Yeremi 18:8 - NQAARIIT NE ROOG

⁸ Kaa koy, boo xeet feene a fesna a cinj ke taxna um fuuxanin, xam ricoox paaxeer ke yuuɓan’anuuma.

Yeremi 18:8 Referans Kwoze

Heseki’el 18:21

«O soxodu xe a fesangaa a cinj pakaad ke ta fi’na fop, a gay bargal es fop soo a reefaa a ƭat fo o cofel, a woora yee xan a ñoow, xonkee.

Yeremi 26:13

Ndiiki koy, supityo a pesoorooƭ nuun fo a pi nuun, nan-giloox o ñuxur no Yaal oxe Roog nuun. Yaaga xan o Yaal oxe a ricoox paaxeer ke ta waajan’ina a nuun.

Hoose 11:8

«Wo Efrayim, nam waagoong o xaƴit? Kaam ee wo Isra’el, ndax xam ɓoxotong moos? Nam waagoong o doonit ke doonuuma a Adma, fi’ong ke fi’uuma a Seboyiim? Kam es neegiran, um may muut fa yirmande.

Yeremi 26:3

Xeƈa xan a nan-giloox, a mbes a cinj a ƭat a paaxeer den. Maaga, xam ricoox paaxeer ke yuuɓan’uuma a den yaam kañaan ne na pi den.

Haahate we 2:18

Mbanuu o Yaal oxe a sutanna a den o kaahate, a refooga fo ten, a wataa a den na xa ƥay no fañ den no ñoow ole no kaahate xeene fop, yaam o Yaal oxe a yirmooga a den yaa da iinaa no we ñagadiloogna a den fo no we ngal’andoogna a den.

A kim a tedu ke 106:45

A wetandooxa ngiɓoor um fa den, ndax ta jiriiñ a den, too a yirma a den no mbeq o maak um.

A kim a tedu ke 135:14

O Yaal oxe xan a ɓoxot xeet um ɓur, a yirim dag um.

A kim a tedu ke 90:13

O Yaal oxe, kaa o xurulooxkaa a in neeke boo a mban? Nomtooxiidi, yirim a in, in we dag of!

2 Caloori ke 12:6

O maad oxe fo maak we a neewandooxa, soo a lay ee: «O Yaal oxe mat ɓuru.»

A cangatin ale 32:36

O Yaal oxe xan a ɓoxot xeet um ɓur, a yirim dag um, yaa ta ga’na yee doole den a naaga tak, fop a fagat.

A sutax ale 32:12

O fi’angaa keene, xan Miimisira we a layaa yee o toroxand a in, in Ii-isra’el we taxu o sut a in Misira, ndax o warnoor a in kam xa coong axe, xuuf xa ñis in took lanq ke. Ɓoosdandi fuux of too waas paaxeer ke bugoona o fi a in, in we xeet of.

Yoona 4:2

Keeke refu ke ta xeɗ’ina o Yaal oxe: «O Yaal oxe, keene o mat saɗaroogum, ye maad’uuma o refaa no saax es, too ten taxu um ñof’u o ƴufaa farna fa Tarsis. Andaam koy ee Roog fa laabiiru fa mayu yirmande refo. Kaa o muñ, may fo o paaxel, too kaa o ricooxaa paaxeer ke yuuɓoona.

Heseki’el 33:13

Um layangaa o cofu xe yee xan a ñoow, o cofel um a deyangaan boo ta taxin o fi njofaƭar, a pi a paax ake ten fop xan a mbeecel, too xan a xon, yaam paaxeer ke ta fi’na.

Heseki’el 33:11

Layi a den ee: Ne ta wooritna yee mexe ñoowaa, mi o Yaal oxe na refkaa boo faw layun: O soxodu xe a saŋkoox moƴaniraam, ke buguuma kañ refu yee ta supit a pesoorooƭ soo a muc. Nomtooxiidyo, kaam ee nu nqaƴ a ƭat a paaxeer ake nuun. Ndi xar taxu nu mbug o nqon, nuun mbind Isra’el?

Yeremi 42:10

‹Nu saxangaa tigi no saax lene, xam maxatin a nuun nu ndefat xeet too yaqkatiim a nuun, xam jimb a nuun too fuurkatiim a nuun. Maaga, xam ricoox paaxeer ke fi’uuma a nuun.

Yeremi 36:3

Xeƈa xan wiin we Yudaa a and taamaala fee yuuɓanuuma a den fop, ndax da mbes a cinj a ƭat a paaxeer ale den. Maaga, xam waasanit tooñ den fo pakaad den.»

Yeremi 26:19

Ndax Hiskiya fee o maad Yudaa fo we Yudaa fop a mbarnoor’aan? Ndax Hiskiya saɗar’ee o Yaal oxe? Ndax ƴufginoox’ee o Yaal oxe? Maaga, o Yaal oxe a ricooxa paaxeer ke ta waajan’ina a den. In o mat, i mbug o ngadin a qoox in paaxeer magnitu neene!»

Yeremi 15:6

Waasaxamo, fesaam a cinj. Mi yoo yoɗanaaxoong o ɓay es, yaqong pic. Deyƭooxaam sik na ticax.

Yeremi 12:16

Maaga, a aqatooxangaa a ƭat ake na xeet es, a ndaaɓoorit gon es ee: ‹Ne ta wooritna yee o Yaal oxe xe ñoowaa›, ne da njangnitna xeet es da ndaaɓooraa a Baal, xan a ndalnel a ndeer xeet es.

Heseki’el 33:14

Um layangaa o soxodu xe yee xan a xon, a fesangaa pakaad um a cinj soo a reef a ƭat fo o cofel, xonkee.

A sutax ale 32:14

Cinj a qeƭax alaaga, o Yaal oxe a waasa paaxeer ke ta yuuɓan’ina xeet um.

Heseki’el 33:12

Wo fee o ƥiy no kiin, layahini wiin we na xeet of ee: A koom aluu o cofu xe a soobooxna na pi a paaxeer, o cofel um mucilkiran, too o soxodu xe a fesangaa a cinj a pesoorooƭ a paaxeer um, paaxeer ke ta fi’na yaaga taxkiran o saŋkoox. Neene itam o cofu xe ñoowkee na pexey o cofel um yaa ta bakaadna.

Amos 5:15

Kaam ee, nu sib paaxeer, mbex paax, ñaaƴin o cofel no xeloorand ole. Yaaga o Yaal oxe Roog fee Hupna fop a waaga yirimkaa a nuun, nuun yoqatin we no mbind Yoseef.»