Yeremi 2:19 - NQAARIIT NE ROOG

¹⁹ Kañaan of xan a garit a qaw of, soo ngore’aƭar of a ɓisiid o yarel of. Neene, xan o and ne o waas o Yaal oxe Roog of, fañaam o saɗar, a faaxaƭaritna soo a feƭar.» O Yaal oxe na refkaa boo faw Hupna fop layun.

Yeremi 2:19 Referans Kwoze

Esayi 3:9

A tagid den na laltaa jiko fa mbaaxeer den. Kaa lambnaa bakaad den nen wiin we Sodoom too ƭasnee teen dara. Ndaw naqad took den, yaam kaa oranaa a qoox den o njakad.

Yeremi 4:18

A pesoorooƭ of fo a pi of ngaru fo ke daloonga, wo Yeerusaleem. Kaa ref o rim ole no kañaan of. A woora yee kaa xaaɗ xut, too a roka boo kam xeeñ of.»

Yeremi 2:17

Ndax keene dalirang, yaam ne waasoona o Yaal oxe Roog of, ye ta ɗoxang a ɗox na ƭat ale sax oo?

A kim a tedu ke 36:1

O yaal a ƭat ale no jeejeek we a xoolne yee a kim alene kaa fog na ke Dawid fee o tag no Yaal oxe.

Hoose 5:5

O nga’atinax onqe Isra’el na seede’anan, Efrayim xan a tolof yaam tooñ um, Yudaa itam a tolof fo ten.

Amos 8:10

A koom, xan toofeen nuun a suptel njaañ, a kim baneex nuun a ndef xa paɗax, oxuu refna a deroox o saaku, fop a nduusoox a ƥula yaam naqad. Kaam ee, a koom saax le a mbi nen kaa mbind oo mbind a nqoniɗ o dimbaane, fop a muukoor nen ñaal o njombe.

Hoose 11:7

Xeet es kaa nqar no mbesaam a cinj. Kaa nqoyel me na mi fee Took-ee-took, ndaa o leng na den inooxee.»

Yeremi 5:6

Ten taxu xan njogoy a suqtoor no suungaan le, a song a den, a teeteem ale no tan ole a fand a den, o ƴaxal ole a ɓeedaa paam teeru ke den soo a listaa fop we na sutooraa teen, yaam siiknoor ke den kaa moƴaa moƴ o may, too ngore’aƭar den o leng andee ne ta fodna.

O leetar ole Pool a bindna GIMU WE NGENNA ROM 3:18

too saɗar a Roog jegee a seek a leng no ñoow den.»

Sakari 7:11

Kaa koy, a mbaña o nan-giloox, a nquun soo a sux nof den, ndax nankee.

Hoose 14:1

We ngenna Samari xan a nqawel, yaam kaa siiknoor fa Roog den. Xan a nqonit na xire, xa teɓandoong xa tutuuñ axe den a nduguñel, rew we den ndefna xa pud a nqiirel.»

Yeremi 8:5

Xar taxu xeet fene na Yeerusaleem a ƭap a ƭat ale, a moƴ o mudaa no ngore’aƭar? Kaa da saaƭoox no naanaxir, a mbañ o nomtooxiid me mi.

Hoose 4:16

Feek Isra’el kaa ɓoow boo nen naak faafañ, o Yaal oxe xaƴkiran ta jeg a xoox um nen mbaal kam xa suufand xa yaaju.

Yeremi 5:22

Ndax kaa nu saɗarkiraam? Mi o Yaal oxe layun. Ndax nu sendkee mbaambir es? Mi fiisanu o maag ole me ta warna o day, o hakand olaa ta jolkeerna boo muk! A yag-ee-yag ake ten kaa njiqtooxaa, ndaa mbaagiran o ƈaktoox, a ndititaa, ndaa mbaagiran o njol.

Yeremi 3:22

Nomtooxiidyo me mi, nuun xa ƥiy xa kore’aƭaru xe, too xam wodand a nuun no ngore’aƭar nuun.» Xeet fee a doona yee: «In wey ngaraa me wo, yaam wo refu o Yaal oxe Roog in.

Esayi 50:1

O Yaal oxe kaa tee: «Taa a kayit a pinde le lalitna yee waasaam a ya nuun mbaat an jikooxum a nuun nen faɗ, ndax um rabditin o lad es? Nu njikooxange, paaxeer ke nu mbi’na taxun. Ya nuun a raxange, pakaad nuun taxun.

