Yeremi 2:33 - NQAARIIT NE ROOG

³³ Andaa a paax ne o ñaaƴnitaa, ndax o bugel. Ten taxu o merat boom sax.

Yeremi 2:33 Referans Kwoze

Heseki’el 16:47

Ñaaƴiro na ƭat den day teen, fi cednooxu leng kut ke da mbi’na, kaa o xeef’u kaaga, moƴ o yaqoox a den na ƭat ake wo fop.

Heseki’el 16:27

Maaga, inooxanaaxoong, wañ o jeg of, ɓoxotong fañ of, da njeg ne da mbugna na wo, mboƥ ndoog ne no Fiifilista we sed’ina yaam a pesoorooƭ a sednooxu of.

Yeremi 2:36

Xar o ñofandooxanaa boo suptaa a ƭat of? Xan Misira a sednoorong ne Asuur a sednoorit’oonga.

Yeremi 2:23

Nam saɗo o layit ee: ‹Xoolaƭarandooxiim, reefiim a ƭat ale Baaliin?› Ɗeeti ne o ñaaƴtaa na yulanq ale! Anddilooxi ke fi’oona. O ga’angaang ee o ngeeleemb o ndew onqaa na ƴufaa o saax oo saax.

2 Caloori ke 33:9

Kaa koy, Manaase a mo’noora a den bo da mbi kaa moƴna o faaxaƭar ke qeet ke o Yaal oxe a raadin’ina mbaambir Ii-isra’el we a mbi’’ina.

Hoose 2:13

Xam xuuf ke na felakinan fop, refna toofeen ke ten fo pumbaay ke ten no fo nqool fo ndeɓ ne, pes a ñootnax ke ten fo qew ke ten fop.

Yeremi 2:32

Ndax o njaaƈ o ndoog a naaga weecaa kelax um, mbaat o kulook a weec o qap um? Xeet es o mat a mbeecaxam, yaa leng a andeerna.

Yeremi 2:34

Fo’oy le no toroxu we mbi’eerna dara oxey na xa lifar axe no ndoki ne wo. Yaag oo toox de betiro a den da mbaƭtaa begax of. Keene fop yaqanee