Yeremi 19:5 - NQAARIIT NE ROOG

⁵ A maxana a Baal a ñaang a sadaxand, ndax da ndoxanin teen xa ƥiy den xa koor nen sadax toxel, ta ref kaa heblit’eeruuma, layit’inum too mos’inum o xalaat sax.

Yeremi 19:5 Referans Kwoze

Yeremi 32:35

A maxana a Baal a ñaang a sadaxand na yulanq alaa Ben-Hinom, ndax da ndoxan a Molok xa ƥiy xa koor axe fo xa tew axe den. Hebliim a den keene too mosinum o xalaat sax. Ye da mbi’na cednooxu nandu neene, a mbakaadnoora xeet fee Yudaa.

A cangatin ale 12:31

Nu mbesoorkee nen a den, yaa nu mbaɗooxaa o Yaal oxe Roog nuun, yaam kaa da mbi’aa na paɗax ale no roog ke den cednooxu kuu ndefna kaa o Yaal oxe a sibna. A ndeta sax boo a ndoxanaa roog ke den xa ƥiy den xa koor fo xa tew.

A paɗax ale 18:21

Wariro o doxan a Molok fee Kaakanaan we a mbi’na roog den o leng na xa ƥeef nen sadax, yaam o fi’angaan, xan o niwaƭar gon es. Mi refu o Yaal oxe Roog of.

2 Maad we 17:17

Kaa ndoxoogu xa ƥiy xa koor axe fo xa tew axe den nen sadax, a ƭeetaa, a ñango’aa soo a njikoox a qoox den, ndax da mbi paaxeer na kid no Yaal oxe, a mbuuxnoorin.

Dañel 2:29

Daali maad, ye wondooxoona kaa o ɗaaɗoogu ke na xewkaa taa mbaambir, too oxe na feeñlaa kunpa ke a lalaang ke na garaa.

Heseki’el 38:10

Keeke layum, mi o Yaal oxe na refkaa boo faw: A koom xan a qalaat a inoor no xeeñ of soo o fof yuuƥ mbaaxeer

Heseki’el 20:26

Xoolaƭarandtaam a den sadax den, ye da sadaxtaa taaw ke den fop, ndax um diidland a den boo da and ee mi refu o Yaal oxe.»

2 Caloori ke 28:3

A doxooga cuuraay na yulanq alaa Ben-Hinom soo a doxaa xa ƥeem nen sadax, yaam a laalaa a pi a cednooxu ke no qeet ke o Yaal oxe a rax’ina mbaambir Ii-isra’el we.

A lim ale 22:41

No feet nqes olaa, Balak a yoona fa Balam, a ŋaay fo ten no jul olaa Bamot-Baal maa ta waag’ina o ga’it cat ke no saŋe ne na xeet fee Isra’el.

Heseki’el 16:36

Keeke o Yaal oxe na refkaa boo faw a layu: Feek huytaa a xoox of, cer ƥor of a nga’el ye o jaga’aa fo xa pes of fo pangool cednooxu ke wo fop, doon teen ɓax fo’oy le na xa ƥiy xa koor axe wo ɓoxotoona a den,

2 Maad we 21:6

A reta sax boo a dox o ƥeem o ngoor nen sadax, a ɗeetaa, a ñango’aa soo a dalin waa na ƈufginooxaa xon we fo maɗag. Kaa moƴ’u moƴ o fi’aa kaa faaxeerna na kid no Yaal oxe, a fuuxnooran.