Yeremi 2:3 - NQAARIIT NE ROOG

³ Maaga, Isra’el kaa kesan’el o Yaal oxe nen taawlax ke no saxade le. Fop we nduqooguuna, a nqawooge, taamaala a sagoox a den.» O Yaal oxe layun.

Yeremi 2:3 Referans Kwoze

Mbeeñil 14:4

Den ndefu we njegeerna soɓe, yaam mosee o yoon fo o tew. Kaa ndeefoogu o Mbaal onqe muu ta jofoogna. Kaa mbat’el ndeer no wiin we, a ndefan a Roog fo o Mbaal onqe nen taawlax.

Saak 1:18

Kaa felin ta rimnoorit a in fa lay fee no ndigil ne, ndax i ndef taaw ndeer pindel um fop.

Esayi 41:11

No ndigil, fop we na mbañraa fa wo xan a sed soo a njeerel. Fop we na ŋaalooraa fa wo xan a saŋkoox soo a mooc.

O leetar ole Pool a bindna GIMU WE NGENNA ROM 11:16

Boo andoona yee, o ɗeg o eetaand mbuuru a ɓoxote a Roog, ke na yoqaa no mbuuru ne fop, Roog jegun itam. Neene itam, a paƴ ndaxar a ƥoxotange a Roog, a naaq ake ndeyaand o ne.

Sakari 2:8

A hebla faaga yee: «Ƴufi lay o koor oxe pokooxna o ƥaak o liiƥir ole yee: ‹Yeerusaleem, teeru fa njegee saŋe a refkaa, yaam wiin fagkatar we fo cegel cegee hap ke na ndefkaa a ndeer um.

Yeremi 50:7

Fop we nqetoogna fa den, a listooga a den, too fañ we den kaa layoogu yee: ‹I mbi’ee pariƴ leng, yaam kaa tooñ o Yaal oxe, ngenand ne no cofel ole, o Yaal oxe refna yaakaar no daan den.›

1 Piyeer 2:9

Nuun o mat, kaa nu ndef xeet fa njile fee, saasadax no Maad oxe, ƥasil tedu ne, xeet fee Roog a watna. Roog kaa jil a nuun, ndax nu yegnitik calel mosu ke ten, ten fee xoyitna a nuun no niɓaan ole, a ɓek a nuun na qoolaand a maak ale ten.

Efees 1:4

Na Kiristaa Roog kaa jil a in, yaaga sakafulee adna fee, ndax i ted too ñak sik mbaambir um. Kam o mbeq um,

Yeremi 12:14

Keeke o Yaal oxe a layu no gentand faaxeer we na xeet es: «A nduqa ke jeg’uuma, o fiisel ole lasrand’uuma a Isra’el fee xeet es. Xam fuurit a den no lanq den, fuur a ndeer den itam wiin we Yudaa.

A cangatin ale 14:2

Kaa nu ndef xeet faa kesaneena o Yaal oxe Roog nuun. Ten jilu a nuun, ndax nu ndef xeet faa ta jegoodna a ndeer qeet lakas ke no lanq ke fop.»

A cangatin ale 7:6

Kaa nu ndef xeet faa kesaneena o Yaal oxe Roog nuun. Ten jilu a nuun, ndax nu ndef xeet faa ta jegoodna a ndeer qeet lakas ke no lanq ke fop.»

A lim ale 18:12

Ci’aam a nuun itam ke Ii-isra’el we a ƥoxotaxam no ke eetna o foor: Ke moƴna o faax na diwliin fee fo na biiñ fee fo na bele fee.

O leetar ole Pool a bindna GIMU WE NGENNA ROM 16:5

Fat nu simnanaam itam gimu we na mbokatooraa kam mbind den, simin a Epaynet fee fexuuma, refna oxe eetna o gim na Kiristaa kam o jegel ole Asi.

Sakari 1:15

too fuuxanaam tigi qeet ke njegna ne mbugna, yaam o ndik rek fuux’um, ndaa o hupal den taxu boo taamaala fee a fod neeke.

Yowel 1:3

Fat nu mbetandooxin xa ƥiy nuun, da mbetandooxin xa ƥiy den, soo xa ƥiy den a mbetandookin suk ne na ndeefankaa a den.

Yeremi 30:16

Kaa koy, fop we na listang xan a listel, too fop we na noonooraa fa wo xan a ƥisel den fop took o hup doole. We na yaqang, xan a yaqel, too we na njaɓaa o jeg of, xam xaƴ o jeg den a jaɓel

Esayi 47:6

Kaam fuuxan’u xeet es, fudin we jeg’uuma soo ɓoxotong a den. Wo o mat, yirmiro a den, gadnaa o nogoy oxe sax kadoor meɗu ke wo.

A cangatin ale 26:19

Neene, xan o Yaal oxe Roog nuun a ci a nuun nu ngup qeet ke ta sakna fop, ndax nu simatin, ci’in o jeg gon, ndef qaaƴoor um soo ndef xeet faa ta kesaneena, ne ta laytuuna a nuun.»

A sutax ale 23:16

Cinj kaaga, fat nu ndoofand Xew fee na ñaƭax ale, yaa nu saxadna ke eetna o foor na xa qol axe nu nqooxaa. Nu moofangaa koy boo na seek fee, yaa o hiid ole a fagiidaa, nu mbara o ndoofand Xew fee na saxad ale no ke tuufe-duufe ke nuun a mbatna.

A sutax ale 22:29

Ke refna kene koy, taaw naak mbaat mbaal mbaat fambe a rimange, fat a xaƴel paam ya um boo a jeg pes ɓetuu ƭik. Na bes fa ɓetuu ndadkandeer faa, fat nu ƥoxotaam o ten.

Amos 6:1

«Ndaw sabab took nuun, nuun we na ñoowaa no yaadax kam Siyoŋ, nuun we mboogna yee o joong ole Samari ngenand mbooru yoo. Kaa nu mbi’oox a salma-koor kam saax le adooxanna qeet ke, bo tee mbind Isra’el sax nuun a mbi’u yaakaar.

Yeremi 2:4

Nuun mbind Yakoob, nuun a qaw ake Isra’el fop, nan-gilooxyo fa lay fee no Yaal oxe.

Habakuk 1:11

Cinj kaaga, kaa da mbaaslooxaa nen a und, a ñofandooxanaa o mbi’ahin paaxeer, doole den a ref roog den.»