Yeremi 2:20 - NQAARIIT NE ROOG

²⁰ O Yaal oxe kaa tee: «Wo Isra’el, miñaa o ɓol kadoor ke wo, daƈit a cengir ake wo soo lay ee: ‹Dagooxkatiroong!› Kaa koy, took ñaang jiig luu refna fo yoora ndaxar saqtu nuu refna wondoortee maaga nen a caga.

Yeremi 2:20 Referans Kwoze

A cangatin ale 12:2

«Fat nu moocand fo mbiñ ne qeet ke nu ndaxkaa a mbaɗoortoogna roog ke den, ta ref took xa cul axe na xa coong axe, took a ñaang ake fo yoora ndaxar saqtu nuu refna.

A paɗax ale 26:13

Mi refu o Yaal oxe Roog nuun, sutitna a nuun no saax laa no Miimisira we, ndax nu ndefkatee faɗ den. Ɓolaam kadoor ke nuun, fi boo nu njegat a qoox nuun, ñaaƴaa xa cok nuun took.»

Yeremi 17:2

Neene, xa ƥiy den xan a mbetandoox xa sadaxand axe den fo xa taaƴ axe da lupanna a Asera paam taxar saqtu ke, took a ñaang a ciig ake

Hoose 3:3

Layaanum ee: «Xan o moof fa mi a pe a miñu kaa jaga’keeroona, bugirkiro fo o koor o leng, too mi yoo yoonkiim fa wo.»

Yeremi 30:8

O Yaal oxe Hupna fop kaa tee: «No ñaal neene, xam ɓol a kadoor ale meɗna no cok of, wo Yakoob, daƈit a cengir ake wo. Maaga, dagooxkatiro wiin jan we.

Esayi 1:21

Ey! Nga’yo rek, teeru fa ngore’u fee a suptoox a caga! Wargal rek and’e teen, o cofel a gen teen, ndaa ndiiki, ngol no saasaay a refatu.

Nahum 1:13

Ndiiki koy, xam ɓol kadoor ke da ngadinna a nuun, ɗeg a cengir ake nuun.»

Hoose 2:5

Mbaat toox xam wolin ƭuc, fi’in nen bes faa ta rimeena, nandandin fo a koƥ-a-ƥor ale. Xam fi’in ta refat nen lanq beeru koroŋ, a xonaa fo a koɗom.

Heseki’el 23:5

Ohola a jaga’a ke jeg’anuuma fop oo. A yuxum ake na xa pes axe ten a ƥislooxaan, ndefna Aa-asuur we gentand um,

Heseki’el 20:28

Ɗoxaam a den boo no saax le daaɓoox’uuma fo o ɓay es took ee xam ci’in a den. Den o mat, muu da ƈookna ñaang sadaxand mbaat ndaxar niɓu, a ƥoxot maaga sadax den, a mbuuxnoortaam maaga sadax tuufe-duufe ke den, a ƥoxot maaga sadax pelu tuñ ke den soo a njuur maaga biiñ fee den.

Heseki’el 16:41

Xan a ndox pind ke wo, a layoor fa wo na kid no rew mayu. Xam ñuf njaga ne wo, too me ta refna cooxitkatiro ndabid.

Heseki’el 16:31

Ye maxoona mbind njaga’ir no ƭat-sal nuu refna soo fi taalaand no paayo ke fop, reeƭiro sax nen a caga, yaam waaƭiro ndabid.

Heseki’el 16:28

Jaga’aa fo Aa-asuur we, yaam deyƭooxiro. Jaga’aa fa den too taxee o deyƭoox muk.

Esayi 14:25

Xam yaq katil fee Asuur kam saax es, duutin took xa coong axe mi. Kadoor ke ta ir’ina xeet es xan a ndontel, soo a toq ale ta gadin’ina a den a dontel na kand den.

Esayi 10:27

A koom, a toq um xan a fudnel a kand of, soo kadoor um a dontel no cok of. O maad o qas xan a ɓol kadoor ke.

