Yeremi 2:27 - NQAARIIT NE ROOG

²⁷ Kaa layaa a teex ale yee: ‹Wo refu faap es›, soo ɓil le da layin ee: ‹Wo rimaxam na adna fee!› Kaa mbesaam ndiiñ, a mbañ o ƭeetaam, mi o Yaal oxe. Kaa koy, taamaala a sagooxangaa a den, da ndamtaam ee: ‹Inooxi mucil a in!›

Yeremi 2:27 Referans Kwoze

Esayi 26:16

O Yaal oxe, ye i ndeeƭna no njaaxɗataand, i mbaaƭoogaang. I ƈufginooxaang na qeƭ, ye a qaw ale wo a dalna took in.

Hoose 7:14

Ƈufginooxiraam fo a qeeñ den fop, yaa da ƭomatooxaa took cong den. Kaa ñaasooxaa, yaa da nqeɗaxam bele fa biiñ soo a ngoƭaam.

Hoose 5:15

Xam naag col, ret, nomtoox no ngenand es, boo yaa da njaɓkaa yee den tooñu soo a mbaaƭaxam. Kam naqad fee xan a ƈufginooxaxam ee:

Heseki’el 23:35

Ten taxu keeke o Yaal oxe na refkaa boo faw a layu: Feek kaa o weecaam, fesaam ndiiñ, wo itam gadooxi coono ke no njombe of fo no njaga of.»

Heseki’el 8:16

Maaga, a ɓisaxam farna fo o maax-kam olaa no Mbind ne no Yaal oxe. No ndokand ne no Mbind ne no Yaal oxe, ndeer o ndambalaan onqe fo o sadaxand ole, a jeg’a ngap goor qarɓeen ƭik fo goor ɓetuk waa mbes’ina Mbind ne no Yaal oxe ndiiñ, a ngung farna fo batand, a mbaambir fo njeeƈ ne.

Yeremi 32:33

Kaa mbesaam ndiiñ, a mbañ o ƭeetaam. Ke aqatinuuma a den roog fuu feedna fop oo, nan-gilooxee, ndax da njaɓ a maƭax es.

Yeremi 22:23

Wo fee ngenand of a nandna fa Libaŋ, ndut of o fi’in kam taxar seedar ke, xan o iin tigi yaa a ƭomaand ake a ndalkang, o lañtooxaa nen o tew oxaa na gaajooxaa.»

Yeremi 18:17

Ne nqeñ ne no batand a maƥtaa fo ut ole, neene um pasaritkaa xeet es mbaambir fañ den. A koom alaa fo njakad onqe den, xam fes a den ndiiñ, fañ o lal a den mukit es.»

Yeremi 10:8

Den fop kaa tapoor a mbanxoy soo a yoqit, a cangin ale den refee tus. Roog ke den a teex rek a ndefu!

Yeremi 2:24

Kaa o nand fo o faam-a-koƥ o rew, merna a koƥ-a-ƥor ale. Kaa duñnooxaa nqeñ ne kam a yuxum um. A ŋaayax um, an waagun o xañit? Koor ke na mbaaƭan naangee o nqijaa, kaa soƥan ta bug o ŋaayoox.

Yeremi 3:9

Na pexey a pi a qoƈu ke ten Isra’el a xoolaƭaranda saax le, a faɗooxaa roog a ƥil ke fo ke na teex ake, a gore’aƭar na mi.

Yeremi 30:7

Ndaw naqad! Ñaal nene a jaaxɗandta, jegee lakas naa nandna fo ten. Jamaane naqad oo na Yakoob, ndaa xan a muc teen.»

Yeremi 37:3

O maad Sedekiya a lula a Yukal fee o ƥiy Selemiya fa Sefaniya fee o saasadax, too a ref o ƥiy Maseya, maa no tuleer Yeremi, ndax da layin ee: «Xeɗooxani a in o Yaal oxe Roog in!»

Dañel 9:7

Wo o Yaal oxe, kaa o jof. In o mat, seeƈaar in a jaga fa in, in goor we Yudaa, we ngenna Yeerusaleem fo Ii-isra’el lakas we fop, matu yoo goƭu yoo kam a saax ake rax’oona a in fop yaam ngore’aƭar in na wo.

Hoose 4:12

Xeet es kaa nga’raa fo xa taaƴ den, too o loq den na feeñlaa a den ke da mbarna o mbi. Yiif njaga kaa mo’andaa a den, da nqaƴaam, a mbaɗooxaa roog lakas, nen o tew oxaa soobooxna no njaga.

2 Caloori ke 29:6

Daan in kaa ngore’aƭar’u, a mbi kaa faaxeerna na kid no Yaal oxe Roog in, a ndeɓin, a nquun Ngenand ne ten, a mbesin a cinj.

Yeremi 42:2

me no tuleer Yeremi, a layin ee: «Ngela jaɓi ke i nqeɗang! Xeɗooxani a in, in yoqatin wene fop, o Yaal oxe Roog of, yaam kaa i may’u bo, ndaa o ndik o ndutuuñ i yoqatu, ne ga’tanoona.