Yeremi 2:35 - NQAARIIT NE ROOG

³⁵ o lay ee: ‹Fi’iim cageer leng. Fat fuux le no Yaal oxe a goƭaam!› Kaa koy, mi o Yaal oxe, xam layoor fa wo, feek kaa o lay ee: ‹Bakaadiim.›

Yeremi 2:35 Referans Kwoze

Xa peƭit axe 28:13

Oxe na ɗasnaa tooñ um xeniɗkee, oxe na weejlaa pakaad um koy, a fes a den a cinj, xan a waasanel.

O leetar ole Pool a bindna GIMU WE NGENNA ROM 7:9

Yaaga andafuliim kebil ne, kaam ñoowoogu, ndaa ye kebil ne a fadiidna koy, bakaad fee a ñoowa na mi,

Yeremi 25:31

Fangax le a nannooxa boo no cat adna, yaam o Yaal oxe xe layooraa fo qeet ke, a hate’aa pindeef ke fop, soxodu we ta ɓoxot a den da saŋkitel laƥ.› » O Yaal oxe layun.

Yeremi 2:29

Xar taxu nu nqasraa fa mi? Nuun fop, nu siiknoora fa mi. Mi o Yaal oxe layun.

Yeremi 2:23

Nam saɗo o layit ee: ‹Xoolaƭarandooxiim, reefiim a ƭat ale Baaliin?› Ɗeeti ne o ñaaƴtaa na yulanq ale! Anddilooxi ke fi’oona. O ga’angaang ee o ngeeleemb o ndew onqaa na ƴufaa o saax oo saax.

Yeremi 2:9

Ten taxu um geenoox no layoorahin fa nuun, soo fi’kahinan fo xa taan nuun. Mi o Yaal oxe layun.

Esayi 58:3

Kaa laamtaxam ee: ‹Xar a jiriiñu i ngooraa, yaa ga’eeranoona? Xar a ɗaxu i ndamaa cer in, a ƭat of a yongangee teen?› Maaga um doon ee: Ƭeetlooxeenoo nuun fa qoox nuun: Koor ne nuun yaqanee nu ƈufanaa o njiriiñ a qoox nuun, ñagadilaa jaajal we nuun.

Ke bindeena no xe ne’eena YOB 33:9

«Mi, kaam xool qac, ñak bakaad, jof pec, too tooñ leng refee na mi.

Heseki’el 17:20

Xam letin mbaal es took um, too xan a naagel nuus no mbog ne mi. Xam ɓisin Babilon, too maaga, xam layoor fo ten no ngore’aƭar ne ta fi’axama.

Yeremi 16:10

O yegnangaa xeet fene keene fop, xeƈa xan a laamtong ee: ‹Xar taxu o Yaal oxe a maƭoox a in taamaala fa maak feene fop? Xar refu tooñ in fa bakaad in boog i mbakaaditna no Yaal oxe Roog in?›