Esayi 9:4

O ñaaƭ o xire’te luu na dakaa no lanq ke fo ndikoorik nuu taƥna fo’oy, xan a ndeɓel kam ƈulfaan, ndax da ndoxel boo riw.

A kim a tedu ke 78:58

A mbuuxnoortaan a ñaang a sadaxand ake den, a njumbandit naal um xa taaƴ axe da mbaɗooxoogna.

1 Maad we 12:32

Yerobowam a dalna ndoofeen naa na roofandeel no ñaal xarɓaxay fo ñaal ƥetkandeer ne no nqool o ɓetuu ndadkandeer onqe, ndoofeen naa nandna fo ne na jegaa kam Yudaa, soo ten fa xoox um, ta ɓoxot sadax ke took o sadaxand ole. Keeke refu ke ta fi’na Betel, ye ta ɓoxotna xa qeel axe ta fi’in’ina sadax soo a dalin saasadax kam Betel na ñaang a sadaxand ake ta fi’na.

1 Sami’el 12:10

A ƥaata o ƈufginoox o Yaal oxe too a layin ee: ‹I mbakaada, yaam kaa i nqaƴong soo mbaɗooxaa a Baaliin, Astarteyiin. Ndiiki koy, mucli a in na xa ƥay no fañ in, too yaaga xan i mbaɗooxong.›

Yosuwe 24:26

A binda a den no safe le no kebil ke Roog. Cinj kaaga, a xota ɓil maak, a sipin ɗuga ngariñ naa reeƭna no Mbind tedu ne no Yaal oxe,

Yosuwe 24:24

Xeet fee a ndoonaan ee: «O Yaal oxe Roog in doŋ i mbaɗooxkaa, nan-giloox o ñuxur um.»

Yosuwe 1:16

A ndoona a Yosuwe yee: «Xan i mbi ke hebloona a in fop, too xan i ndet muu luloona a in.

A cangatin ale 26:17

Xaye nu mbeedna yee o Yaal oxe refu Roog nuun, too xan nu ñaaƴ na ƭat um, ndeef ke ta dalinna fo kebil ke ten fo bargal ke ten soo nanan o ñuxur um.

A cangatin ale 15:15

Wetandooxi yee reeƭaa o paɗ kam saax laa Misira, too o Yaal oxe Roog of a watong. Ten taxu um cooxong kebil neene xaye.

A cangatin ale 5:27

Wo na matikkaa boog, o nan-giloox ke o Yaal oxe Roog in a laykaa, cinj kaaga o daawin a in fop ke ta laykang. Maaga, xan i nan-gilooxin soo mbi’in.›

A cangatin ale 4:34

Ndax a jega a roog fa lakas faa mosna o jeem o suqit a xeet fa leng a ndeer xeet fa lakas, ne o Yaal oxe Roog nuun a fi’antuuna a nuun? Nu nga’ooda ne o Yaal oxe a sutitna a nuun Misira fo o ɓay um o jegu doole fo a naax um ale letnooxna na pexey a pi a saɗarnooxu kene: ƭeetlax fo xa anddiloor fo comlaand fa xire.

A cangatin ale 4:20

Nuun o mat, o Yaal oxe kaa dam a nuun o ɓay, a sutit a nuun Misira, o saasnand njelem oleene, ndax nu ndef xeet faa ta jegoodna, ne nu ndeftuuna xaye.

A sutax ale 24:3

Moyiis a yegniida Ii-isra’el we fop ke o Yaal oxe a lay’uuna too a hebil’un o ten. Den fop a njaaɓandoora yee: «Xan i mbi fop ke o Yaal oxe a layna.»

A sutax ale 19:8

Xeet faa fop naa da mbodeena a ndoona yee: «Xan i mbi fop ke o Yaal oxe a layna.» Moyiis a wetandooka o Yaal oxe ke xeet faa a ndoon’ina.

A sutax ale 3:8

Kaam fudooxiid, ndax um wat a den na xa ƥay axe no Miimisira we, sut a den no saax leeke, ɓis a den no saax faax yaaju laa fo sis fo suum a ndaxritaa, me Kaakanaan we fo Heeheet we fo Aa-amori we fo Peeperisi we fo Hiihiwi we fo Yeeyebus we a ngenna.

