Yeremi 2:13 - NQAARIIT NE ROOG

¹³ Xeet es a tooña a caf a ƭak: a mbaasaxam, mi fee refna a cur foofi fo ñoow ole, ndax da maxan a qoox den pand, pand kaa mbeɗidna boo mbaagee o ngarin foofi.»

Yeremi 2:13 Referans Kwoze

YEGIL MBAAX NE YEESU ne Saŋ a bindtuuna 4:14

Kaa koy, oxe na yerkaa foofi le um cooxkan, hoɗomkataand boo muk. Foofi leene um cooxkan xan a fi kam um a mbeel alaa a cur ake a nqawraa, a cooxin itam o ñoow o fagkeer ole.»

YEGIL MBAAX NE YEESU ne Saŋ a bindtuuna 7:37

Na bes fa mbalakaand faa, refna ref bes faa moƴna o magin na xew faa, Yeesu a inooxa a geenoox, a lay a maak ee: «Oxuu hoɗomeena, fat a gar a yer me mi!

Yeremi 17:13

O Yaal oxe, wo refu yaakaar Isra’el! Fop we na mbaasang xan a sed, we mbesoonga a cinj xan a sooƴ nen a kon akaa mbindeena a lanq, yaam kaa mbaasong, wo o Yaal oxe, a cur foofi fo ñoow ole.

Mbeeñil 21:6

Naaga, a doona teen ee: «Fop a fadnooxa! Mi refu Alfa fa Omega, mberaandoong ne fo muukandoong ne. Oxuu hoɗomeena, xam ci’in no fud o letu ta yer na cur foofi le na ñoownaa.

A kim a tedu ke 36:9

Kaa o giñnoortaa a den ñaamel pagkatar ke no mbind of, yernaa a den no pelel ole no xuluɓ of.

Mbeeñil 22:1

Naaga, malaaka fee a lalaxam o xuluɓ ole no foofi le na ñoownaa. Kaa mir-mirnoogna nen galam fo jem a sutoorooga no gamb no maad le, Roog fo o Mbaal onqe a njegna,

Esayi 55:2

Xar a ɗaxu nu ñakaa xaaliis no kaa naangeerna o ñoownaa, nqijaa no ke waageerna o giñ a nuun? Nan-gilooxaamoo boog, too yaaga xan nu ñaam ke faaxna, sawar yaam ñaamel pelu.

Mbeeñil 22:17

Yiif le Roog fo o Kulook oxe kaa layaa yee: «Gari!» Oxuu nanna kene fat a lay itam ee: «Gari!» Oxuu hoɗomeena fat a gar, a yer. Oxuu bugna foofi le na ñoownaa, fat a jangin! Ci’it oo!

Yeremi 4:22

O Yaal oxe kaa tee: «Xeet es kaa ƥodax, andiraam. Xa ƥiy xa ƭof a ndefu, axaa njegeerna yiif. Kaa mbaane no fi paaxeer, ndaa mbaagee o mbi paax.»

Yeremi 2:11

Ndax a jega xeet faa na sofaa roog den, ke da ndefeerna ndef roog fop oo? Xeet es o mat a softaxam xa koɓong xa ƥor, mi fee o ndam um.

2 Piyeer 2:17

Wiin weene kaa ndef nen xa quluɓ axaa njegeerna foofi. Kaa ndef itam nen a eel akaa nqeñ ne yetnaa. Roog koy, kaa geekan a den ɓaal-ee-ɓaal le no niɓaan ole.

Yeremi 2:17

Ndax keene dalirang, yaam ne waasoona o Yaal oxe Roog of, ye ta ɗoxang a ɗox na ƭat ale sax oo?

Yeremi 1:16

Neene, xam fadin kate es took no we ngenna no saax le yaam paaxeer ke da mbi’na fop: kaa mbaasaam pelek, a ƥoxot cuuraay roog lakas, a ngungaa mbaambir ke xa ƥay den a njalna.

O baawaare xe 2:26

Roog kaa ci’aa oxe feluuna o jeg-yiif, o and fo o ɗaay, o paabakaad oxe mat, ta riñan no gisaatooxanaa, a kolkandanaa oxe felna a Roog. Keene kasaara a refahinu fo a ƥaaƈ a ƥor.

Yeremi 15:6

Waasaxamo, fesaam a cinj. Mi yoo yoɗanaaxoong o ɓay es, yaqong pic. Deyƭooxaam sik na ticax.

Esayi 63:8

Kaa lay’u yee: «No ndigil den ndefu xeet es, kaa ndef na mi xa ƥiy axaa ngodkeeraxama.» Ten oo a reeƭata o Muumucil den.

Esayi 5:13

Ten taxu, xeet es yegkee yeg boo a sutel saax le. Wiin maak we ten xan a nqon fo nqeex, soo a koɗom a mbaraa lakas we fop.

Esayi 1:3

Nqoox a anda o yaal um, too o faam a anda me o yaal um a yipanan ñaamel, ndaa Isra’el o mat andee dara, xeet es njegee yiif.»

O baawaare xe 2:11

Cinj kaaga, xalaataam a paax ke xa ƥay es a njalna fop fa coono fee gomuuma ndax um fadin a den, soo um ga ee fop kasaara yoo fo a ƥaaƈ a ƥor. Dara teen ɗaxee tus took lanq ke.

O baawaare xe 1:2

Kasaara fee no kasaara ke! O Baawaare xe kaa tee: Kasaara fee no kasaara ke, fop kasaara yoo!

