Yeremi 2:17 - NQAARIIT NE ROOG

¹⁷ Ndax keene dalirang, yaam ne waasoona o Yaal oxe Roog of, ye ta ɗoxang a ɗox na ƭat ale sax oo?

Yeremi 2:17 Referans Kwoze

Yeremi 4:18

A pesoorooƭ of fo a pi of ngaru fo ke daloonga, wo Yeerusaleem. Kaa ref o rim ole no kañaan of. A woora yee kaa xaaɗ xut, too a roka boo kam xeeñ of.»

Yeremi 2:19

Kañaan of xan a garit a qaw of, soo ngore’aƭar of a ɓisiid o yarel of. Neene, xan o and ne o waas o Yaal oxe Roog of, fañaam o saɗar, a faaxaƭaritna soo a feƭar.» O Yaal oxe na refkaa boo faw Hupna fop layun.

Yeremi 2:13

Xeet es a tooña a caf a ƭak: a mbaasaxam, mi fee refna a cur foofi fo ñoow ole, ndax da maxan a qoox den pand, pand kaa mbeɗidna boo mbaagee o ngarin foofi.»

Hoose 13:9

Wo Isra’el, ke na saŋkang refu yee kaa o siiknoor fa mi, siiknoor fo xe waag’oonga o ƴufig.

A kim a tedu ke 107:7

A xotnoora a den a ƭat a cagu, da ndokik na teeru faa geneena.

A kim a tedu ke 77:20

Fi’aa a qal kam o maag ole, sex a ƭat no qooƭ ke no poofi ke, too o leng ga’ee o jaf of.

Esayi 1:4

Ndaw naqad took saax baabakaad le, xeet fee sufooxna tooñ ƥor, o fog ole no fiifi paaxeer, xa teɓandoong xa kalakooxu xe nu ndefna. Kaa nu ndeɓ o Yaal oxe, nqeef o Tedu xe Isra’el soo mbesin a cinj.

A kim a tedu ke 136:16

ten oxe ɗoxna xeet um kam a koƥ-a-ƥor ale, yaam o mbeq um xan a maadaa boo faw,

Ke bindeena no xe ne’eena YOB 4:8

Mi koy, ga’aam ee: We na nduufaa njofaƭar, a nqooxaa paaxeer, xa tim den a saxadaa.

1 Caloori ke 28:9

Wo Salomo fee o ƥees koy, andi a Roog fee na faap of too dagoortin xeeñ letu fo yiif jagandooxu, yaam o Yaal oxe kaa ɓaalaa a qeeñ ake fop, soo a jaqtaa a qalaat ake fop. O waaƭangaan, xan a ga’nooxong, ndaa o xaƴangaan xan a deɓong boo kili.

A cangatin ale 32:19

Ye o Yaal oxe a ga’uuna, a fuuxa soo a deɓ xa ƥiy xa koor axe fo xa tew axe ten.

A cangatin ale 32:10

O Yaal oxe kaa soƥ a den na koƥ-a-ƥor alaa naagna hundang, a ndeer xa paa’uund xa saɗarnooxu xe. A gisa a den, a topatoox a den, a gay a den nen jooƴ a ngid um.

A lim ale 32:23

Kaa koy, nu mbi’angee neene, xan nu mbakaad no Yaal oxe, too xan nu nga’in, fat nu andin a paax.

Yeremi 5:25

Tooñ ke nuun o mat nootu keene fop, pakaad ke nuun a nqañ a nuun paax keene.

Yeremi 13:22

Maaga, xan o laamtoox ee: ‹Xar taxu kene a dalaam?› Tooñ mayaan ke wo taxu xa lifar axe no ndoki of a nguñtel, soo o yentel.

Yeremi 19:4

Yaam we Yudaa a mbaasaxam. A maasanda o mbiñ onqene, a ƥoxot teen cuuraay roog can kaa andoona yee den fa qoox den, daan den fo maad we Yudaa and’ee a den, too a mayƭandta o mbiñ onqene fo’oy no caambuur.

Yeremi 44:3

Keene a xewa, yaam we ngen’ina teen a mbi paaxeer, ndax da mbuuxnooraam. A ndoxana roog can ke cuuraay soo a mbaɗoox a den, ke da and’eerna a den fop oo, ta ref den mbaat nuun mbaat daan nuun.

Heseki’el 39:24

Rabdaam a den nqoolaƭar den fo pakaad den. Neene, ɗasnaam a den mukit es.

2 Caloori ke 15:2

A inooxa a soƥik a Aasa, a layin ee: «O maad Aasa fo nuun Yuuyudaa we fo Beebensame we, nan-gilooxaamoo! O Yaal oxe xey fa nuun yaa nu ndefna fo ten. Nu mbaaƭangaan, xan a ga’noox a nuun. Kaa koy, nu mbaasangaan, xan a waas a nuun itam.

Ke bindeena no xe ne’eena YOB 34:27

yaam ne da mbesuuna a cinj, a mbañ o ndeef ke ta dalnanna a den fop.

Xa peƭit axe 15:10

Fa yar tigi kaa xufaa oxe ɗapna a ƭat, oxe sibna o soqanqol o mat xan a xon.

Esayi 59:13

O Yaal oxe, kaa i nanaƭaranong, nqañong soo mbañong o ndeef, wo Roog in. Ñagadil rek i laytaa mbaat naa i siiknooritna. Ke refna na qeeñ in fo ke i njegna na yiif in xa maaƥ xa ƥor oo.

Mise 1:5

Keene fop koy, tooñ ne Yakoob gartun, pakaad ke no mbind Isra’el! An ɓeku a Yakoob no tooñ neene? Mee ndax Samari yoo! An garu fo a ñaang a sadaxand ake Yudaa? Mee ndax Yeerusaleem oo!