Yeremi 2:25 - NQAARIIT NE ROOG

²⁵ Wo Isra’el, wootooxi ndik o ñaaƴ a caf a ƥor, wootoox a peep of a weer kaŋ! Kaa koy, kaa o doon ee: ‹Ha’aa, waasaam! Fexaam roog can ke too faw um reef a den.›

Yeremi 2:25 Referans Kwoze

A cangatin ale 32:16

A njumbandta fuux le ten roog can ke, a mbuuxnoortin a pi a cednooxu.

Yeremi 18:12

Kaa koy, kaa layaa yee: ‹Ɗaxee dara! Xan i ñoowtaa naa felitna a in! Oxuu refna na in xan a xox no saƭik xoox o faaxeer um.› »

Yeremi 3:13

Anddilooxi tooñ of rek, jaɓ ee siiknooraa fo o Yaal oxe Roog of. Kaa o siipanoogu muu refna, me no roog can ke, yoora ndaxar nquƥu nuu refna, too nan-gilooxiraamo.› » O Yaal oxe layun.

O leetar ole Pool a bindna GIMU WE NGENNA ROM 8:24

I mucle boo ƈut, ndaa boo ndiik kaa i ndef no yaakaar. Kaa koy ke ga’oona boo ƴut refatee yaakaar. An na moofkaa a yaakaaraa ke ta ga’na boo a ƴut?

A ƭomatax ake 4:4

Ɗelem no nqeq onqe kaa taƥat no faƭanq um yaam a koɗom, xa caaƈ axe a laacaa ñaamel, too o leng cooxiran a den.

Yeremi 14:10

Keeke o Yaal oxe a layu no kaa jofna na xeet feene: «Ii, a coqooyax felu a den, da ƥodax o jaf. Kaa koy, yooniim no keene, mi o Yaal oxe. Wetandooxaam ndiiki tooñ den, too kaam xawaa pakaad den.»

Yeremi 13:22

Maaga, xan o laamtoox ee: ‹Xar taxu kene a dalaam?› Tooñ mayaan ke wo taxu xa lifar axe no ndoki of a nguñtel, soo o yentel.

Esayi 57:10

Ñaaƴaa ñaaƴ boo naag laƈ, ndaa taxee o lay ee: ‹Kaa foosnooxat.› Maadaa maad o jegaa doole rek, ten taxu xijiro.

Esayi 2:6

O Yaal oxe, waasaa xeet of pelek. Kaam ee xaƴaa mbind Yakoob, yaam kaa may fo fo mbaax ne no batand, maɗag ee gañ teen nen saax le no Fiifilista we, soo a ndimaa fo we da mbogteerna xeet.

2 Caloori ke 28:22

Ke o maad Ahas a maad’ina o refaa na naqad fop oo yaqanee ta maad o gore’aƭaraa no Yaal oxe.

A cangatin ale 28:48

xan nu ndagooxaa fañ nuun we o Yaal oxe a ɓisaniidkaa a nuun. Xan nu nqeexel, ngoɗomel, ƥangdel, ñak fop. Xan o Yaal oxe a gadin a nuun kadoor njelem, boo yaa ta moocandkaa a nuun.

YEGIL MBAAX NE YEESU ne Lik a bindtuuna 16:24

Yaa ta ga’uuna, a wuuqa yee: ‹Heey, o taan es Abraham! Ngela yirmaam! Luliidi a Lasaar, ndax ta suup nqol um na foofi, a xuƥandanaam ɗelem es, yaam kaam coono’aa lool no fiɗel lene.›

YEGIL MBAAX NE YEESU ne Lik a bindtuuna 15:22

Kaa koy, faap fee a laya faɗ we ten ee: ‹Ñofyo ƥisiid sabadoor ne moƴna o mos, too ndokanin o ten. Ndokaneenoo o heɗ fo xa ñaaƭ itam.

Hoose 2:3

Layyo fog faap goor we nuun ee: «Nuun ndefu ‹xeet es› », soo jigeen we nuun, nu lay a den ee: «Nuun ndefu ‹we fexuuma›.»

Yeremi 44:17

Ndaa kañ, kaa i mbug o mbadin ke i ndegitna: Xan i ndoxan a Astarte, Lingeer fee na asamaan, cuuraay soo njuuranin, ne i mbi’tuuna, in fo daan in, maad in fo kelfa in, kam teeru ke Yudaa fo no ped ke Yeerusaleem. Maaga, i njeg’a ñaamel boo ta dey, ƭaay boo wee xa kene too i and’ee taamaala.

Yeremi 2:31

Nuun wiin we no suk nene, nan-gilooxyo a paax ke o Yaal oxe a layna: Ndax a koƥ-a-ƥor reeƭum na Isra’el mbaat saax o niɓaan? Xar taxu xeet es a lay ee: ‹In njegu a qoox in, i mbugee o nomtooxiid me wo?›

Yeremi 13:21

Xar o laykaa, yaa we merandoox’oona a inooxankang, ndax da maadooxanong? Ndax xa ƭomel axe ndaawkirang nen xa ƭomel no tew oxaa na gaajooxaa?

Yeremi 22:20

O Yaal oxe kaa tee: «Ŋaayi took xa coong axe Libaŋ too wuuq, wo Yeerusaleem! Jibni o ñuxur of took ñaang le Basan! Falaloorti took xa coong axe Abarim, yaam fop we mbesanoogoonga a nduguñe!

A ƭomatax ake 1:2

Kaa loolaa o yeng ole fop, xa ƭek um a nqaaraa fo xa kooniit. No we mbex’uuna fop, jegee oxaa yaaluuna, qaariit ke ten fop a ngodaan, a ndefat fañ um.

Heseki’el 20:32

Ke nu mboogna jegkee muk, yaa nu layaa yee: ‹Kaa i mbug o nand fo qeet ke fo a qaw ake na saax a lakas ake. Kaa i mbug o mbaɗooxaa a teex fo a ƥil.›

Hoose 2:5

Mbaat toox xam wolin ƭuc, fi’in nen bes faa ta rimeena, nandandin fo a koƥ-a-ƥor ale. Xam fi’in ta refat nen lanq beeru koroŋ, a xonaa fo a koɗom.

Malaki 3:14

Kaa nu layaa yee: «O faɗoox a Roog kasaara yoo. Kaa i ndeefaa bargal ke ten, ñaaƴaa fa naqad mbaambir no Yaal oxe Hupna fop, ndaa jiriiñee a in dara.

2 Caloori ke 28:23

Ye Aa-araam we a nqawna a Ahas, a ɓoxota sadax roog ke Damaas yaam a lay ee: «Feek roog ke no maad we Araam kaa ƈufgiid maad den, xam ɓoxot a den sadax ndax da ƈufgiidaam!» Kaa koy, kaaga a ora no ten njom, a orin na Isra’el fop.

Yeremi 22:21

Lay’aam fa wo yaaga dara jaaxɗandirang, ndaa o doonaam ee: ‹Nan-gilooxkiim.› Keene refu a pesoorooƭ of no kaa xotitna no ndeƥandoong of, yaam nan-gilooxiro o ñuxur es.