Yeremi 2:6 - NQAARIIT NE ROOG

⁶ Laamteeyo yee: ‹Taa o Yaal oxe, ten oxe sutitna a in no saax laa Misira, a ɗox a in na koƥ-a-ƥor alaa, no lanq beeru kaa mayna a ƥaaxaand, no lanq kaa njegeerna o mboofi na pelyook ale na fa nqon fee, no lanq kaa o leng a naageerna o reefaa, too o leng genee maaga?›

Yeremi 2:6 Referans Kwoze

A cangatin ale 32:10

O Yaal oxe kaa soƥ a den na koƥ-a-ƥor alaa naagna hundang, a ndeer xa paa’uund xa saɗarnooxu xe. A gisa a den, a topatoox a den, a gay a den nen jooƴ a ngid um.

Hoose 13:4

O Yaal oxe kaa tee: «Mi refu o Yaal oxe Roog nuun sutitna a nuun Misira. Nu andee a roog fa lakas faa jolna mi, too jegee o Muumucil oxaa refeerna mi.

Mace 4:16

xeet feene moofna no niɓaan ole a nga’a a qoolaand a maak. Took no waa moofna kam a pelyook ale na fa nqon fee, a qoolaand a yoɗooxa.»

Hoose 12:13

Yakoob a ƴufa no saax laa Araam, o tew a jaranin ta jalanaa o koor o lakas, a gayaa a ked um.

Yeremi 5:2

A ndaaɓooxangaa yee: «Mexe gaañtan o Yaal oxe na ñoowaa!» a taaƥax den xa maaƥ xa ƥor oo.

Yeremi 2:8

Saasadax we laamtee yee: ‹Taa o Yaal oxe?› We na njangnaa kebil ke andiraam, ɗooɗox we na xeet fee a siiknoor fa mi, duleer we a lay no gon Baal. Kaa ngiɓoor fo roog kaa mbaageerna o ndimle.

Yeremi 2:2

«Reti o yegin a Yeerusaleem kene: O Yaal oxe kaa tee: Kaam wetandooxaa ne gore’it’oona na mi, ye o refaa o ndeɓandoong, ne bugit’axamoona ye o refaa o toog es, ne reeftoogaxamoona na koƥ-a-ƥor alaa, no jegel olaa dara a saxkeerna.

Esayi 64:7

Yaag oo toox de, o Yaal oxe, wo refu faap in. Kaa i ndef ƭok ke, soo o ref o maamax oxe. Wo maxu a in, in fop.

Esayi 63:9

Kam naqad den fop, refee oxaa luleena mbaat malaaka, ndaa mukit um sax sax muclu a den. Ten fa xoox um a wata a den no mbeq um fo na yirmande um. A meeɓa a den soo a gadoox a den no ñaal ke yaaga fop.

A kim a tedu ke 77:5

O Yaal oxe, kaa o xañtaam um sag a ngid es. Kaam jaq boo andatiim kaa layuuma.

A kim a tedu ke 23:4

Bo um ñaaƴaa na yulanq ale na pelyook ale na fa nqon fee sax, saɗariim paaxeer leng, yaam woxey fa mi. O loq ole wo fo laƥ ne wo na mboornaxam.

Ke bindeena no xe ne’eena YOB 35:10

Kaa koy, o leng layee yee: «Taa Roog fee sakaxama, ten fee na gimnooraa o kiin a kim a niwir kam o yeng ole,

Ke bindeena no xe ne’eena YOB 3:5

Yaasam o niɓaan fo a sisaaƥ a naangin salquƈ, eel niɓaanu taruus a iroox took um, soo o niɓaan ñaal a xufin!

2 Maad we 2:14

A xawta foofi le sabadoor ne Eliya a xaƴ’ina ta sam, soo a lay ee: «Taa o Yaal oxe Roog fee Eliya, ten oo?» Ten itam a xawa foofi le, ta xaajoox, soo ta xaañ.

Haahate we 6:13

Gedeyon a doonaan ee: «Ey! O yaal es, o Yaal oxe a refangaa fa in kañ, xar taxu kene fop a dalaa a in? Taa comlaand ke ten fop boog daan in a mbetandooxaa a in, a ndamtin ee: ‹Ndax o Yaal oxe suttee a in Misira?› Ndiiki koy, o Yaal oxe kaa waas a in pelek, a ɓoxot a in na xa ƥay no Maamajan we.»

A sutax ale 20:2

«Mi refu o Yaal oxe Roog of, suttoonga no saax le Misira, me reeƭoona o paɗ.

A cangatin ale 1:19

«Cinj kaaga, i inoor’a no joong olaa Horeb, nqaañ a koƥ-a-ƥor a muum a maak a saɗarnooxu le nu andna, nqot a ƭat ale no joong ole no Aa-amori we, ne o Yaal oxe Roog in a heblit’uuna a in. Ye i mbadiidna Kades-Barneya,

Yeremi 13:16

Ƥoxotyo o Yaal oxe Roog nuun o ndam boo ta helko fo niɓaanaa, soo nu tolof na xa coong axe na kid-a-caɓru ke. Xan nu cungaa a qoolaand ale, ndaa xan a suptin o niɓaan, a fi’in a sisaaƥ.

Yeremi 51:43

Teeru ke ten a ndaadne, a ndefat lanq beeru koroŋ fo o tan maa o leng a genateerna, maa o mbindeef a reefateerna.

A cangatin ale 8:2

Fat nu mbetandooxaa a ƭat ale o Yaal oxe Roog nuun a xotnoorna a nuun fop kam a koƥ-a-ƥor ale na xa kiid qarɓeen nahik axeene. A doona a nuun coono mayu, ndax ta ɗeetloox a nuun boo a ga ke refna kam a qeeñ nuun, a and ndax nu mbuga ndeef kebil ke ten, ndax nam.

Yeremi 5:12

Xeet fee no Yaal oxe a nqaña o Yaal oxe, a ndamtin ee: «Roog jegee! Taamaala dalkee a in, too i nga’kee xire mbaat biim.

Amos 2:10

Ƭeetyo me nu ndeefna, too um sutit’u a nuun Misira, ɗox a nuun xa kiid qarɓeen nahik na koƥ-a-ƥor alaa ndax nu njeg saax le no Aa-amori we,