Yeremi 2:11 - NQAARIIT NE ROOG

¹¹ Ndax a jega xeet faa na sofaa roog den, ke da ndefeerna ndef roog fop oo? Xeet es o mat a softaxam xa koɓong xa ƥor, mi fee o ndam um.

Yeremi 2:11 Referans Kwoze

O leetar ole Pool a bindna GIMU WE NGENNA ROM 1:23

O ndam onqe helna a Roog fa mbaafkeer fee kaa ƥoxotan nitaal o kiin mbaat ndiiƭ mbaat muumeen mbaat ƥood ndefna kaa na sooƴaa.

Esayi 37:19

soo a ndeɓ roog ke na saax akeene na fiɗel. Kaa ndeeƭee roog tiindigil, ndax a ndef soom xa taaƴ a qanq fo a ƥil axaa wiin we a njalna. Ten tax’u boo da mbaag o yaq a den.

Yeremi 16:20

Ndax o kiin a waaga fi’an a xoox um roog? Ke na mbi’eel ndefee roog.»

A kim a tedu ke 106:20

A softa a Roog fee o ndam den o daaƴ nqoox naa na ñaamaa daaƭ.

Mise 4:5

Ke qeet ke fop a ñaaƴaa ñaaƴ no gon roog den fop oo, in o mat kaa i ñaaƴaa no gon no Yaal oxe Roog in ndiiki bo na moos boo moos.

1 Korint 8:4

Um nomtooxiid koy no ke sadaxeena pangool: I anda yee fangool tigi jegee, kaa foogeena rek oo, Roog fa leng kut jegu.

Yeremi 2:8

Saasadax we laamtee yee: ‹Taa o Yaal oxe?› We na njangnaa kebil ke andiraam, ɗooɗox we na xeet fee a siiknoor fa mi, duleer we a lay no gon Baal. Kaa ngiɓoor fo roog kaa mbaageerna o ndimle.

Yeremi 2:5

O Yaal oxe kaa tee: «Ndi njofaƭar num daan nuun a nga’u na mi boo a tax da ngoƭaam, a ndeefan xa koɓong, boo a ndefat xa koɓong den fa qoox den?

A kim a tedu ke 115:4

Den o mat, pangool den ndefu nitaal xaaliis fa wurus ke o ɓay no kiin a jalna.

A kim a tedu ke 3:3

A jega mayu waa na layanaxam ee: «Jaratee ta yaakaaraa Roog a muclin.» A  maaf

A cangatin ale 33:29

Nuun Ii-isra’el we, nu ƭaaya! Ndi an nandu fa nuun, nuun xeet fee o Yaal oxe a mucilna? Ten refu pegoor ne na ƴufgaa a nuun fo laƥ ne na ci’aa a nuun o ndam. Xan fañ nuun a yis mbaambir nuun, soo nu ndak a den no ndiiñ.»

1 Piyeer 1:18

Nu anda a paax njigand ne nu mbatteena no ñoow kasaara le nu lamitna no daan nuun. Refee koy ee kaa na yaqooxaa nen xaaliis mbaat wurus watu a nuun,

Galati 4:8

Yaaga nu andafulee a Roog, kaa nu mbaɗooxoogu kaa refeerna Roog.

1 Sami’el 4:21

ndaa a laya yee: «Ne o ndam onqe a sutooxna Isra’el, xam ne o nqeq onqe Ikabood.» A ne’aan gon leene yaam ne arka ne Roog a jaɓ’eena fo ne o seemir um fo o kor um a nqon’ina.

2 Caloori ke 13:9

Kaa nu ndax saasadax we no Yaal oxe ndefna xa taan axe Aaroon fo Leelewi we, soo njilan a qoox nuun saasadax nen qeet ke na saax a lakas ake. Oxuu ɓisiid’ina nqoox fo a suk paal ɓetaa ƭaq rek, nu ndalfooxin o mbi o saasadax no ke refeerna Roog.

Yeremi 5:7

O Yaal oxe kaa tee: «Wo Yeerusaleem, xar na taxkaa um waasanong? Xa ƥeef a mbaasaxam pelek soo a ndaaɓoortaa roog tefee ndigil ke. Ci’’aam a den fop ke da soxla’na, ndaa yaqanee da seeqaa, a kitkitnaa me na caga le.

Yeremi 18:13

Keeke o Yaal oxe a layu: «Nqoosyo xeet fuu refna, ndax nandu nene a mose o nan? Isra’el o njaaƈ o ndoog o andee adna nqe a fi’a cednooxu ƭomu.

Heseki’el 5:7

Ten taxu keeke layum, mi o Yaal oxe na refkaa boo faw: Feek kaa nu moƴ o siiknoorel ee qeet ke mbidna a nuun, yaam ne nu ñaaƴeerna no bargal es too nu mbadnee kebil es, a pesoorooƭ no qeet ke mbidna a nuun sax moƴu ake nuun,

Heseki’el 14:5

Neene, xam duq mbind Isra’el no xeeñ, den we mbesaxama a cinj yaam pangool ke den.

A cangatin ale 32:16

A njumbandta fuux le ten roog can ke, a mbuuxnoortin a pi a cednooxu.

A cangatin ale 32:21

A njumbandta naal ne mi ke refeerna Roog, a mbuuxnoortaam pangool koɓong ke den. Mi o mat oo, xam jumbandit naal den xeet faa refeerna xeet fa ndigil, fuuxnoorit a den xeet faa fofeerna o and o leng.

1 Maad we 11:33

Xam fi keene, yaam Ii-isra’el we kaa mbaasaam soo a ngungaa mbaambir Astarte, roog fa ndew fee no Siisidoŋ we fo mbaambir Kemos, roog fee Mowaab fo mbaambir Milkom, roog fee no Aa-amon we. Ñaaƴee na ƭat es, mbi’ee kaa faaxna na kid es too ngayee bargal es fo ke simtuuma, ta guutatir fo ne Dawid fee faap Salomo a fi’tuuna.

2 Maad we 1:3

Kaa koy, malaaka no Yaal oxe a gara, a lay a Eliya fee genna Tisbi yee: «Inooxi xetik fo we o maad oxe Samari a lulna, o lay a den ee: ‹Ndax kaa Roog jegee kam Isra’el boo a tax o ɗeetnookaa maa Baal-Sebub, roog fee Ekron?›