Yeremi 19:15 - NQAARIIT NE ROOG

¹⁵ «Keeke o Yaal oxe Roog fee Isra’el Hupna fop a layu: ‹Xam atiid took teeru fene fo took teeru ke ta waxooxna fop taamaala ke regdinooxanuuma fop, yaam we ngenna teen kaa saƭik a qoox, a mbañ o nan-giloox fa lay es.› »

Yeremi 19:15 Referans Kwoze

Yeremi 7:26

Kaa koy, nu nan-gilooxiraam, nu ndungee nof nuun. Kaa nu saƭik a qoox, moƴ o yedin daan nuun.

Yeremi 17:23

Kaa koy, daan nuun nan-gilooxee, ndungee nof den, a saƭik a qoox, ndax nan-gilooxkiraam soo a mbañ a cangin es.»

Nehemi 9:29

Maƭooxaa a den, ndax da nomtooxiid no kebil of, ndaa den o mat, a magnandooxooga, a mbañ o ndeef kebil of. A ƭapa bargal ke wo o kiin oxe warna o fadin, ndax ta ñoow. Kaa nquun yaam nanaƭar, a saƭik a qoox, a mbañ o nan-giloox.

Nehemi 9:17

a mbañ o nananong, a mbeecit comlaand ke fi’anoona a den. Kaa saƭik a qoox soo kam siiknoor den, da njilan a qoox den o aa-adax, ndax da nomtoox no mbaƭ naa den. Wo o mat, Roog faa na waasantaa refo, faa yaajna kam too may yirmande, faa na muñantaa too may fo o mbeq. Waasiro a den,

Yeremi 5:3

O Yaal oxe, ndax refee yee a kid of ngor rek a mbaaƭaa? Xawaa a den, ndaa ɗaxee a den dara. Saŋkaa a den, ndaa kaa mbañ a maƭax ale. Kaa njikooxaa o saƭik xoox, a mbañ o nomtooxiid me wo.

Yeremi 6:19

Lanq ke, nan-gilooxyo! Mi o mat na ɓisiidkaa took xeet fene taamaala fee a qalaat a paaxeer den a ndimna. Nan-gilooxee fa lay es too ngayee kebil es.

Yeremi 11:17

O Yaal oxe Hupna fop jimb’oonga, a fosooxanaang taamaala yaam paaxeer ke wiin we Isra’el fo we Yudaa a mbi’na a qoox den. A mbuuxnooraan, ye da ndoxanna a Baal cuuraay.

Yeremi 19:3

Xan o lay ee: Nuun maad we Yudaa fo we ngenna Yeerusaleem, nan-gilooxyo fa lay fee no Yaal oxe! Keeke o Yaal oxe Roog fee Isra’el Hupna fop a layu: Xam atiid no mbiñ onqene taamaala faa na foɗaxinkaa nof no we na nankan.

Yeremi 22:21

Lay’aam fa wo yaaga dara jaaxɗandirang, ndaa o doonaam ee: ‹Nan-gilooxkiim.› Keene refu a pesoorooƭ of no kaa xotitna no ndeƥandoong of, yaam nan-gilooxiro o ñuxur es.

Yeremi 36:31

Xam xawong, wo fo xa taan of fo dag of yaam tooñ nuun too xam ɓisiid took nuun, took we ngenna Yeerusaleem fo took wiin we Yudaa taamaala fee regdinooxuuma a nuun fop, too nu nan-gilooxiraam.»

Yeremi 11:11

Ten taxu keeke o Yaal oxe a layu: «Mexey ɓisiidaa took den taamaala faa da mbaagkeerna o ndaɗ. Xan a ƈufginooxaam, ndaa nan-gilooxkiim a den.

Yeremi 13:11

Yaam kat, ne o koor a humnoortaa o kumnoor no ndet um, neene humnoorit’um maat ne Isra’el fop fo ne Yudaa fop, ndax da ndef xeet es, o niwel es, a simat es fo kelax es. Kaa koy, nan-gilooxee.» O Yaal oxe layun.

Yeremi 18:11

Ndiiki koy, layi wiin we Yudaa fo we ngenna Yeerusaleem ee: Keeke o Yaal oxe a layu: Mexe fexeyanaa a nuun taamaala, yuuɓanaa a nuun yuuƥ paaxeer. Fat oxuu refna na nuun a fes a ƭat a paaxeer um a cinj. Njagandatinyo a ƭat nuun fo a pi nuun.

Yeremi 25:3

«No kaa xotitna no hiid xarɓaxay fo o hiid o dadkandeer ole no maat Yosiya fee o ƥiy Amon too a ref o maad Yudaa, a gar fa xaye, xa kiid qarɓeen ƭik fo xa kiid xa tadaq axey axaa um daawaa fa lay fee no Yaal oxe, yegnan a nuun roog fuu feedna, ndaa nu nan-gilooxee.

Yeremi 25:4

O Yaal oxe a lultiida a nuun duleer we dag um fop, roog fuu feedna ta luliid a den, ndaa nu nan-gilooxee, nu ndungee nof nuun, ndax nu nan.

Yeremi 25:7

Kaa koy, nu nan-gilooxiraam, ndaa kaa nu mbuuxnoortaam nitaal roog ke nu njaloodna, ndax nu or taamaala took nuun. Mi o Yaal oxe layun.›

Yeremi 25:8

Ten taxu keeke o Yaal oxe Hupna fop a layu: ‹Feek nu nan-gilooxee fa lay es,

A ƭomatax ake 2:2

O Yaal oxe a yaqa kenand ke Yakoob fop too yirmiran. Kam fuux ɗomu le ten a jiƭta saŋe ke no saax le Yudaa, o ndoog onqe, a bereng a den a lanq, a maasand maat ne fo kelfa ke ten.