Yeremi 2:5 - NQAARIIT NE ROOG

⁵ O Yaal oxe kaa tee: «Ndi njofaƭar num daan nuun a nga’u na mi boo a tax da ngoƭaam, a ndeefan xa koɓong, boo a ndefat xa koɓong den fa qoox den?

Yeremi 2:5 Referans Kwoze

2 Maad we 17:15

Kaa ndeɓ bargal ke no Yaal oxe fo ngiɓoor ne ta dalin’ina fo daan we den fo a maƭax ake ta maƭoox’ina a den, a ndeefaa xa koɓong boo a ndefat xa koɓong. Kaa ngiɓoor’u fo qeet ke mbid’ina a den, ke o Yaal oxe a xañit’ina a den da laal a den fop oo.

O leetar ole Pool a bindna GIMU WE NGENNA ROM 1:21

yaam kaa da and a Roog boo a ƈut, soo a mbañin o ƥoxot o ndam nen a Roog, ne’katiim koy da ngidman. Kaa kuuc, a mo mir kam a qalaat den, soo a qeeñ den ake mbofeerna o and o leng, a ndiim kam o niɓaan.

Yoona 2:8

O Yaal oxe, ye yoqɗooruuma fa nqon, wetandooxaaxoong, too ke xeɗoonga, a fadiida boo me wo, no Mbind tedu of.

A kim a tedu ke 115:8

We njalna a den fa den a nandu, boo no we ƭagna yaakaar den no nitaal keene.

Esayi 44:9

We na sexaa nitaal ndefee dara, too calel ke den a mos mos ƭaxee dara. Den ndefu seede den, seede waa mbaageerna a ka, too o and refee na den. Ten taxu yoo xan a sed ɓot.

1 Sami’el 12:21

Ba nu mbesin a cinj muk, ndeefik roog andand. Den weene mbaagee o ƈufig a nuun mbaat da mucil a nuun, yaam xa koɓong rek a ndefu.

A cangatin ale 32:21

A njumbandta naal ne mi ke refeerna Roog, a mbuuxnoortaam pangool koɓong ke den. Mi o mat oo, xam jumbandit naal den xeet faa refeerna xeet fa ndigil, fuuxnoorit a den xeet faa fofeerna o and o leng.

A pi ake 14:15

«Bara waay, fog we! Xar taxu nu mbi’aa kene? In itam, wiin i ndefu nen a nuun. Kaa i ƥisiid a nuun Yegil mbaax ne na xoyaa nuun, nu mbes a cinj xa koɓong axene nu mbi’na roog, too mbiƈaqiloox na Roog fa ñoow jok fee sakna asamaan fo lanq fo o maag ole fo fop ke refna teen.

Yeremi 2:31

Nuun wiin we no suk nene, nan-gilooxyo a paax ke o Yaal oxe a layna: Ndax a koƥ-a-ƥor reeƭum na Isra’el mbaat saax o niɓaan? Xar taxu xeet es a lay ee: ‹In njegu a qoox in, i mbugee o nomtooxiid me wo?›

Mace 15:8

‹Xeet fene xa ton den soom a niwtaxam, ndaa a qeeñ den kaa ngoƭaam.

Heseki’el 11:15

«Wo fee o ƥiy no kiin, no kaa jofna no fog of, no we no ƥasil of fo no kaa farna no mbind Isra’el fop, we ngenna Yeerusaleem kaa layaa a den ee: ‹Ngoƭyo o Yaal oxe, in o mat a ci’u saax lene i njegin.›

Yeremi 14:22

A ndeer pangool ke no qeet ke, ndax a jega na den faa na deɓaa? Ndax asamaan fee na cooxtaa a teƥ-eel ake? Ndax refee wo, o Yaal oxe Roog in? Na wo i yaakaaru, yaam wo na fi’aa keene fop.

Yeremi 12:2

Jimbaa a den, da sax a paƴ sax, a maakaa soo a ndimaa. Gon of oxey na xa ton den kili, ndaa a qeeñ den a ngoƭaang lool.

Yeremi 10:8

Den fop kaa tapoor a mbanxoy soo a yoqit, a cangin ale den refee tus. Roog ke den a teex rek a ndefu!

Esayi 29:13

O Yaal oxe a laya yee: «Xeet fene o don fo muuceek soom a niwtaxam, yaa da matiidaxam, ndaa a qeeñ den kaa ngoƭaam, too caƭar ne da njegna na mi kaa ref o reef soom kaa o kiin a dalinna.

Esayi 46:12

Nuun we neegna, too nu matee maa o cofel a farna, nan-gilooxaamoo.

Yeremi 2:4

Nuun mbind Yakoob, nuun a qaw ake Isra’el fop, nan-gilooxyo fa lay fee no Yaal oxe.

Yeremi 8:19

Xa buuq xa ƈufginoor axe na xeet es a nannoortiida muu refna kam saax le: «Ndax kaa o Yaal oxe refatee Siyoŋ? Ndax kaa Siyoŋ jegatee o maad?» O Yaal oxe a doona yee: «Xar taxu da mbuuxnoortaam nitaal sexe ke den, tig cegee njiriiñ ke ngatna a ngenareem?»

Heseki’el 14:5

Neene, xam duq mbind Isra’el no xeeñ, den we mbesaxama a cinj yaam pangool ke den.