Yeremi 18:7 - NQAARIIT NE ROOG

⁷ Leek-leek kaam fosooxanaa xeet mbaat maat ee xam sooƴnin, maafin soo gefin tuƈ.

Yeremi 18:7 Referans Kwoze

Yeremi 1:10

Ɗeeti, mexe dalnang xaye took qeet ke fo maat ke, ndax o fuuraa soo maafaa, yaqaa soo baytaa, maxaa soo jimbaa.»

Yeremi 45:4

Keeke o Yaal oxe a simaxam um layong: Ga’angi, mexe yaqaa ke max’uuma, fuuraa ke jimb’uuma, refna ref saax lene fop.

Yoona 3:4

Yoona a ñaaƴa ñaal leng kam teeru faa, a yegnitaa yee: «Ndeer mene fo ñaal qarɓeen nahik, xan Niniif a gefel tuƈ.»

Amos 9:8

Mi o Yaal oxe na refkaa boo faw fuuliim, a kid es kaa ndoonoox took saax leene na fi’aa cageer, ten taxu xam moocandin na adna, ndaa koy moocandkiim tak mbind Yakoob. Mi o Yaal oxe layun.

Mberaand 6:6

O Yaal oxe a ricooxa ke taxna ta fi o kiin took lanq ke, soo xeeñ um a gooy.

Yeremi 31:28

Ne fexeyantuuma a den, ndax um fuur, jiƭit, yaq, saŋik soo fi paaxeer, neene um fexeyanitkaa a den, ndax um max soo jimb.» O Yaal oxe layun.

Yeremi 42:10

‹Nu saxangaa tigi no saax lene, xam maxatin a nuun nu ndefat xeet too yaqkatiim a nuun, xam jimb a nuun too fuurkatiim a nuun. Maaga, xam ricoox paaxeer ke fi’uuma a nuun.

Heseki’el 33:14

Um layangaa o soxodu xe yee xan a xon, a fesangaa pakaad um a cinj soo a reef a ƭat fo o cofel, xonkee.

Dañel 11:4

Yaa ta dalinkaa maat um boo a saƭkandin, maat um xan a gef soo a xaajoox nahik. Xa ƥeem ndondandkiran, ndaa lakas na lasirkaa maat um. Kaa koy, weene njegkee doole fee ta jeg’ina.

Yeremi 26:3

Xeƈa xan a nan-giloox, a mbes a cinj a ƭat a paaxeer den. Maaga, xam ricoox paaxeer ke yuuɓan’uuma a den yaam kañaan ne na pi den.

Yoona 3:10

Roog a ga’a ne wiin we Niniif a mbesoorna, too a ga’a yee a mbesa a pi a paaxeer ake den a cinj. A ricooxa paaxeer ke ta bug’ina o fi a den, soo a waasan a den.