Yeremi 19:14 - NQAARIIT NE ROOG

¹⁴ Yaa Yeremi a nomtoortiidna Tofet, maa o Yaal oxe a lul’uuna, ndax ta yegnitanin fa lay um, a gara a geenoox no maax ole no Mbind ne no Yaal oxe, a lay fop waa ndeeƭna maaga yee:

Yeremi 19:14 Referans Kwoze

Yeremi 26:2

O Yaal oxe a layaan ee: «Geenooki no maax olaa no Mbind es, lay fop we ngenna no teeru ke Yudaa, na nqeɗiidaa no Mbind es, fop ke hebloonga o lay a den. Ba o hend teen dara!

2 Caloori ke 20:5

Yosafat a geenooxa a ndeer mbokatax ne no Yeeyeerusaleem we fo Yuuyudaa lakas we mbaambir o maax o xas ole no Mbind ne no Yaal oxe.

A pi ake 5:20

«Ndetyo moof no Mbind Roog naa, yegin xeet fee fa lay fuu jofna no ñoowooƭ olene.»

Yeremi 17:19

Keeke o Yaal oxe a layaxam: «Reti fod me na xoyeel Ndokand ne na xeet fee, me maad we Yudaa a ndoktaa soo a sutooraa, fo no tokand ke Yeerusaleem fop.

Yeremi 25:2

Yeremi a laya wiin we Yudaa fop fo we ngenna Yeerusaleem fop ee:

Yeremi 28:5

O tuleer Yeremi a doona o tuleer Hananiya mbaambir saasadax we fa xeet fee fop ndeeƭna kam Mbind ne no Yaal oxe,