Yeremi 19:7 - NQAARIIT NE ROOG

⁷ No mbiñ onqene, xam kasaara’in yuuƥ ke no we ngenna Yudaa fa Yeerusaleem. Xam maafit a den laƥ no fañ den fo o ɓay no we mbugna njang o ñis den soo ɓoxot xa tal den da ndefik ñaamel a tud ake fo ƥaaɓaan ke.

Yeremi 19:7 Referans Kwoze

A paɗax ale 26:17

Xam fes a nuun a cinj, too xan fañ nuun a maaf a nuun. We sibna a nuun xan a maadoox took nuun, nu ƈufaa, too o leng raxkee a nuun.

Yeremi 16:4

Xan a nqonit no jir waawar. Nqaaraandkaand too ngaskaand. Xan a ndefik tosir lanq ke. Xan a pattel laƥ fo biim, soo xa tal den a ndef ñaamel a tud ake fo ƥaaɓaan ke.»

Yeremi 34:20

Ten taxu, xam ɓoxot a den na xa ƥay no fañ den, na xa ƥay no we mbugna njang o ñis den, too xa tal den xan a ndefik ñaamel a tud ake fo ƥaaɓaan ke no lanq ke.

Yeremi 15:9

Yaay fee rim’ina xa ƥiy xa koor ɓetaa ƭaq a ŋeesooxa, a ososaa. Njeeƈ um a muda njoloor. A seda ɓot soo a seeƈaar. We yoqna na xeet fee koy, xam ɓoxot a den da saŋkitel laƥ na kid no fañ den.» O Yaal oxe layun.

Yeremi 15:2

A laamtangaang ee: ‹Mam i njofkaa?› fat o doon a den ee: Keeke o Yaal oxe a layu: Fat oxe lafooxaneena fa nqon, a jof na fa nqon, oxe lafooxaneena laƥ, a jof no laƥ, oxe lafooxaneena biim, a jof no biim oxe lafooxaneena mbaƭ, a jof no mbaƭ.»

Yeremi 7:33

Xa tal axe na xeet feene xan a ndef ñaamel tiiƭ ke fo ƥaaɓaan ke no lanq ke, too o leng fiiqilkee a den.

O leetar ole Pool a bindna GIMU WE NGENNA ROM 4:14

A soƥangaa yee o kiin kaa daawaa lam ne yaam ne ta reefaa kebil ke, yaaga o ngim onqe kasaara yoo, too a tegit ale Roog a ñufe.

O leetar ole Pool a bindna GIMU WE NGENNA ROM 3:31

Ndax neene i ñufitkaa kebil ke yaam o ngim onqe? Muk! Kaa i moƴ o saƭkinaa kebil ke sax.

A ƭomatax ake 3:37

An waagu lay ee fat tig a jeg boo ta jeg, too o Yaal oxe heblitiran?

Yeremi 46:26

Xam ɓoxot a den na xa ƥay no we mbugna njang o ñis den, na xa ƥay Nebukadnesaar fee o maad oxe Babilon fo na xa ƥay na yaj um. Cinj kaaga, Misira xan a genatinel nen yaaga. Mi o Yaal oxe layun.»

Yeremi 22:25

Xam ɓoxotong na xa ƥay no we mbugna njang o ñis of, we saɗaroona, na xa ƥay Nebukadnesaar fee o maad oxe Babilon fo a yaj ake ten.

Yeremi 22:19

Xan a gastel nen o faam, a ɗooqel soo a deɓel tafil tokand ke Yeerusaleem.»

Yeremi 18:21

Ten taxu, ɓoxoti xa ƥiy den biim le, joor a den no weel le no laƥ ne. Yaasam rew we den a nqatat, a ndefat ñaaw. Yaasam piste a ñaam goor we den, laƥ a saŋik mbes ke den na xire fee.

Yeremi 8:2

Xan a liilel no njeeƈ ne, na qoor ale fo na xa qoor axe na asamaan fop da mbex’ina, a mbaɗooxoogu a den, a ndeefoogu a den, a laamtoogu a den xa as soo a ngungoogu mbaambir den. Xa kiiƈ axeene ngiskaand mbaat da ndaknel na mboy ale, ndaa xan a ndefik tosir lanq ke.

Esayi 8:10

Nu mbaaga o yuuɓ kuu nu mbugna, ndaa kasaara doŋ a refkaa. Nu mbaaga o ngukir kuu refeerna, ndaa yaq a ƥay o don a refkaa, yaam Roog oxey fa in.

Xa peƭit axe 21:30

O jeg-yiif mbaat o ƴiƴ mbaat a kortax ƭaxee tus, yaa o Yaal oxe a fuuxanoonga.

Yeremi 8:8

«Nam nu mbaagu o layit ee: ‹Yaal-o-and i ndefu, kebil ke no Yaal oxe key fa in›? Yaam no ndigil, a pindir ale no jaajangin we no kebil ke a naɗa kebil ke no Yaal oxe.

Yeremi 8:9

Yaal-o-and we a seda ɓot, a ndiid soo a naagel jac a ndamel. Kaa nqeef fa lay fee no Yaal oxe, xar o and den a jiriñu boog?»

Yeremi 32:28

Ten taxu, mi o Yaal oxe, mexe layang ee: Xam ɓoxot teeru fene na xa ƥay no Kaakalde we fo na xa ƥay Nebukadnesaar fee o maad oxe Babilon, too xan a jaɓin.

A paɗax ale 26:25

Xam ɓisiid xire kam saax nuun, ndax um xaw a nuun, yaam ne nu ƭegna ngiɓoor es. Xan nu laqooxaa kam teeru ke, ndaa yaaga yoo um fudniid piste a ndeer nuun boo nu ƥoxotoox no fañ nuun.

1 Sami’el 17:46

Xaye o Yaal oxe a ɓoxotong ndeer xa ƥay es, xam warong soo ɗeg xoox of, deɓan tiiƭ ke fo ƥaaɓaan ke xa tal axe no Fiifilista we fop. Neene, xan qeet ke fop a and ee Isra’el a jega a Roog,

2 Maad we 21:14

Xam fod we na yoqkaa na xeet es, ɓoxot a den na xa ƥay no fañ den, da njangal a den, a mbalit o jeg den fop,

Esayi 29:14

Ten taxu xam maad o jaaxɗandtaa xeet fene comlaand. O jeg-yiif ole no jegu yiif we ten xan a mo mir, o and ole no yaal-o-and we ten a sooƴ.»

Yeremi 21:7

Cinj kaaga, xam ɓoxot a Sedekiya fee o maad Yudaa fo dag um fo we na xeet fee na muckaa na piste fee, no laƥ ne fo no biim le na xa ƥay Nebukadnesaar fee o maad oxe Babilon, na xa ƥay no fañ den fo na xa ƥay no we mbugna njang o ñis den. Xan Nebukadnesaar a xawit a den laƥ too wuuskee a den, yirimkee a den mbaat ta jeg o liir na den. Mi o Yaal oxe layun.