1 Sami’el 12:10

A ƥaata o ƈufginoox o Yaal oxe too a layin ee: ‹I mbakaada, yaam kaa i nqaƴong soo mbaɗooxaa a Baaliin, Astarteyiin. Ndiiki koy, mucli a in na xa ƥay no fañ in, too yaaga xan i mbaɗooxong.›

Yeremi 5:31

Duleer we kaa yegnitaa xa maaƥ xa ƥor, saasadax we a ƈufanaa ke faaxna na den soom, soo xeet es a yoon no keene. Ndi xar nu mbi’kaa, yaa keene a faafkaa?»

O baawaare xe 4:4

Ga’aam ee ŋus-ŋus fuu refna fo calel ñaaƴu kuu ndefna ciis rek garu fo ten. Keene kaa refahin kasaara fo a ƥaaƈ a ƥor.

Yeremi 2:26

Ne o kuuɗ oxaa beteena a sedtaa, neene we na xeet fee Isra’el a seditkaa, den fo maad den, kelfa den, saasadax den fo duleer den.

O baawaare xe 2:21

O kiin oxaay a ŋus-ŋusna fo o and fo o jeg-yiif fo ngoora boo a ƴut, soo ke ta jalna a ɓoxotel oxaa xijeerna teen dara. Keene kasaara a refahinu fo cageer.

O baawaare xe 1:14

Ga’aam fop ke na fi’eel took lanq ke. Yaag oo toox de fop kasaara yoo fo a ƥaaƈ a ƥor.

Haahate we 10:13

Nuun o mat, kaa nu mbaasaam soo mbaɗooxaa roog lakas. Ten taxu watkatiim a nuun.

Mise 6:3

O Yaal oxe kaa tee: «Wo xeet es, xar fi’oong? Na xar xijlandtoong? Doonaam!

Mise 2:8

Kaa koy, o Yaal oxe a doona a nuun ee: «Kaa nu mbañraa fa xeet es, mbolaa sabadoor no xe refna no yaadax xalaateerna o ñoxorel muk.

Yeremi 18:14

Ndax nu mosa o nga nees fee a wat na ƥil a koƭu took ake Libaŋ? Ndax nu mosa o nga poofi ke na inoortiidaa koƭu, a ƥuuɓ yem, a nqayaa, da ŋiisaa? Ha’aa.

Yeremi 5:26

A jega kam xeet es wiin soxodu. Kaa nandtaa foofog waa ngooknooxna a ƥeng. Kaa ƭaap pog, ndax da ndam wiin we.

O baawaare xe 12:8

Kasaara fee no kasaara ke! O Baawaare xe kaa tee: Fop kasaara yoo!

YEGIL MBAAX NE YEESU ne Saŋ a bindtuuna 4:10

Yeesu a doonaan ee: «O and’angaa ci’it Roog, and itam oxe layoonga yee ‹Ci’aam um yer›, xeɗkoogaano wo fa xoox of, too yaaga a ci’koogaang foofi fo ñoow.»

YEGIL MBAAX NE YEESU ne Saŋ a bindtuuna 4:11

O tew oxe a layaan ee: «E, yaal mbind! Jegiro ƈeewir leng, a ngas ale a xooɗit nene, mam o jegitkaa foofi fo ñoow koy?

A cangatin ale 31:16

O Yaal oxe a laya a Moyiis ee: «Ndiiki, xan o dab daan of, too xan xeet feeke a inoox, a ngore’aƭar na mi, a ƭeg ngiɓoor es fa den. Xan a mbaasaam, a mbaɗooxaa roog lakas ke kam saax le da ndokkaa.

Esayi 12:3

Xan nu ƈeewaa fo o ɗaay na cur ake na muc ale,

Yeremi 14:3

Wiin maak we a lula fo mboƭomsogor ne, da mbaaƭik foofi. Ye weene a mbadiidna no pand ke, soƥee teen foofi soo a nomtooxiid fo qaw ƥor, a may fo gaci, a sed, a muuroox.

Yeremi 19:4

Yaam we Yudaa a mbaasaxam. A maasanda o mbiñ onqene, a ƥoxot teen cuuraay roog can kaa andoona yee den fa qoox den, daan den fo maad we Yudaa and’ee a den, too a mayƭandta o mbiñ onqene fo’oy no caambuur.

Heseki’el 47:1

O koor oxe a ɓisaxam farna fo ndokand ne no Mbind Roog ne. Maaga, ga’aam foofi laa sutoortoogna ɗuga peg ne no Mbind Roog ne, a sagaa no batand, yaam mbaambrand ne no Mbind Roog ne kaa faambir’u no batand. Foofi le kaa fudooxoogu ɗuga o saax o ñamaak ole no Mbind ne, a reef no ɓemb-roog o ñamaak ole no sadaxand ole.

Sakari 13:1

«A koom xan a cur foofi laa na ɓogdaa bakaad fo nqoolaƭar a suqtanel mbind Dawid fo we ngenna Yeerusaleem.»

2 Maad we 22:17

Feek kaa mbaasaam pelek, a ƥoxotaa cuuraay roog lakas ke, a mbuuxnoortaam a pi den fop, ten taxu fuux le mi a biltooxan o mbiñ onqene too ɓooskee.›

Esayi 1:4

Ndaw naqad took saax baabakaad le, xeet fee sufooxna tooñ ƥor, o fog ole no fiifi paaxeer, xa teɓandoong xa kalakooxu xe nu ndefna. Kaa nu ndeɓ o Yaal oxe, nqeef o Tedu xe Isra’el soo mbesin a cinj.

Heseki’el 14:5

Neene, xam duq mbind Isra’el no xeeñ, den we mbesaxama a cinj yaam pangool ke den.