Yeremi 19:13 - NQAARIIT NE ROOG

¹³ Pind ke Yeerusaleem fo ke no maad we Yudaa xan a nqoolaƭar nen a Tofet, pind ke fop andoona yee xa qoor axe na asamaan a ƥoxotane cuuraay na xa tung-took axe den, soo roog lakas ke a njuuranel teen biiñ nen sadax.»

Yeremi 19:13 Referans Kwoze

Yeremi 32:29

Kaakalde we na songaa teeru fene xan a ndok teen, a ngeƥandin. Xan a ndoxin riw, ten fo pind ke Baal a doxantoogeena cuuraay na xa tung-took axe den, soo roog lakas ke a njuuranteel teen, ndax um fuuxnoorel.

2 Maad we 23:12

O maad oxe a gefa xa sadaxand axe ndeeƭna took bomb le na ndok-took ale Ahas, too maad we Yudaa a mbi’’u a den. A gefa itam xa sadaxand axe Manaase a fi’in’ina kam xa maax xa ƭaq axe no Mbind ne no Yaal oxe. Cinj ye ta duguñna a den, a bufa kefatin ke fop, a ɓaxik a den na yulanq alaa Kederon.

Sofoni 1:5

Xam moocand we na ngungaa na xa tung-took axe mbaambir njeeƈ ne fo o nqool onqe fo xa qoor axe, we na ngungaa, a ndaaɓoortaxam, mi o Yaal oxe, ndaa yaqanee da ndaaɓoortaa a Milkom,

Yeremi 7:18

Xa teɓandoong axe kaa ndaxanaa, paap ke a ngeƥandaa fiɗel le, soo rew we a nqiiwaa, ndax da mbi’an a Lingeer fee na asamaan xa kaf. Kaa njuuranaa roog can ke biiñ, ndax da mbuuxnooraam.

A cangatin ale 4:19

Nu ndaxaaƴooxangaa na asamaan fee, nga njeeƈ ne fo o nqool onqe fo xa qoor axe, tig oo tig ke na asamaan fop daal, baa riñ a nuun nu ngungaa mbaambir den, mbaɗooxaa a den. O Yaal oxe Roog kaa xaƴan qeet lakas ke fop no lanq ke a pi akeene.

Yeremi 44:18

Kaa koy, naa i mbaasu o ndoxanaa a Lingeer fee na asamaan cuuraay soo mbañat o njuuranin, i ñaka fop, soo laƥ fo biim a ñaam a in.»

A kim a tedu ke 79:1

A kim a tedu laa fogna na ke Asaf oo. Wo Roog, qeet lakas ke a mbañooxaniida saax le wo, a maasand Mbind tedu ne wo soo a mbi a Yeerusaleem juum kefatin.

A kim a tedu ke 74:7

A ngeƥanda Mbind tedu ne wo, a maafin, a maasand Ngenand ne wo.

2 Maad we 23:10

O maad oxe a maasanda a Tofet reeƭna na yulanq alaa Ben-Hinom, ndax o leng doxankatee a Molok o ƥeem o ngoor mbaat o ndew.

A pi ake 7:42

Kaa koy, Roog a fesa a den a cinj, a xaƴ a den da mbaɗooxaa pindel ke na asamaan fee, ne ta bindteena no safe le no duleer we yee: ‹Nuun xeet fee Isra’el, ndax mi nu sadaxu muumeen fo sadax lakas na xa kiid qarɓeen nahik axe nu njegna na koƥ-a-ƥor alaa?

Heseki’el 20:28

Ɗoxaam a den boo no saax le daaɓoox’uuma fo o ɓay es took ee xam ci’in a den. Den o mat, muu da ƈookna ñaang sadaxand mbaat ndaxar niɓu, a ƥoxot maaga sadax den, a mbuuxnoortaam maaga sadax tuufe-duufe ke den, a ƥoxot maaga sadax pelu tuñ ke den soo a njuur maaga biiñ fee den.

Yeremi 52:13

A doxa Mbind ne no Yaal oxe fo mbind no maad ne fo pind ke Yeerusaleem boo no pind ke no wiin maak we fop.

2 Maad we 23:14

Yosiya a gefa a ƥil a sexe ke, a seɓ xa taaƴ xa lupe xe Asera, soo fo mbiñ neene fop, ta mayƭand a den fo xa kiiƈ no wiin.

A pi ake 10:9

No feet olaa, a ndeeƭa na ƭat, too a matiida teeru faa Yope. Kaaga xaa jopir’a Piyeer a ŋaay took taax naa farna fo njeeƈ ndeer xoox ndax ta xeɗ.

2 Maad we 17:16

Kaa nqaƴ kebil ke no Yaal oxe Roog den fop, a njawan a qoox den nitaal fo nqeel fo ƭik, a sip xa taaƴ xa lupe xe Asera, a ngungaa mbaambir xa qoor axe na asamaan soo a mbaɗooxaa a Baal.

Yeremi 8:2

Xan a liilel no njeeƈ ne, na qoor ale fo na xa qoor axe na asamaan fop da mbex’ina, a mbaɗooxoogu a den, a ndeefoogu a den, a laamtoogu a den xa as soo a ngungoogu mbaambir den. Xa kiiƈ axeene ngiskaand mbaat da ndaknel na mboy ale, ndaa xan a ndefik tosir lanq ke.

Yeremi 19:12

Neene um fi’kaa o mbiñ onqene fo we ngenna teen. Ke dalna a Tofet xan a dal teeru fene. Mi o Yaal oxe layun.

Esayi 22:1

Ke layeena na «Yulanq ale no mbeeñil ne»: Yeerusaleem, xar damong boo we ngenoonga fop a ŋaay na xa tung-took axe,