Yeremi 18:23 - NQAARIIT NE ROOG

²³ Wo o Yaal oxe koy, andaa kukir ke den fop, ndax da mbarnooraam. Ba o waasan a den tooñ den too ba o forit bakaad den mbaambir of. Yaasam da maafel na kid of! Ɓeki a den o ɓay yaa fo fuux of!»

Yeremi 18:23 Referans Kwoze

A kim a tedu ke 35:4

Fat we mbugna njang o ñis es a sed, a naang ɓot. Fat we na yuuɓanaxam paaxeer a ndiƈatoox, yaam a sed.

Esayi 2:9

Kaa koy, wiin we fop xan a neewandoox, a yer fo ut ole, too wo o Yaal oxe, ba o inatin a den.

O leetar ole Pool a bindna GIMU WE NGENNA ROM 2:5

Kaa koy, ne bugeeroona o fes pakaad of a cinj yaam o saƭik xeeñ of, kaa o waajanaa a xoox of a qaw ale na moƴkaa o ɗom, yaa bes fee na hate fa njofu fee Roog fo fuux le ten a mbadiidkaa.

YEGIL MBAAX NE YEESU ne Lik a bindtuuna 21:22

Yaam xan a ndef ñaal kaa Roog a rabdinooxkaa, ndax ke bind’eena fop a fadnoox.

Yeremi 18:18

Maaga, a jega waa layna yee: «Ngaryo i yuuɓan a Yeremi yuuƥ paaxeer, yaam i ñakee saasadax waa njangnitna kebil ke, yaal-o-and waa cooxna a in xa as fo duleer waa ndaawnitna fa lay fee Roog. Ngaryo i yaq ƭool um, too ba a ƭat in a yong no fop ke ta layaa a in.»

Yeremi 15:15

Kaa koy, wo o Yaal oxe andaa fop. Wetandooxaam, saytooxaam soo rabdinooxanaam no ñaañagadil we mi. Ba o xaƴaam um loroox no muñ ole wo took no fañ es, wo fee niidna o fuux. Andi yee wo taxaxam o weneel.

Yeremi 11:23

Yoqkee o leng no wiin we Anatot, yaa um ɓisiidkaa taamaala fee took den, no hiid ole um ɓekkaa a den o ɓay.»

Yeremi 8:12

Ndax a njega o ndicax no cednooxu ke da mbi’na? Sedee teen dara too andee gaci. Ten taxu xan a mbog no we ñakna xa ñis den, a mbagiɗ tak, yaa um dalkaa took den.» O Yaal oxe layun.

Esayi 10:3

Xar nu mbi’kaa na bes faa no nqeloor naa, yaa a und ale a inoortiidkaa koƭu? Maa an nu ƈufkaa, ndax nu njaɓnooxin, too mam nu laqkaa kalal ke nuun?

A kim a tedu ke 59:5

Owey na kaat, a mbaajaa, too yaaga fop fi’iim cageer. Ga’angi, ƴufgiidaam, ba o dam njaambuur of!

A kim a tedu ke 119:126

O Yaal oxe, fadaa o fesoor tig, yaam a cangin of a ƭape.

Yeremi 6:15

Ndax a njega o ndicax no cednooxu ke da mbi’na? Sedee teen dara! Njegee kaa da sedna. Too andee gaci. Ten taxu xan a mbog no we ñakna xa ñis den, a mbagiɗ tak, yaa um dalkaa took den.» O Yaal oxe layun.

Yeremi 6:21

Ten taxu, mi o Yaal oxe, xam doon mbaambir xeet fene a panq. Xan a mbaɓoox teen soo a saŋkoox den fop, paap ke fo xa ƥiy xa koor den, gentand den fo qaariit den.»

Yeremi 7:20

Ten taxu keeke o Yaal oxe na refkaa boo faw a layu: «Fuux es fo say es owe mbiltooxaa no mbiñ onqene, took no wiin we fo muumeen ke, took taxar ke na koƥ ale fo ke lanq ke a mbatna. Xan a kaƥaa too ñufkee.»

Yeremi 17:4

Xan nu ñak lam ne ci’’uuma a nuun. Xam fi a nuun faɗ no fañ nuun no saax laa nu andeerna. Yaam nu ngeƥanda fuux le mi, too xan a kaƥaa boo kili.»

Yeremi 26:8

Yaa Yeremi a layna boo a ƴut fop ke o Yaal oxe a hebil’uuna, ndax ta layin xeet fee fop, saasadax we, duleer we fo faan le ndeeƭna maaga fop a ndamaan, a layin ee: «Fa nqon jagto!

Yeremi 26:11

Maaga, saasadax we fo duleer we a laya kelfa ke fa xeet fee fop ee: «O koor oxene kaa war o maalel fa nqon! Nu nanooda fo nof nuun, ke ta layna took teeru fene.»

Yeremi 37:15

Weene a mbuuxana a Yeremi, a nqawin soo a mbegin no mbind Yoonatan fee o piibind oxe no maad oxe, maa da mbi’atna kaso.

Yeremi 38:4

Kelfa ke a laya o maad oxe yee: «O koor oxene fa nqon helun! Ke ta layaa kaa foosnooraa goor xiixire we yoqna kam teeru fene fa xeet fee fop. O koor oxene waaƭanee xeet fee jam, ndaa taamaala den a oraa.»

A kim a tedu ke 56:8

Ndax xan a ndaɗ no njofaƭar den neene? Wo Roog, kam fuux le wo maafi a den.

Yeremi 17:18

Yaasam ñaañagadil we mi a sed, mi o mat ba um sed. Yaasam da mbiriɓ, mi o mat ba um firiɓ. Garti took den ñaal taamaala, yaq a den pic.»

A ƭomatax ake 3:60

Ga’aa ne fañ es a mbugitna ndabdinoox fo fo ngir ne da ngiɓanaxama fop.

A ƭomatax ake 3:61

O Yaal oxe, nanaa a ben ake den, and fo ngir ne da ngiɓanaxama fop.