Yeremi 2:16 - NQAARIIT NE ROOG

¹⁶ Wiin we Memfiis sax fo we Tapanes kaa ƥuuraa ƭuf of.

Yeremi 2:16 Referans Kwoze

Yeremi 46:14

«Yegniteenoo Misira, nannooreenoo Migdol, nannooreenoo Memfiis fa Tapanes! Layyo yee: ‹Ngeenooxyo, njagandoox!› Yaam laƥ ne a raadna gentand nuun boo a ƴut.

Yeremi 44:1

Keeke refu fa lay fee no Yaal oxe daawneena a Yeremi, ta jagin no Yuuyudaa we fop ndal’ina no saax le Misira too a ngenoogu na teeru fee Migdol, fee Tapanes fa fee Memfiis fo no jegel ole Patros garitna no ɓemb-roog o ñamaak:

Esayi 19:13

Kelfa ke Cowaan kaa ƥodax, ke Memfiis a ndef na xa andand. Aa-adax we na carind ake Misira kaa mo’andan.

A cangatin ale 33:20

Keeke a layu na carind ale Gaad: «Oxe na ci’kaa a Gaad o fiisel o yaaju a hela o simatel. Gaad kaa wondoox nen njogoy ƥasil, a jofnoox no lisit a naax ale fo xoox le.

Heseki’el 30:16

Xam heƥand fiɗel kam Misira, Siin a diid boo a sendaa. Teeb xan a sexel xa kur, fañ we a njaɓ a Memfiis njoloor o mbuc.

Heseki’el 30:13

Keeke layum, mi o Yaal oxe na refkaa boo faw: Xam yaq pic nitaal pangool ke, suud kam Memfiis roog tefee ndigil ke. Jegkatee o kelwaar kam saax le Misira, too xam dalin teen diid le.

Yeremi 46:19

Nuun we ngenna Misira, mbofyo xa koroŋ nuun, xan nu ƥisel took o hup doole! Teeru fee Memfiis xan a wootat, a raaɓel, too o leng genkatee teen.

Esayi 8:8

Xan a fadik Yudaa, a fi o jaɓ, a maƥ fop. Xan a gar o kiin no cok, too poofi ke ten xan a ƭaayoox boo a muur saax le wo fop, wo Imanu’el.»

2 Maad we 23:33

Maat um a faga, ye Neko fee refna Firawon fee a jenguuna kam Ribla no saax laa Hamat. Neko a sepa saax le Yudaa a bateer ngap parig qarɓeen tadik fo parig nahik xaaliis fa nqoolu fo ngap kilo qarɓeen tadik fo kilo nahik wurus.

2 Maad we 18:21

Andaam ee yaakaariro dara a refangeerna Misira, jaj ɓolooxu leene na dibaa boo a yul o ɓay no xuu damlooxna teen. Neene mat Firawon fee o maad Misira a nandu no fop we ngoolooxuuna.

Yeremi 48:45

Ƴuuƴuf we njegateerna o njembe a ngeenooxa no yook ne Hesebon. Kaa koy, fiɗel a biltoora Hesebon, aal a feeñit no mbind no maad ne Siihon. A raaɓa xa lak axe Mowaab fo ƭuf no wiin balu-balu we.

Hoose 9:6

Yaa nu sutooxkaa saax le nuun raadna, Misira xan a dalin a nuun, soo poy ke Memfiis a ñaam a nuun. Kiƈ ke xan a njaɓ kalal xaaliis fa nqoolu ke nuun, soo qooc ke a sulit kam ƭiif ke nuun.

Esayi 59:13

O Yaal oxe, kaa i nanaƭaranong, nqañong soo mbañong o ndeef, wo Roog in. Ñagadil rek i laytaa mbaat naa i siiknooritna. Ke refna na qeeñ in fo ke i njegna na yiif in xa maaƥ xa ƥor oo.