Yeremi 2:23 - NQAARIIT NE ROOG

²³ Nam saɗo o layit ee: ‹Xoolaƭarandooxiim, reefiim a ƭat ale Baaliin?› Ɗeeti ne o ñaaƴtaa na yulanq ale! Anddilooxi ke fi’oona. O ga’angaang ee o ngeeleemb o ndew onqaa na ƴufaa o saax oo saax.

Yeremi 2:23 Referans Kwoze

Yeremi 7:31

A maxa a ñaang a sadaxand ake Tofet na yulanq alaa Ben-Hinom, ndax da ndoxaa xa ƥiy xa koor axe fo xa tew axe den nen sadax, ta ref kaa heblit’eeruuma too mos’inum o xalaat sax.»

Xa peƭit axe 30:12

Sabab took no we na nqalaataa yee a nqoola, too ƥogdooxee no nqoolaƭar den.

O leetar ole Pool a bindna GIMU WE NGENNA ROM 3:19

I anda koy ee ke kebil ke a layaa fop, kaa layanin we njaɓna o ndeef kebil ke, ndax o don oluu refna a naag meek, soo adna fop a njaɓ ee baabakaad a ndefu mbaambir Roog.

YEGIL MBAAX NE YEESU ne Lik a bindtuuna 10:29

Kaa koy, o koor oxaaga a bug’a o ɓur, too a laamta a Yeesu yee: «An refu o kend es?»

Yeremi 31:22

Kaa o gapko wirlooxaa boo a mban, o ndoog o nanaƭaru nqe? Yaam o Yaal oxe xe sakaa qas took lanq ke: O tew oxe na waaƭataa o koor oxe.

Yeremi 9:14

Ten taxu o Yaal oxe Roog fee Isra’el Hupna fop a lay ee: «Xam ñaamnoor xeet feene qaaɗu, soo yernoor a den foofi laa jegna ndoxar.

Yeremi 3:2

Deɓi a kid of farna fo xa coong axe naangna halit too ɗeet, ndax a jega teen maa wondoortaandee’oona. Kaa o moofoogu na ƭat ake, cungaa a den, nen o molaan kam a koƥ-a-ƥor, na cungaa kaa ta damna. Xoolaƭarandtaa saax le njaga of fo a pesoorooƭ of a paaxeer.

Xa peƭit axe 30:20

Neeke o tew o seeseeq a fesooraa: kaa ñaamaa, a forit o don ole soo a lay ee: «Fi’iim paaxeer leng.»

Xa peƭit axe 28:13

Oxe na ɗasnaa tooñ um xeniɗkee, oxe na weejlaa pakaad um koy, a fes a den a cinj, xan a waasanel.

A kim a tedu ke 50:21

Keene o mat o fi’aa, soo o bug’u koy um maar o don es! Foogaa foog ee nen a wo nandum? Muk! Xam ɓanjong soo feednong a pi of fop.»

A kim a tedu ke 36:2

Bakaad fee kaa fooƴaa kam ee kam xeeñ le no cofaƭaru xe, too o saɗar a Roog jegee a seek a leng no ñoow um.

Esteer 8:16

Yaawuur we kaa may’u muut fa baneex fo o ɗaay fo o mbelakinax, soo a njeg o niwel.

Yeremi 2:36

Xar o ñofandooxanaa boo suptaa a ƭat of? Xan Misira a sednoorong ne Asuur a sednoorit’oonga.

Yeremi 14:10

Keeke o Yaal oxe a layu no kaa jofna na xeet feene: «Ii, a coqooyax felu a den, da ƥodax o jaf. Kaa koy, yooniim no keene, mi o Yaal oxe. Wetandooxaam ndiiki tooñ den, too kaam xawaa pakaad den.»

Yeremi 16:10

O yegnangaa xeet fene keene fop, xeƈa xan a laamtong ee: ‹Xar taxu o Yaal oxe a maƭoox a in taamaala fa maak feene fop? Xar refu tooñ in fa bakaad in boog i mbakaaditna no Yaal oxe Roog in?›

Hoose 1:2

Keeke refu mberaandoong ne no ke o Yaal oxe a layna a reefandin na Hoose. A laya a Hoose yee: «Reti o dolnir fo a caga, too fat o jaɓ xa ƥiy axe ta jegkaa a ndef xa ƥeef, yaam saax le a mbaasaxam, mi o Yaal oxe, a mbaɗooxaa roog lakas nen o tew o tamooxeer.»