Yeremi 2:32 - NQAARIIT NE ROOG

³² Ndax o njaaƈ o ndoog a naaga weecaa kelax um, mbaat o kulook a weec o qap um? Xeet es o mat a mbeecaxam, yaa leng a andeerna.

Yeremi 2:32 Referans Kwoze

A kim a tedu ke 106:21

A mbeecta a Roog fee o Muumucil den, fi’’ina tig maak Misira,

Yeremi 13:25

Keeke refu muj of, wo Yeerusaleem, a las ale naqanoonga, mi o Yaal oxe, yaam kaa o weecaam soo hooloox xa maaƥ.

Yeremi 3:21

O ñuxur ole nannooxaa took xa coong axe naangna halit: Ii-isra’el we yoo, na loolaa soo a ƈufginooxaa, yaam kaa ƭap a ƭat den, a mbeecit o Yaal oxe Roog den.

Yeremi 2:11

Ndax a jega xeet faa na sofaa roog den, ke da ndefeerna ndef roog fop oo? Xeet es o mat a softaxam xa koɓong xa ƥor, mi fee o ndam um.

Esayi 17:10

Kaa o weec a Roog fee na muclang, too wetandooxiro ɓil le refna ndaɗand of. Ten taxu o jimbanaa pangool ke taxar pelu, saxnanaa a den taxar biiñ.

Hoose 8:14

Isra’el a weecta o saasak um soo a maxin pind no maad, Yudaa a mayƭand teeru saƭku koŋ ke, ndaa xam hebliid fiɗel kam teeru ke den, soo ta raaɓ pind mosu ke den.»

Esayi 61:10

Kaam felakinooxaa no Yaal oxe, o laaw es a may fo o ɗaay na Roog es, yaam kaa rokaam ndoki ne na muc ale soo a muuraam sabadoor ne no cofel ole, um nandtaa o kor-no-kulook oxaa rokooxna tañalax xew um mbaat o kulook oxaa mosandooritna kumooxel um.

A kim a tedu ke 9:17

O Yaal oxe a lalta oxe ta refna, a ɗeg hate, soo o soxodu xe a yen no mbog ne ta ɗaapna. A yoor, a maaf

Yeremi 18:15

Yaag oo toox de xeet es a mbeecaxam. Kaa da ndoxanaa cuuraay pangool kaa na tolofnooraa a den na ƭat den, na qal cosaan den, ndax da nqot fo ƭat fo a ƭat akaa mbiisaandeena.

Yeremi 13:10

Xeet fa soxodu feene kaa mbañ o nan-giloox fa lay es. Kaa nqox no saƭik xoox ole den, a ngiɓoor fo roog lakas, ndax da mbaɗoox a den soo a ngungaa mbaambir den. Xan a nand nen o kumnoor olene jiriiñateerna tus.

Mbeeñil 21:2

Ga’aam teeru fa tedu fee refna Yeerusaleem fa nqas fee Roog a fudnitiidna na asamaan. Kaa jagandoox nen o toog oxaa bugeena o ɓoxot o kor um.

Heseki’el 22:12

Me wo, ker ke kaa njaɓeel, ndax fo’oy a ɓaxel. Kaa o rawnitaa took ndimand ngupalu. Kaa o jaɓaa o jeg no kend of took o hup doole, soo mi o mat o weecaam. Mi o Yaal oxe na refkaa boo faw layun.

Mberaand 24:22

Ye keeleemb ke a yerna boo a ƈut, o koor oxe a janga o heɗ wurus olaa o meɗel um a fi’na genwal o sekel fo xa ƈang wurus xa ƭaq axaa o meɗel den a fi’na xa sekel xarɓaxay, a rokan a den o toog oxe.

2 Sami’el 1:24

Nuun rew we Isra’el, loolyo a Sawul, ten fee rokanoogna a nuun toki mosu, a humaa a nuun keloor soo a lokanaa a nuun kumooxel wurus no ñirax nuun!

Mberaand 24:53

O tag oxe a suta pi’te xaaliis fo pi’te wurus fo tikoorik mosu, a ci’in a Rebeka. A ci’a itam o camin um fa ya um ɗaŋ maak.

Mberaand 24:30

A ga’’a koy o heɗ ole fo xa ƈang axe no ɓay no cigeen um, too a nan’a a ƭelem ake Rebeka ye ta layna yee keene o koor oxaa a layaxam. Laban a gara, a soƥiid o koor oxe reeƭna paam keeleemb ke ten farna fo a cur alaa.

Esayi 57:11

Ndi an saɗaroogo boog, an fit’o boo a tax o maaɓaxam, fañ o xalaatataam soo weecaam? Andum ne maar’uuma o don es yaaga boo fa ndiik taxu saɗariraamo.

Yeremi 2:33

Andaa a paax ne o ñaaƴnitaa, ndax o bugel. Ten taxu o merat boom sax.

A cangatin ale 32:15

Xeet fee no Yaal oxe a naagata naluƈ soo a ñak o njek. Isra’el kaa giñat tem, a magin, a jegat cer soo a xaƴ a Roog fee o saasak um, a xeef ɓil le na muc ale ten.

Haahate we 8:34

A ndalfooxa o mbeec o Yaal oxe Roog den wat’ina a den no fañ we mbidna a den fop.

Yeremi 23:27

Kaa nqalaataa o mbeecnoorit xeet es a mi xa ƭaaɗ axe den da mbetandooraa a ndeer den, ne daan we den a mbeectit’axama yaam Baal.