɗaxeerna dara.

Yeremi 4:22

O Yaal oxe kaa tee: «Xeet es kaa ƥodax, andiraam. Xa ƥiy xa ƭof a ndefu, axaa njegeerna yiif. Kaa mbaane no fi paaxeer, ndaa mbaagee o mbi paax.»

Yeremi 2:11

Ndax a jega xeet faa na sofaa roog den, ke da ndefeerna ndef roog fop oo? Xeet es o mat a softaxam xa koɓong xa ƥor, mi fee o ndam um.

Yeremi 2:6

Laamteeyo yee: ‹Taa o Yaal oxe, ten oxe sutitna a in no saax laa Misira, a ɗox a in na koƥ-a-ƥor alaa, no lanq beeru kaa mayna a ƥaaxaand, no lanq kaa njegeerna o mboofi na pelyook ale na fa nqon fee, no lanq kaa o leng a naageerna o reefaa, too o leng genee maaga?›

Esayi 30:5

fop xan a sed yaam xeet faa jeganeerna a den o njiriiñ. Xeet feene ƴufigkee a den mbaat ta dimle a den, ndaa xan a sednoor a den soo a wennoor a den.»

Esayi 29:10

yaam o Yaal oxe kaa ɓek na nuun yiif ɗaaɗaan, a fuulin a kid nuun ndefna duleer we soo a muur xoox nuun refna ɗeet we.

Esayi 28:7

Den wene itam kaa njayang-njayangnaa yaam biiñ, soo a yer a qaaɗu xut ake a ngulmandaa a den: Saasadax we fo duleer Roog we kaa tifil-tifilnaa yaam a yer a qaaɗu ke, a njaxasoox yaam biiñ fee. A yer a qaaɗu ke kaa ngulmandaa a den, da tiipaa, yaa da njo’tanaa a Roog soo a layaa xa ƥaral, yaa da ngate’aa.

1 Maad we 18:40

Eliya a laya a den ee: «Ndamyo duleer we Baal boo ba o leng na den a daɗ.» Maaga, a ndama a den, den fop, soo Eliya a ɓis a den na ƈufnand alaa Qiison, a xirisnoor a den maaga.

1 Maad we 18:29

Ye waxtu njeeƈ ndeer xoox a faafna, a ndefa no yenaa leer boo na waxtu kirandax fee sadax fee a wareena o ɓoxot, ndaa njeg’ee o jaaɓ o leng mbaat kaa xewna.

1 Maad we 18:22

Eliya a ɓaata o lay xeet faa yee: «Mi doŋ yoqu o tuleer no Yaal oxe, ndaa duleer we Baal a mbada teemeed nahik fo qarɓeen ƥetik.

1 Sami’el 12:21

Ba nu mbesin a cinj muk, ndeefik roog andand. Den weene mbaagee o ƈufig a nuun mbaat da mucil a nuun, yaam xa koɓong rek a ndefu.

1 Sami’el 2:12

Xa ƥiy axe Eeli kaa ndeeƭu waa njareerna tus, a ƭat den yong’ee no Yaal oxe.

A cangatin ale 33:10

Den na njangnaa xa taan axe Yakoob bargal of, a njangnaa Ii-isra’el we kebil of. Kaa ndoxanang cuuraay, a ƥoxotang sadax toxel took o sadaxand ole wo.

Yeremi 9:14

Ten taxu o Yaal oxe Roog fee Isra’el Hupna fop a lay ee: «Xam ñaamnoor xeet feene qaaɗu, soo yernoor a den foofi laa jegna ndoxar.

Yeremi 18:18

Maaga, a jega waa layna yee: «Ngaryo i yuuɓan a Yeremi yuuƥ paaxeer, yaam i ñakee saasadax waa njangnitna kebil ke, yaal-o-and waa cooxna a in xa as fo duleer waa ndaawnitna fa lay fee Roog. Ngaryo i yaq ƭool um, too ba a ƭat in a yong no fop ke ta layaa a in.»

Heseki’el 22:26

Saasadax we ten a ƭapa kebil es, a maasand ke tedlanduuma. Mbaagee o njektirand ke tedna fo ke tedaƭarna, andnooree njektir ne no ke xoolna fo ke xoolaƭarna. Kaa muur a kid den, ndax nga’kee pes a ñootnax ke mi, too niwaƭareem a ndeer den.

Heseki’el 34:2

«Wo fee o ƥiy no kiin, jo’tanaam, jo’tanaam a den, den ɗooɗox we Isra’el ee: Keeke o Yaal oxe na refkaa boo faw a layu: Sabab took ɗooɗox we Isra’el na ƭoxaa a qoox den! Ndax ɗooɗox we mbar’ee o ƭoxaa o siir ole?

Ke bindeena no xe ne’eena YOB 35:10

Kaa koy, o leng layee yee: «Taa Roog fee sakaxama, ten fee na gimnooraa o kiin a kim a niwir kam o yeng ole,