Yeremi 2:26 - NQAARIIT NE ROOG

²⁶ Ne o kuuɗ oxaa beteena a sedtaa, neene we na xeet fee Isra’el a seditkaa, den fo maad den, kelfa den, saasadax den fo duleer den.

Yeremi 2:26 Referans Kwoze

Yeremi 32:32

yaam paaxeer ke Ii-isra’el we fo Yuuyudaa we a mbi’na fop, ndax da paang kam es, den fo maad den, kelfa den, saasadax den, duleer den, goor we Yudaa fo we ngenna Yeerusaleem.

Esdaraas 9:7

No kaa xotitna no camaane kaa no daan in boo xaye tooñ in a magna lool, too pakaad in taxu i ƥoxotel, in fo maad in fo saasadax in, na xa ƥay no maad jan, ndax i mbarel, ƥisel took o hup doole, ngefel soo neewandel, ne ta maadna o refaa boo xaye.

O leetar ole Pool a bindna GIMU WE NGENNA ROM 6:21

Xar keene a rimu na nuun boog? Dara, a refangeerna gaci, yaam muj no keene fop fa nqon soom oo.

Yeremi 48:27

Wo Mowaab, ndax Isra’el reeƭee calat of? Ndax kaa mosel o soƥ a ndeer no guuɗ we, boo a tax a mbanuu o ne’an o wulaa xoox?

Yeremi 2:36

Xar o ñofandooxanaa boo suptaa a ƭat of? Xan Misira a sednoorong ne Asuur a sednoorit’oonga.

Esayi 1:29

Xan nu naang ɓot fa gaci, yaam ne nu mbaɗooxaa pudaay tedlande, soo sed na ƭing nuun akeene nu mbodandteerna dara,

Heseki’el 16:54

Boo roxondooxoona gaci of soo seeƈaar yaam fop ke fi’oona, xan a ref yaaloor na den.

Heseki’el 22:26

Saasadax we ten a ƭapa kebil es, a maasand ke tedlanduuma. Mbaagee o njektirand ke tedna fo ke tedaƭarna, andnooree njektir ne no ke xoolna fo ke xoolaƭarna. Kaa muur a kid den, ndax nga’kee pes a ñootnax ke mi, too niwaƭareem a ndeer den.

Sakari 5:4

Xam woktin, ndax ta rok no mbind no kuuɗ oxe fo no mbind no xe na daaɓoortaa gon es na xa maaƥ, a gen teen soo a yaqin pic boo na qanq ake ten fo a ƥil ake ten. Mi o Yaal oxe Hupna fop layun.»

A kim a tedu ke 97:7

Fop we na mbaɗooxaa pangool ke, a nqaaƴooraa xa koɓong axeene xan a sed. Roog ke fop kaa ngungaa mbaambir no Yaal oxe.

Esayi 44:9

We na sexaa nitaal ndefee dara, too calel ke den a mos mos ƭaxee dara. Den ndefu seede den, seede waa mbaageerna a ka, too o and refee na den. Ten taxu yoo xan a sed ɓot.

Esayi 44:11

We na mbaɗooxan fop xan a sed, yaam o kiin soom sexun. Fat a mbokatoor den fop, a ngar, too xan a ndiid soo a sed.

Yeremi 4:9

O Yaal oxe kaa tee: «A koom xan njambaar ne no maad we fo ne no kelfa ke a ɓut, saasadax we a njaaxiɗ, soo duleer we a ndiid.»

Yeremi 22:22

Ɗooɗox we wo fop xan nqeñ ne a maƥ a den, we mbesanoogoonga a ndefik faɗ. Maaga, xan o sed, may fa gaci yaam kañaan of fop.