Yeremi 2:7 - NQAARIIT NE ROOG

⁷ Ɓisiidaam a nuun no saax jaɓu taxar, ndax nu ñaam teen xa tim axe moƴna o mbel. Kaa koy, ye nu mbadiidna, nu nqoolaƭaranda saax es, o jeg es nu mbi’in sibdel.

Yeremi 2:7 Referans Kwoze

Yeremi 16:18

Xam eet o rabid a den boo a caf a ƭak tooñ den fo pakaad den, yaam kaa maasandit saax le mi nitaal cakalaaru qonu ke den soo a mayƭandit mbaaxaan ne mi roog tefee ndigil cednooxu ke den.»

A lim ale 13:27

Keeke refu ke da mbetandoox’ina a Moyiis: «I ndeta no saax le lul’oona a in. No ndigil, saax laa fo sis fo suum a ndaxritaa yoo. Xa tim axe owey.

Heseki’el 36:17

«Wo fee o ƥiy no kiin, ye we no mbind Isra’el a ngenaa no fiisel den, a nqoolaƭarandtaan a pesoorooƭ den fo a pi den. A pesoorooƭ den kaa reeƭu mbaambir es nen nqoolaƭar no tew oxaa saqna tap.

Yeremi 3:9

Na pexey a pi a qoƈu ke ten Isra’el a xoolaƭaranda saax le, a faɗooxaa roog a ƥil ke fo ke na teex ake, a gore’aƭar na mi.

Yeremi 3:1

O Yaal oxe kaa tee: «A soƥangaa yee o koor kaa rax o teem, boo oxeene a sambir fo ten soo a refat o tew no lakas, ndax a waagaan o xotatin nen o teem? Ndax keene xoolaƭarandkee saax leene tigi? Wo Isra’el koy, jaga’aa fo xa pes xa mayu, soo o bug o nomtooxiid me mi! Mi o Yaal oxe layun.

Mise 2:10

Inooxyo, ndet, yaam meeke refatee o ñootnooxand! Xan nu njeg xa ƭomel tigi, yaam ne nu nqoolaƭarandna a qoox nuun!»

Heseki’el 20:6

A koom, daaɓooxaam fa den fo o ɓay es took ee xam sutit a den no saax laa Misira, ɓis a den no saax laa horooxan’uuma a den, saax laa fo sis fo suum a ndaxritaa, le moƴna o mos na saax ake fop.

Nehemi 9:25

A njaɓa teeru cegu saŋe fo lanq qaaɗu, a njang pind mayu muut fo paax ƥor, palka paqe, a ƭing taxar biiñ, taxar oliiw fo taxar tiirim pagkatar. A ñaama boo a ngiñ tem, soo a ñoowaa no mbel-fo-neq yaam o paaxel o maak ole wo.

A cangatin ale 21:23

o dal oleene waree fe na teex ale. Fat nu ngasin no ñaal naaga sax sax, yaam oxuu lokeena na teex, Roog salooxun. Yetooxyo boog boo ba nu nqoolaƭarand saax le o Yaal oxe Roog nuun a ci’na a nuun nu njegkin.»

A cangatin ale 6:18

Fat nu mbi’aa ke jofna fo ke faaxna na kid no Yaal oxe, ndax nu ƭaay too ndok no saax faaxaan le o Yaal oxe a daaɓooxna fo daan nuun ee xan a ci’in a nuun

Yeremi 3:2

Deɓi a kid of farna fo xa coong axe naangna halit too ɗeet, ndax a jega teen maa wondoortaandee’oona. Kaa o moofoogu na ƭat ake, cungaa a den, nen o molaan kam a koƥ-a-ƥor, na cungaa kaa ta damna. Xoolaƭarandtaa saax le njaga of fo a pesoorooƭ of a paaxeer.

Yeremi 32:23

A ndoka teen, a njangin, ndaa nan-gilooxee o ñuxur of, ndeefee kebil of, mbi’ee dara no ke hebil’oona a den da mbi. Ten taxu, o sag a den taamaala feeke fop.

Yeremi 32:30

Yaam Ii-isra’el we fo Yuuyudaa we paaxeer doŋ a mbi’u na kid es no kaa xotitna no mberaandoong naa na cosaan den. Ii-isra’el we mbi’ee dara a refangeerna a mbuuxnoortaam jale den. Mi o Yaal oxe layun.

Heseki’el 20:28

Ɗoxaam a den boo no saax le daaɓoox’uuma fo o ɓay es took ee xam ci’in a den. Den o mat, muu da ƈookna ñaang sadaxand mbaat ndaxar niɓu, a ƥoxot maaga sadax den, a mbuuxnoortaam maaga sadax tuufe-duufe ke den, a ƥoxot maaga sadax pelu tuñ ke den soo a njuur maaga biiñ fee den.

Hoose 9:3

Efrayim yoqkee kam saax le no Yaal oxe, ndaa xan a nomtoox Misira, a ñaam kam Asuur ñaamel qoolaƭaru.

A cangatin ale 32:9

A las ale no Yaal oxe mat refu Isra’el fee xeet um, xa taan axe Yakoob a ndef o jeg um.

Nehemi 9:26

Yaqanee koy, da inooxanong, a siiknoor fa wo, a mbes kebil of a cinj, a mbar duleer we wo maƭooxoogna a den, ndax da nomtooxiid me wo. A tooñaang tooñ maak.

Esayi 19:25

O Yaal oxe Hupna fop xan a barke a den na xa ƭelem axene: «Misira fee xeet es fa Asuur fee saktuuma xa ƥay es fa Isra’el fee refna o jeg es a ngela o mbarke’el.»

Heseki’el 20:24

yaam ndeef’ee bargal es, a ndeɓ kebil es, a maasand pes a ñootnax es soo a maad o ngaan no pangool ke no daan den.

Heseki’el 23:35

Ten taxu keeke o Yaal oxe na refkaa boo faw a layu: Feek kaa o weecaam, fesaam ndiiñ, wo itam gadooxi coono ke no njombe of fo no njaga of.»