Esayi 5:5

Ndiiki koy, xam lay a nuun deŋ ne um fi’kaa a ƭing ale mi: Xam bayit o ɗiiɗing ole, ndax ta fiitnel, maaf ɓit le, ndax ta duutel.

Xa peƭit axe 5:22

Njofaƭar ne no soxodu xe kaa damnooran, a cengir ake no pakaad ke ten a naangin nuus.

Xa peƭit axe 1:31

Xan nu mbuq o gaf ole na pesoorooƭ nuun, naang tem fa luq-luq nuun.

Xa peƭit axe 1:32

O fañ o jeg-yiif ole na warkaa oxe raƥna yiif, o ñak a qalaat a saŋik a fanxoy fee.

Yeremi 5:24

Layee taa kam den ee: ‹Fat i saɗar o Yaal oxe Roog in, ten oxe na ci’taa a teƥ na waxtu um, ta ref na sarandam fo no seek o deɓ, soo a kesan a in a pe ake na saxad ale.›

Heseki’el 39:24

Rabdaam a den nqoolaƭar den fo pakaad den. Neene, ɗasnaam a den mukit es.

Hoose 7:2

Layee taa kam den ee wetandooxaam kañaan den. Ndiiki koy, a pi den kaa mbid a den, a ndef mbaambir es.

Hoose 13:9

Wo Isra’el, ke na saŋkang refu yee kaa o siiknoor fa mi, siiknoor fo xe waag’oonga o ƴufig.

Mise 1:5

Keene fop koy, tooñ ne Yakoob gartun, pakaad ke no mbind Isra’el! An ɓeku a Yakoob no tooñ neene? Mee ndax Samari yoo! An garu fo a ñaang a sadaxand ake Yudaa? Mee ndax Yeerusaleem oo!

A sutax ale 33:6

Yaa Ii-isra’el we a nanna kaaga, a mbola kelax ke da ndokoox’ina. No kaa xotitna no joong olaa Horeb ndokoox’atee kelax leng.

Haahate we 10:13

Nuun o mat, kaa nu mbaasaam soo mbaɗooxaa roog lakas. Ten taxu watkatiim a nuun.

1 Maad we 18:18

Eliya a doonaan ee: «Gartiim taamaala fa leng took xeet fee Isra’el, ndaa kañ wo fo mbind faap of o mat oo, yaam kaa nu mbañ o ngay kebil ke no Yaal oxe soo mbaɗooxaa a Baaliin nu mbi’na roog.

2 Caloori ke 12:5

Ye Siisak a matiidaa, o tuleer Semaya a soƥiida a Rehabewam fo maak we Yudaa mbokatoor’ina kam Yeerusaleem, a lay a den ee: «O Yaal oxe kaa tee: Feek kaa nu ndeɓaam, mi itam oo xam deɓ a nuun na xa ƥay Siisak.»

2 Caloori ke 21:10

No kaa xotitna na waxtu faaga, Ee-edoom we a njegata a qoox den na Yudaa boo xaye. Na jamaane fa leng kut faaga, teeru fee Libna a jegata a xoox um itam na Yudaa, yaam Yehoram kaa fañ’u o nanan o Yaal oxe Roog fee no daan um.

2 Caloori ke 25:16

Ye ta maadna o layaa, Amatsiya a doonaan ee: «Ndax kaa o dodel o aa-as no maad oxe? Naagi cuxus o bugangee um warong.» O tuleer oxaa a layaan ee: «Andaam ee Roog kaa heboox o saŋkong, yaam fi’aa keene, doon teen fañ o nan-giloox o as es.»

Yeremi 1:16

Neene, xam fadin kate es took no we ngenna no saax le yaam paaxeer ke da mbi’na fop: kaa mbaasaam pelek, a ƥoxot cuuraay roog lakas, a ngungaa mbaambir ke xa ƥay den a njalna.

Yeremi 7:19

Kaa koy, mi o Yaal oxe kaam laamtaa: Ndax mi a mbuuxnooraa? A qoox den kañ a mbi’aa, too gaci den a qicaa.»

Yeremi 13:22

Maaga, xan o laamtoox ee: ‹Xar taxu kene a dalaam?› Tooñ mayaan ke wo taxu xa lifar axe no ndoki of a nguñtel, soo o yentel.

Heseki’el 23:30

na ngarkaa fo keene yaam kaa o jaga fo qeet keene, soo xoolaƭarandoorit nitaal pangool ke den.

Hoose 9:1

«Isra’el, ba o felakinoox, ba o ref no ɗaay nen qeet lakas ke, yaam kaa o waas a Roog of, jaga’aa soo fex ndabid nqooleer no cukand bele ke fop.