Yeremi 2:30 - NQAARIIT NE ROOG

³⁰ Xawaam a nuun, ndaa ɗaxee dara, nu njaɓee a maƭax aleene. Ndaa kañ, laƥ nuun a ñaama duleer we nuun, nu mband a den nen njogoy.

Yeremi 2:30 Referans Kwoze

Nehemi 9:26

Yaqanee koy, da inooxanong, a siiknoor fa wo, a mbes kebil of a cinj, a mbar duleer we wo maƭooxoogna a den, ndax da nomtooxiid me wo. A tooñaang tooñ maak.

1 Tesalonik 2:15

Yaawuur weene o mat mbarnooru o Yaal oxe Yeesu, a mbarnoor duleer we itam, soo a ñagadil a in. Den weene koy, mbelee a Roog, a ndef fañ no wiin we fop.

A pi ake 7:52

An no duleer we daan nuun a ñagadileeru sax? Yaam daan nuun a mbara we yegnitoogna yaaga yee xan o Cofu xe a gar, ndiiki koy nu ngodaan, mbarnoorin.

Yeremi 5:3

O Yaal oxe, ndax refee yee a kid of ngor rek a mbaaƭaa? Xawaa a den, ndaa ɗaxee a den dara. Saŋkaa a den, ndaa kaa mbañ a maƭax ale. Kaa njikooxaa o saƭik xoox, a mbañ o nomtooxiid me wo.

Esayi 1:5

Ndi mam a xawkataa xaw a nuun, nuun we nqoxna na pañ rek. Xoox le kaañax ƥor a saqu, soo xeeñ le fop a jir.

Mace 23:29

«Ndaw sabab took nuun, nuun jaajangin we no kebil ke fo Farisiya we, nuun we ndefna yememaar! Kaa nu maxaa poy ke no duleer we, soo ndan-ginaa poy ke no jofu we.

Yeremi 7:28

Maaga, fat o lay a den ee: Nuun ndefu xeet fee nan-gilooxeerna o ñuxur no Yaal oxe Roog den, soo a mbañ a maƭax um. Ngor kaa xon faq me nuun, a mo mir na xa ton nuun.»

Esayi 9:13

Ten taxu o Yaal oxe a ɗega xoox le fo a las ale Isra’el, ngeec oo xeet oo, no ñaal leng kut.

Mbeeñil 16:9

A sumaan a ƭomu a doxa wiin we. A ndefata no mbenaa gon le Roog fee jegna sañ-sañ, too a pokoox taamaala keene. A mbañ’a o mbes pakaad den a cinj, a mbañ o ƥoxot a Roog o ndam.

Sofoni 3:2

Nan-gilooxee o ñuxur o leng, a ƭat um yongee no soqanqol, doonee a koolax um no Yaal oxe, matiidee a Roog um.

Heseki’el 24:13

Xoolaƭarandtaa a xoox of o njombe of. Kaam bug’ong o xooland, ndaa taxee o xool. Xoolandkataandee muk no nqoolaƭar ne wo, boo yaa fuux es a jegkaa ne ta bugna took of.

Yeremi 31:18

Nanaam a paax we Efrayim da ƭomatooxaa yee: «Yaraa a in, too i yarte nen o xeel o sufaru. Nomtiidi a in me wo, too xan i nomtooxiid me wo, yaam wo refu o Yaal oxe Roog in.

2 Caloori ke 36:16

Kaa koy, Ii-isra’el we kaa nqaadnooxoogu duleer we Roog, a nqeefaa fa lay um, a njalaa a den boo neen fuux ɗomu le no Yaal oxe a biltooxanu xeet um too mbaag’atiran o ndaɗ.

2 Caloori ke 28:22

Ke o maad Ahas a maad’ina o refaa na naqad fop oo yaqanee ta maad o gore’aƭaraa no Yaal oxe.

2 Caloori ke 24:21

Maaga, a ngiɓanaan o ngir, a mbartin a kac took kebil no maad oxe kam o maax ole no Mbind ne no Yaal oxe.

1 Maad we 19:14

A doonaan ee: «O Yaal oxe, wo Roog fee Hupna fop, naa moofum kaam jaflax na wo. Kaa koy, Ii-isra’el we a mbaasa ngiɓoor of fa den, a njiƭit xa sadaxand axe wo soo a mbarit duleer we wo laƥ. Mi doŋ yoqatu, too kaa mbaaƭaa naa da mbartaxama sax.»

1 Maad we 19:10

A doonaan ee: «O Yaal oxe, wo Roog fee Hupna fop, naa moofum kaam jaflax na wo. Kaa koy, Ii-isra’el we a mbaasa ngiɓoor of fa den, a njiƭit xa sadaxand axe wo soo a mbarit duleer we wo laƥ. Mi doŋ yoqatu, too kaa mbaaƭaa naa da mbartaxama sax.»

Esayi 59:3

yaam xa ƥay nuun kaa yedin, qol nuun a ndoɗig yaam tooñ, too nu yaƥatangaa, xa maaƥ taxun mbaat njofaƭar.

Yeremi 46:14

«Yegniteenoo Misira, nannooreenoo Migdol, nannooreenoo Memfiis fa Tapanes! Layyo yee: ‹Ngeenooxyo, njagandoox!› Yaam laƥ ne a raadna gentand nuun boo a ƴut.

A ƭomatax ake 4:13

Keene fop o ngar fo pakaad ke no duleer we fo tooñ ke no saasadax we yoo, den we ƥax’ina kam teeru fee fo’oy le no jofu we.

Heseki’el 22:24

«Wo fee o ƥiy no kiin, layi a Yeerusaleem ee kaa ref lanq kaa nqoolandaandeena, nquƥandtaand a teƥ a koom alaa fo fuux le.

Dañel 9:13

Ne keene a bindteena no kebil ke Moyiis, taamaala keene fop a ndala a in, ndaa taxee i njeem o mandaxin xeeñ of, wo o Yaal oxe Roog in, mbañatong o tooñ soo ndeef o bug of.