Yeremi 18:9 - NQAARIIT NE ROOG

⁹ Leek-leek itam kaam fosooxanaa xeet mbaat maat ee xam maxin, sinjin.

Yeremi 18:9 Referans Kwoze

Yeremi 31:28

Ne fexeyantuuma a den, ndax um fuur, jiƭit, yaq, saŋik soo fi paaxeer, neene um fexeyanitkaa a den, ndax um max soo jimb.» O Yaal oxe layun.

Yeremi 11:17

O Yaal oxe Hupna fop jimb’oonga, a fosooxanaang taamaala yaam paaxeer ke wiin we Isra’el fo we Yudaa a mbi’na a qoox den. A mbuuxnooraan, ye da ndoxanna a Baal cuuraay.

Yeremi 1:10

Ɗeeti, mexe dalnang xaye took qeet ke fo maat ke, ndax o fuuraa soo maafaa, yaqaa soo baytaa, maxaa soo jimbaa.»

O baawaare xe 3:2

A jega hap o rimel fo hap fa nqon, hap a cimb fo hap o fuur njimb ne,

Yeremi 32:41

Xam felakinoox no fi’an a den paax. Xam jimb a den da saƭik koŋ no saax lene, fi’in fo xeeñ es fop fo o laaw es fop.› »

Yeremi 31:38

O Yaal oxe kaa tee: «Ñaal key a ngaraa kaa um maxatinankeel a Yeerusaleem, a xotit no Taax-took ne Hananel boo no Ndokand naa no kooñ ne.

Yeremi 31:4

Xam maxatinong, too xan o maxatinel, wo Isra’el o njaaƈ o ndoog o andee adna nqe. Xan o mosandooritahin a ñal ake wo, yoon fo feefec we na ƈeelaa.

Yeremi 30:18

Keeke o Yaal oxe a layu: «Xam xendandatin ƭiif ke Yakoob, yirim kenand ke ten, teeru fuu refna a maxatinel na pec um, mbind mosu nuu refna a daknel na seek a ndigil um.