Mbeeñil 17:1

Cinj kaaga, fa leng no malaaka ɓetuu ƭik kaa saq’ina fo mbeeƭ ɓetuu ƭik naa a gara a layaam ee: «Gari too xam lalong ne a caga maak ale a hate’itkeel, o ten oxe na moofaa paam poofi maak ke.

1 Maad we 14:23

Den itam a maxana a qoox den a ñaang a sadaxand fo a ƥil a sexe fo xa taaƴ xa lupe xe Asera took ñaang jiig luu refna fo yoora ndaxar saqtu nuu refna.

A kim a tedu ke 107:14

A suqta a den no niɓaan ole fo na pelyook fa nqon fee, a daƈit a ceng ake den.

Yeremi 2:31

Nuun wiin we no suk nene, nan-gilooxyo a paax ke o Yaal oxe a layna: Ndax a koƥ-a-ƥor reeƭum na Isra’el mbaat saax o niɓaan? Xar taxu xeet es a lay ee: ‹In njegu a qoox in, i mbugee o nomtooxiid me wo?›

Yeremi 3:13

Anddilooxi tooñ of rek, jaɓ ee siiknooraa fo o Yaal oxe Roog of. Kaa o siipanoogu muu refna, me no roog can ke, yoora ndaxar nquƥu nuu refna, too nan-gilooxiraamo.› » O Yaal oxe layun.

Yeremi 5:5

Xam xot boog farna fo wiin maak we, lay fa den, yaam den o mat a anda a ƭat no Yaal oxe, ke Roog den a simitna.» Kaa koy, den itam, a ƥola kadoor ke, a ƭeg a cengir ake.

Yeremi 13:27

Ga’aam ceeq ke wo fo woƈok-woƈok of, njaga sednooxu ne wo, nitaal roog cakalaaru ke wo took a ñaang ake na koƥ ale. Sabab took of, wo Yeerusaleem! Kaa o refkaa no nqoolaƭar boo a mban?»

Hoose 4:13

Kaa sadaxtaa took xa cul axe na xa coong axe, a ndoxaa cuuraay took a ñaang ake, ɗuga ngariñ, poopilye fo mbudaay, yook den a ƥuuɓna yem. Ten taxu xa ƥiy xa tew axe nuun xan a njaga’ik, rew we na xa ƥiy nuun a seeqaa.

Haahate we 2:11

Maaga, Ii-isra’el we a mbi’a kaa faaxeerna na kid no Yaal oxe, a mbaɗooxaa a Baaliin.

Haahate we 2:13

A mbaasa o Yaal oxe soo a mbaɗooxaa a Baal fa Astarteyiin.

Haahate we 10:6

Ii-isra’el we a mbi’ahina kaa faaxeerna na kid no Yaal oxe: Kaa mbaɗooxoogu a Baaliin, Astarteyiin fo roog ke no Aa-araam we, ke no Siisidoŋ we, ke no Moomowaab we, ke no Aa-amon we fo ke no Fiifilista we. A mbaasa o Yaal oxe, a mbañatin o ndagoox.

A kim a tedu ke 2:3

Kaa da layaa yee: «Fat i ƭeg ngiɓoor ne da seraa a in, mbatin a ceng ake da ndoonna a in.»

Hoose 1:2

Keeke refu mberaandoong ne no ke o Yaal oxe a layna a reefandin na Hoose. A laya a Hoose yee: «Reti o dolnir fo a caga, too fat o jaɓ xa ƥiy axe ta jegkaa a ndef xa ƥeef, yaam saax le a mbaasaxam, mi o Yaal oxe, a mbaɗooxaa roog lakas nen o tew o tamooxeer.»

Hoose 9:1

«Isra’el, ba o felakinoox, ba o ref no ɗaay nen qeet lakas ke, yaam kaa o waas a Roog of, jaga’aa soo fex ndabid nqooleer no cukand bele ke fop.